Fréttablaðið - 07.06.2004, Blaðsíða 20

Rúmum áratug eftir að KurtCobain, forsprakki Nirvana,
framdi sjálfsvíg hafa íbúar í
heimabæ hans, Aberdeen í Wash-
ington, ákveðið að minnast afreka
hans. Leland Cobain, afi Kurts, er
á meðal þeirra sem eru í Kurt
Cobain-minningarnefndinni sem
sett hefur verið á fót.
Ekki hefur verið ákveðið hvað
verði gert en meðal annars eru
uppi hugmyndir um að stofna
miðstöð fyrir ungt fólk þar sem
áhersla verður lögð á tónlist og
annars konar listsköpun. Einnig
er talað um að útbúa minningar-
garð við miðbæinn þar sem reist-
ur verður veggur með veggja-
kroti til minningar um Cobain.
Þess má geta að fyrr á þessu ári
stóð til að breyta nafninu á al-
menningsgarðinum North Aber-
deen Park, sem er staðsettur
skammt frá Wishkah-ánni, í Kurt
Cobain Memorial Park. Margir
kannast eflaust við nafn árinnar
síðan gefin var út Nirvana-tón-
leikaplatan From the Muddy
Banks of the Wishkah árið 1996. ■
Cobains minnst í heimabænum
7. júní 2004 MÁNUDAGUR
KURT COBAIN
Sló í gegn með rokksveitinni Nirvana í
byrjun tíunda áratugarins. Lagið Smells
Like Teen Spirit kom sveitinni á kortið.
■ LISTSÝNING
■ KVIKMYNDIR
Seint í maímánuði opnuðu sjö ís-lenskar myndlistarkonur sýn-
ingu í listasalnum Þrúðvangi sem
er í kvosinni í Mosfellsbæ. Húsið
stendur á bökkum Varmár, og þar
var áður mötuneyti fyrir starfs-
fólk gömlu ullarverksmiðjunnar á
Álafossi.
Sýningin nefnist Lýðveldið Ís-
land og er haldin í tilefni þess að á
þessu ári eru sextíu ár liðin frá
því að Ísland varð lýðveldi. Við
opnunina var Bryndís Jónsdóttir,
ein sýnenda, með gjörning þar
sem hún litaði Varmá með fánalit-
unum.
„Ég notaði einhvern barnalit
sem mér var sagt að mætti
borða, þannig að hann var mjög
vistvænn,“ segir Bryndís til að
taka af öll tvímæli. Hún er nokk-
uð viss um að litarefnin sem
fóru út í Varmá í stórum
skömmtum á tímum ullarverk-
smiðjunnar hafi ekki verið jafn
vistvæn.
„Hugmyndin að þessum gjörn-
ingi kviknaði bæði út frá nafninu
á sýningunni, og notaði ég þess
vegna fánalitina, og eins vegna
þess að þarna var stunduð ullarlit-
un og töluvert af lit fór þá í ána.“
Bryndís sýnir einnig búmark
sem hún hefur látið gera fyrir sig
úr bæheimskum kristal.
„Þetta var blásið fyrir mig í
Tékklandi. Formið er svolítið
eyrnalaga og svo eru mismunandi
skurðir í því.“
Búmarkinu kom hún fyrir á
vörðu úti í ánni og tók svo ljós-
myndir sem eru til sýnis inni í
Þrúðvangi.
Önnur verk á sýningunni eru
eftir þær Ólöfu Oddgeirsdóttur,
Önnu Jóhannsdóttur, Guðbjörgu
Lind, Hlíf Ásgrímsdóttur, Krist-
ínu Geirsdóttur og Kristínu Jóns-
dóttur frá Munkaþverá.
Sýningin í Þrúðvangi stendur
til 20. júní. ■
Lýðveldið í mötuneytinu
Potter slær aðsóknarmet
Kvikmyndin Harry Potter ogfanginn frá Azkaban, sem er
sú þriðja í röðinni um galdra-
strákinn Potter og félaga hans í
Hogwartskóla, hefur slegið öll að-
sóknarmet í Bretlandi síðan hún
var frumsýnd síðasta mánudag.
Á fyrstu þremur sýningardög-
unum halaði myndin inn um einn
og hálfan milljarð króna og sló
þar með metið sem önnur myndin,
Harry Potter og leyniklefinn,
hafði sett. Nýja myndin er jafn-
framt sú fyrsta í Bretlandi sem
tekur inn meira en 655 milljónir á
fyrsta sýningardeginum. ■
HARRY POTTER
Ævintýrið um galdrastrákinn Harry
Potter og vini hans hefur slegið öll
aðsóknarmet í Bretlandi.
Laugavegi 26 • Kringlunni • Smáralind
Mixið er byrjað
í öllum verslunum
Skífunnar!
■ TÓNLIST
VARMÁ Í FÁNALITUNUM
Frá opnun sýningarinnar Lýðveldið
Ísland í Þrúðvangi í Mosfellsbæ.