Fréttablaðið - 21.06.2004, Blaðsíða 12

12 21. júní 2004 MÁNUDAGUR
Landssamband veiðifélaga:
Tjón vegna slysa í laxeldi verði bætt
LAXELDI Landssamband veiðifélaga
lýsir þungum áhyggjum vegna þró-
unar og áforma um eldi á laxi af er-
lendum stofnum við strendur
landsins. Þetta kemur fram í álykt-
un landsfundar sambandsins.
„Landssamband veiðifélaga
gerir þá grundvallarkröfu að þeir
sem stundi sjókvíaeldi hafi full-
gildar tryggingar sem bæti allt
tjón sem af eldinu kann að leiða,
hvort sem það snertir umhverfið
eða annað,“ segir í ályktuninni.
„Fundurinn skorar á landbúnaðar-
ráðherra að nýta heimildir í lögum
um lax- og silungsveiði til þess að
setja reglur um umfang sjókvía-
eldis á hverjum stað. Íslensku
laxastofnarnir eru náttúrleg auð-
lind sem okkur ber skylda til að
varðveita.“
Landssambandið segir að nú
þegar hafi laxeldi valdið alvarlegu
umhverfisslysi.
„Þar má nefna það óhapp þegar
3000 laxar af norskum stofni slup-
pu úr sláturkví síðastliðið sumar.
Hluti af þesssum löxum hefur
gengið í ár á Austurlandi. Enginn
getur séð fyrir það tjón sem slíkt
veldur og engan veginn er við hæfi
að taka stórfellda áhættu í þessum
efnum.“ ■
Saddam gæti fengið
dauðarefsingu
Írösk lög heimila dauðarefsingar fyrir morð og nauðganir. Formaður írösku
stríðsglæpanefndarinnar vill að Saddam Hussein verði framseldur til íraskra yfirvalda.
ÍRAK, AP Saddam Hussein gæti hlot-
ið dauðarefsingu ef hann verður
fundinn sekur um stríðsglæpi.
Þetta kom fram í viðtali sem
David Frost átti við Salem
Chalabi, formann írösku stríðs-
glæpanefndarinnar, í þætti BBC-
sjónvarpsstöðvarinnar, Breakfast
with Frost.
Chalabi sagði að samkvæmt
írökskum lögum væri heimilt að
taka dæmda morðingja og nauð-
gara af lífi en að heimild til slíks
væri ekki í þeim lögum sem sett
voru eftir innrásina. Til að lögin
um dauðarefsingar taki gildi að
nýju þarf hin nýja stjórn að taka
ákvörðun um það með afgerandi
hætti. Salem Chalabi á það erfiða
verk fyrir höndum að skipuleggja
og sjá um réttarhöld yfir fyrrum
ráðamönnum í Írak sem grunaðir
eru um stríðsglæpi. Hann sagði í
viðtalinu að „ákafar viðræður“
ættu sér nú stað um framtíð Sadd-
ams Hussein og að hann vonaðist
eftir því að einræðisherrann fyrr-
verandi og fleiri fyrrum ráða-
menn í Írak yrðu framseldir til
nýrra stjórnvalda eftir að þau taka
við völdum í landinu þann 30. júní.
Hundruð Íraka hafa undanfarið
gefið sig fram til að vitna gegn
fyrrum stjórnendum landsins eft-
ir að ein svæðisskrifstofa var opn-
uð til að taka við upplýsingum og
ákærum um stríðsglæpi. Til stóð
að opna fleiri slíkar skrifstofur en
því var seinkað þar til hægt verð-
ur að tryggja öryggi þeirra sem
bera vitni. Réttarkerfið í Írak er
ekki upp á marga fiska og áður en
til réttarhalda kemur þarf að end-
urskoða það gaumgæfilega.
Chalabi segir að nýtt dómararáð
hafi verið skipað sem sé óháð
stjórnvöldum og að dómarar hafi
verið sendir í þjálfun til Alþjóða-
dómstólsins í Haag. En hann varar
við óhóflegri bjartsýni og segir að
réttarhöld geti ekki hafist fyrr en
í fyrsta lagi eftir eitt til tvö ár.
Chalabi huldi ásýnd sína í viðtal-
inu þar sem hann segir alla þá sem
standa að uppbyggingu lýðræðis í
Írak vera í hættu. ■
Íkveikja í Hafnarfirði:
Steinull
brennur ekki
ÍKVEIKJA Kveikt var í ytri einangrun
verslunarmiðstöðvarinnar Firðin-
um í Hafnarfirði á fimmtudaginn.
Logaði í tjörupappa og leiddi eldur-
inn upp eftir klæðningunni.
Í fréttum af brunanum var sagt
að steinull og tjörupappi hefðu
brunnið það mun ekki vera rétt.
Tjörupappi er mjög eldfimur en í
lagi er að nota hann í einangrun
húsa ef hann er hulinn, segir
Björn Karlsson brunamálastjóri
en steinull brennur ekki. „Ef þú
ert með kveikt á gaslampa sem þú
heldur að steinull sé í getur þú
fengið hana til að glóa en það
kemur enginn hiti frá henni. Hún
brennur ekkert og er ekki að gefa
frá sér neina orku,“ segir Björn. ■
Utanríkisráðuneytið:
Nýir sendi-
herrar
UTANRÍKISÞJÓNUSTA Um næstu mán-
aðamót verður Tómas Ingi Olrich,
fyrrverandi menntamálaráðherra,
skipaður sendiherra í utanríkis-
þjónustu Íslands. Hann mun fyrst
um sinn starfa í ráðuneytinu en
hverfur til starfa erlendis síðar á
árinu.
Þá mun Berglind Ásgeirsdóttir
flytjast úr embætti ráðuneytis-
stjóra í félagsmálaráðuneytinu í
embætti sendiherra í utanríkis-
þjónustunni 1. september.
Bergdís Ellertsdóttir verður
skipuð sendiherra frá 1. september
en hún var ráðin til starfa í utanrík-
isþjónustunni árið 1991. ■
KERTALJÓS Í JAPAN
Íbúar í Japan voru hvattir til þess að
slökkva á öllum ljósum og kveikja á kert-
um í tvær klukkustundir í gær til þess að
spara orku. Þannig vildu yfirvöld benda
fólki á að enn væri hægt að njóta kvölds-
ins án aðstoðar rafmagnstækja. Athöfn var
gerð úr átakinu og menn léku sér að því
að setja upp kertaturna, eins og sést á
þessari mynd frá Tókýó.
NET LÖGÐ FYRIR ELDISLAX
Tæplega 3000 kynbættir eldislaxar sluppu
úr kví í Neskaupstaðarhöfn síðasta sumar.
Landssamband veiðifélaga segja það hafa
verið alvarlegt umhverfisslys.
TÓMAS INGI OLRICH
verður sendiherra.
SLÖKKVILIÐIÐ AÐ STÖRFUM
Á þjóðhátíðardaginn var kveikt í við versl-
unarmiðstöðina Fjörðinn í Hafnarfirði. Rífa
þurfti klæðningu af afturhluta hússins til
að fjarlægja tjörupappa sem eldur barst í.
SADDAM HUSSEIN
Framtíð hans er óljós en ef hann verður framseldur til stjórnvalda í Írak
gæti hann hlotið dauðadóm.