Fréttablaðið - 10.06.2004, Blaðsíða 12

10. júní 2004 FIMMTUDAGUR
SAMGÖNGUR Nýtt leiðakerfi Strætó
bs. verður ekki tekið í notkun fyrr
en í fyrsta lagi í október vegna
þess að ekki næst að ráðast í nauð-
synlegar framkvæmdir á til-
settum tíma. Áður hafði verið
stefnt að því að taka nýja leiða-
kerfið í notkun seinni part sumars.
„Ástæða þess er einkum sú að
þær framkvæmdir sem ráðast
þarf í samhliða kerfisbreyting-
unni eru tímafrekari en gert var
ráð fyrir og þurfa í einhverjum til-
vikum að fara í gegnum deili-
skipulagsferli. Það ferli er nokkuð
tímafrekt og því ljóst að ekki næst
að ljúka því á tilsettum tíma,“
segir á vef Strætós bs.
Á vef fyrirtækisins kemur jafn-
framt fram að nýja leiðakerfið sé að
mestu tilbúið, en framundan sé að
útfæra tímatöflur og fleira sem snýr
að því að hrinda því í framkvæmd.
Þá segir þar að undanfarnar vikur
og mánuði hafi staðið yfir víðtækt
kynningar- og samráðsferli, þar sem
margar gagnlegar ábendingar og at-
hugasemdir hafi komið fram og að
nokkuð margir hafi sent Strætó bs.
athugasemdir í tölvupósti eftir að
hafa kynnt sér tillögur að nýju leiða-
kerfi á straeto.is. ■
UMFERÐARMÁL „Niðurstaðan er sú
að breyttir og upphækkaðir jepp-
ar hafa hvorki hærri slysatíðni né
verri meiðslatíðni
en venjulegir
jeppar,“ segir
Skúli Þórðarson,
einn höfunda
nýrrar skýrslu
um slysatíðni
breyttra jeppa.
Úrtakið var rúm-
lega 15 þúsund
jeppar af 22 mis-
munandi tegund-
um sem nýskráðir
höfðu verið á
tímabilinu 1991–2001. Skýrslan
var unnin af Orion-ráðgjöf með
sérstökum styrk frá Rannsóknar-
nefnd umferðarslysa.
Skúli segir að niðurstaðan hafi
að vissu leyti komið á óvart enda
hafi goðsögnin um að breyttir
jeppar séu hættulegri í umferð-
inni verið lífseig meðal almenn-
ings undanfarin ár. „Breyttir
jeppar hafa löngum haft verra orð
á sér en efni standa til en það hafa
engin haldbær rök komið fram
um að þeir valdi meiri hættu,
fleiri slysum eða verri slysum og
skýrslan staðfestir það.“
Samkvæmt niðurstöðum
skýrslunnar mælist ekki mark-
tækur munur á meiðslum öku-
manna sem lentu í árekstrum við
breytta eða óbreytta jeppa á við-
komandi tímabili. Þó er tekið fram
að stutt er síðan upphækkaðir
jeppar komu fyrst á göturnar og
tiltölulega fá slys vegna þeirra
orðið hér á landi enn sem komið er.
Skúli segir þetta alls engar
lokaniðurstöður en þær sýni svo
ekki verði um villst að sú ógn sem
mörgum vegfarendum standi af
upphækkuðum jeppum sé minni
en flestir óttast og dekkjastærð
skipti þar engu máli. „Aðalatriðið
er að um er að ræða þunga bíla
sem lenda á léttum bílum og slíkt
er ávísun á alvarlegri slys þótt töl-
fræðin bendi til annars.“
Engar árekstarprófanir hafa
farið fram hérlendis vegna þess-
ara séríslensku risajeppa sem
keyra á vegum landsins. Ágúst
Mogensen hjá Rannsóknarnefnd
umferðarslysa segir að vitað sé að
stórir jeppar fara fram yfir öll ör-
yggismörk í árekstrum. „Það er
vissulega kominn tími til að kanna
þetta til hlítar með prófunum en
kannanir sem þessar kosta skild-
inginn og það er ekki til fjármagn
til slíkra verka.“
albert@frettabladid.is
MEIÐSLI ÖKUMANNS
FÓLKSBIFREIÐAR Í ÁREKSTRI
VIÐ ÓBREYTTAN JEPPA
Mikil meiðsl 27
Lítið meiðsl 150
Engin meiðsl 2.184
MEIÐSL ÖKUMANNS
FÓLKSBIFREIÐAR Í ÁREKSTRI
VIÐ BREYTTAN JEPPA
Mikil meiðsl 2
Lítil meiðsl 23
Engin meiðsl 336
STRÆTISVAGNAR
Íbúar á höfuðborgarsvæðinu verða enn
um sinn að gera sér að góðu gildandi
leiðakerfi vagnanna, því búið er að fresta
gildistöku nýs skipulags sem taka átti gildi
í sumarlok nokkuð fram á haustið.
Strætósamgöngur í höfuðborginni:
Endurbættu
leiðakerfi frestað
Breyttir jeppar
ekki hættulegri
Enginn marktækur munur er á slysa- og meiðslatíðni vegna árekstra
upphækkaðra jeppa og hinna venjulegu samkvæmt nýrri könnun.
Fjármagn skortir til að láta fara fram vísindalegar árekstrarprófanir.
AUGLÝSING
um kjörskrár
vegna kjörs forseta Íslands
Kjörskrár vegna kjörs forseta Íslands sem fram á að
fara laugardaginn 26. júní 2004 skulu lagðar fram
eigi síðar en miðvikudaginn 16. júní 2004.
Kjörskrá skal leggja fram á skrifstofu sveitarstjórnar
eða á öðrum hentugum stað sem sveitarstjórn
auglýsir sérstaklega. Kjörskrá skal liggja frammi á
almennum skrifstofutíma til kjördags.
Þeim sem vilja koma að athugasemdum við kjörskrá
er bent á að senda þær hlutaðeigandi sveitarstjórn.
Athygli er vakin á því að sveitarstjórn getur allt fram á
kjördag gert leiðréttingar á kjörskrá, ef við á.
Dóms- og kirkjumálaráðuneytið, 8. júní 2004
JEPPALEIÐANGUR
Samkvæmt rannsóknum á yfir 15 þúsund jeppum eru breyttir jeppar ekki hættulegri í umferðinni en aðrir jeppar,
en því hefur verið haldið fram um langa hríð.
,,Kannanir
sem þessar
kosta skild-
inginn og
það er ekki
til fjármagn
til slíkra
verka.
FR
ÉT
TA
B
LA
Ð
IÐ
/V
IL
H
EL
M
G
U
N
N
AR
SS
O
N
* Tekið skal fram að umferðarslys vegna breyttra jeppa eru fátíðari.