Fréttablaðið - 21.06.2004, Blaðsíða 2

2 21. júní 2004 MÁNUDAGUR
Forsætisráðherra óttast ofbeldi í kjölfar
valdaafsalsins 30. júní:
Upplausn Íraks-
hers mistök
ÍRAK, AP Ráðamenn í Írak búa sig
nú undir öldu ofbeldis sem búist
er við í kjölfar valdaafsals
bandamanna þann 30. júní næst-
komandi, en öryggissveitir
Íraks verða endurskipulagðar
frá grunni til að búa þær undir
að takast á við óeirðirnar. Iyad
Allawi, forsætisráðherra Íraks,
sagði á blaðamannafundi í
Bagdad að hann myndi sjálfur
veita öryggismálum í landinu
forstöðu og og tilkynnti að
stofnuð hefði verið sérstök sveit
til að ráða niðurlögum óeirða-
seggja. Allawi sagðist telja að
þar til hinar nýstofnuðu örygg-
issveitir væru orðnar starfhæf-
ar að fullu þyrfti alþjóðlegrar
aðstoðar og tækjabúnaðar við til
að gæta öryggis í landinu. Hann
sagðist einnig telja að sú
ákvörðun Bandaríkjamanna að
leysa upp Íraksher hefði verið
mistök og jafnvel kæmi til
greina að setja herlög þar sem
þeirra yrði þörf. Tæplega fjöru-
tíu manns hafa látist í hryðju-
verkaárásum í Írak síðan á
fimmtudag. ■
Loks kemur andlit
á Evrópusambandið
Sérstakur forseti ráðherraráðsins verður nú kjörinn í fyrsta skipti.
Stjórnmálafræðingur við Háskóla Íslands segir að breytingar á Evrópu-
sambandinu muni ekki leiða til aukinnar miðstýringar.
EVRÓPUMÁL Ásýnd Evrópusam-
bandsins verður mun skýrari eftir
að stjórnarskráin tekur gildi, að
sögn Eiríks Bergmanns Einarsson-
ar, stjórnmálafræðings við Háskóla
Íslands og sérfræðings í Evrópu-
málum.
Eiríkur segir að það hafi til
dæmis aldrei verið almennilega
skýrt hver sé leiðtogi Evrópusam-
bandsins. Núna verði kjörinn sér-
stakur forseti ráðherraráðsins til
tveggja og hálfs árs í senn. Þá sé
loksins komið andlit á þetta fyrir-
bæri.
„Henry Kissinger [fyrrverandi
utanríkisráðherra Bandaríkjanna]
spurði eitt sinn: „Hvern hringjum
við í ef við ætl-
um að hringja
til Evrópu?“
Nú er hægt að
svara Kissin-
ger,“ segir Ei-
ríkur Berg-
mann.
Hann segir
að önnur veiga-
mikil breyting
sem verði á
E v r ó p u s a m -
bandinu snerti
utanríkismál.
Tveir menn
gegni í raun
starfi utanrík-
ismálaráðherra í dag en það muni
breytast og einn maður skipaður til
að sinna því embætti.
„Það eru ýmsir svona þættir
sem verið er að skerpa á með þess-
ari stjórnarskrá.“
Eiríkur Bergmann segist ekki
telja að ný stjórnarskrá og breyt-
ingar á Evrópusambandinu muni
leiða til aukinnar miðstýringar og
valdaafsals aðildarríkjanna til
Brussel. Þó megi kannski túlka
breytingar á atkvæðavægi í tengsl-
um við lagasetningar sambandsins
sem aukið valdaafsal því verið sé
að fjölga þeim málum þar sem auk-
inn meirihluti dugir en ekki sam-
þykki allra ríkja. Eftir breyting-
arnar þurfa 15 af 25 löndum sam-
bandsins að samþykkja ný lög og
þarf íbúatala þessara fimmtán
landa að hafa að minnsta kosti 65%
af samanlagðri íbúatölu ríkja sam-
bandsins.
„Deilan hefur mikið til snúist
um það hvernig þetta atkvæðavægi
eigi að vera. Það er ekki rétt sem
víða hefur komið fram að verið sé
að auka vægi stóru ríkjanna á
kostnað smáu ríkjanna. Það er
bæði verið að auka vægi stóru ríkj-
anna og smáu ríkjanna. Þau ríki
sem kannski missa áhrif eru milli-
stærðarríki.“
Eiríkur Bergmann segir ómögu-
legt að segja til um það hvort
stjórnarskráin verði á endanum
samþykkt þó að leiðtogar ríkjanna
25 séu búnir að því.
„Það getur vel verið að þetta
verði fellt í þjóðaratkvæðagreiðsl-
um einhvers staðar.“
trausti@frettabladid.is
Hipp-hopp stjórnmálaafl
í Bandaríkjunum:
Hvetur svarta
til að kjósa
BANDARÍKIN, AP Um þrjú þúsund
manns komu saman á hipp-hopp
ráðstefnu um stjórnmál í
Newark, New Jersey á dögunum
þar sem áhersla var lögð á að
vekja unga svarta Bandaríkja-
menn til meðvitundar um kosn-
ingarétt sinn.
Ekki er dreginn taumur neins
eins stjórnmálaafls eða fram-
bjóðanda. Hver ráðstefnugestur
fékk það verkefni að skrá fimm-
tíu manns af hipp-hopp kynslóð-
inni til að kjósa en hipp-hopp kyn-
slóðin er skilgreind sem svartir
Bandaríkjamenn sem eru fæddir
milli 1965 og 1984. Kjörsókn
blökkumanna jókst um fjögur
prósentustig í forsetakosningun-
um árið 2000 og var þá 57%. En
betur má ef duga skal, að mati
skipuleggjenda ráðstefnunnar,
þar sem til að mynda eru engir
svartir öldungadeildarþingmenn
á bandaríska þinginu. ■
„Kannski er kominn tími á það.“
Kvennahlaup Íþróttasambands Íslands fór fram
um helgina í fimmtánda sinn en formlegt karla-
hlaup hefur aldrei verið haldið. Sigríður Jónsdóttir
er varaforseti Íþróttasambandsins.
SPURNING DAGSINS
Sigríður, hvenær sjáum við karla-
hlaup ÍSÍ?
Fluttur með þyrlu:
Hestamaður
slasaðist
LÖGREGLA Hestamaður slasaðist
þegar hestur sem hann reið datt
með hann við Arnarvatn á Vopn-
arfjarðarheiði í gær.
Að sögn lögreglunnar á Vopna-
firði var maðurinn talinn nokkuð
mikið slasaður og ekki þótti ráð-
legt að færa hann mikið úr stað.
Þyrla Landhelgisgæslunnar köll-
uð til og flutti manninn á Fjórð-
ungssjúkrahúsið á Akureyri. ■
Hryðjuverkahopur í
Alsír:
Leiðtogi
drepinn
ALSÍR, AP Hermenn í Alsír drápu
Nabil Sahraoui, einn eftirlýstasta
hryðjuverkamann Norður-Afríku,
á fimmtudagskvöldið. Hann var
yfirmaður Salafist-hópsins sem
var í tengslum við al-Kaída, sam-
tök Osama bin Laden, samkvæmt
talsmönnum hersins. Stór hluti
hópsins var upprættur í bardagan-
um og báru menn úr lögreglunni
kennsl á lík hryðjuverkamannsins.
Dauði Sahraoui er stór sigur fyr-
ir ríkisstjórnina, sem reynir hvað
hún getur til þess að bæla niður ís-
lamska ófriðarseggi í landinu. ■
LÖGREGLUMÁL Lögreglu hefur tek-
ist að bera kennsl á konuna sem
fannst látin í fjöruborðinu neðan
við kirkjugarðinn í Fossvogi í
fyrradag og hefur ættingjum
hennar verið gert aðvart. Lýst
var eftir þeim í flestum fjölmiðl-
um í gær þar sem ekkert fannst á
konunni sem gaf til kynna hverra
manna hún væri eða hvort henn-
ar væri saknað. Var haft sam-
band síðar við lögreglu frá stofn-
un á höfuðborgarsvæðinu og til-
kynnt að lýsingin gæti átt við
vistmann þar.
Að sögn lögreglu leikur ekki
grunur á að neitt óeðlilegt hafi átt
sér stað við lát konunnar. Helst er
hallast að því að um slys hafi ver-
ið að ræða en krufning mun leiða
hið sanna í ljós eftir nokkra daga.
ERILL Á ÍSAFIRÐI Erill var hjá lög-
reglunni á Ísafirði í fyrrinótt. Mik-
ið af fólki var í bænum og var ölv-
un nokkuð mikil auk þess sem
nokkrar stimpingar voru manna á
milli.
ANNRÍKI Á AKUREYRI Lögreglan
á Akureyri hafði í nógu að snúast
og sagði einn lögreglumannanna
að um vasaútgáfu af verslunar-
mannahelgi hefði verið að ræða.
Nokkrir voru teknir grunaðir um
ölvun undir stýri og allnokkrir
sektaðir fyrir hraðakstur.
FRÁ SLYSSTAÐNUM
Vegfarandi tilkynnti um líkfundinn skömmu fyrir hádegi í fyrradag.
Líkfundurinn í Fossvogi:
Líklega um slys að ræða
JOHN KERRY FRAMBJÓÐANDI
Hipp-hopp tónlistarmenn í Bandaríkjunum
hvetja unga svarta kjósendur til að nýta
sér kosningarétt sinn í forsetakosningun-
um í nóvember næstkomandi.
IYAD ALLAWI
Umkringdur öryggisvörðum á vettvangi sprengjutilræðis þar sem 35 manns létu
lífið 17. júní sl.
RÆTT SAMAN Í BRUSSEL
Recep Tayyip Erdogan, forsætisráðherra Tyrklands, Romano Prodi, forseti framkvæmda-
stjórnarinnar, og Antonio Vittorino, sem fer með dómsmál í framkvæmdastjórninni, ræða
saman á fundinum í Brussel.
EIRÍKUR
BERGMANN
Býst ekki við að
breytingarnar muni
leiða til aukinnar
miðstýringar.
■ LÖGREGLUFRÉTTIR