Fréttablaðið - 21.06.2004, Blaðsíða 21

KÖRFUBOLTI Forráðamenn Los Ang-
eles Lakers hafa sett sig í sam-
band við Rudy Tomjanovich, fyrr-
um þjálfara Houston Rockets, í
þeirri von að hann taki við þjálfun
liðsins af Phil Jackson, sem lét af
störfum á föstudag.
„Ég get staðfest það að for-
ráðamenn Lakers eru búnir að
hafa samband við mig og ég er
áhugasamur og mun eiga í frekari
viðræðum við þá á næstu dögum.“
Tomjanovich er enn samnings-
bundinn Rockets þrátt fyrir að
hafa hætt þjálfun liðsins fyrir
einu ári síðan en þá þurfti hann að
gangast undir aðgerð vegna
krabbameins í blöðruhálskirtli.
Hann hefur nú náð sér að fullu en
hafði ekki í hyggju að snúa aftur í
þjálfunina alveg á næstunni.
Áhugi Lakers kveikti þó hjá hon-
um neistann og hefur Tomja-
novich fengið leyfi frá forráða-
mönnum Rockets til að ræða við
forráðamenn Lakers.
Tomjanovich leiddi Houston
Rockets til tveggja NBA meist-
aratitla, árin 1994 og 1995, og eru
það einu meistaratitlar félagsins
hingað til. Tomjanovich var einnig
nokkuð góður leikmaður og lék
hann með Rockets og liðið komst
einu sinni í lokaúrslitin, árið 1981,
en þá beið Houston lægri hlut
gegn Boston Celtics, 4-2.
Annars er staðan hjá Lakers
nokkuð óljós þessa stundina – lið-
ið er í sárum eftir að hafa tapað
óvænt fyrir Detroit Pistons í loka-
úrslitunum. Shaquille O’Neal vill
fara frá liðinu og þá er staða Kobe
Bryant, innan vallar sem utan, á
reiki. Þó er brotthvarf Jacksons
talið auka líkurnar á að hann verði
áfram hjá Lakers en þeir voru víst
litlir mátar undir það síðasta. ■
MÁNUDAGUR 21. júní 2004
Sven-Göran Eriksson byrjaður að undirbúa leikinn gegn Króatíu:
Tek Owen ekki út úr liðinu
EM Í PORTÚGAL Sven-Göran Eriks-
son segist ekki ætla að taka
Michael Owen úr byrjunarliði
enska landsliðsins fyrir leikinn
mikilvæga gegn Króötum í kvöld.
Owen hefur ekki náð sér á strik í
fyrstu tveimur leikjum Englands í
keppninni og vilja stuðningsmenn
enska liðsins fá Darius Vassell inn
í liðið, en hann hefur verið mjög
frískur eftir að hafa komið inn á í
leikjunum. En Eriksson ætlar
ekki að bogna.
„Þetta er ekki leikurinn þar
sem rétt er að hvíla lykilmenn. En
með þessu er ég ekki að segja að
Owen sé með áskrift að byrjunar-
liðinu. Það er enginn. Í stöðu sem
þessari verður hann bara að fá að
spila og hann mun fara í gang,“
segir Eriksson og virðist hafa
fulla trú á samvinnu Owen og
Wayne Rooney á framlínunni.
David Beckham, fyrirliði
liðsins, segir að leikmennirnir
megi alls ekki vanmeta króatíska
liðið. „Það er mjög mikilvægt að
við höldum dampi allan leikinn og
gefum Króötum aldrei frið. Það er
rétt að okkur nægir aðeins jafn-
tefli, en við megum ekki spila
leikinn með því hugarfari. Við
mætum til leiks til að vinna,“
segir Beckham. ■
DRÆM FRAMMISTAÐA
Michael Owen hefur ekki gert góða hluti
það sem af er EM.
FÓTBOLTI Fylkir stendur ágætlega
að vígi eftir fyrri leikinn gegn
belgíska úrvalsdeildarliðinu Gent í
fyrstu umferð Intertoto-keppn-
innar í knattspyrnu. Finnur Kol-
beinsson skoraði úr vítaspyrnu
fyrir Fylki í síðari hálfleik og gæti
það útimark reynst dýrmætt þegar
upp er staðið.
Þorlákur Árnason, þjálfari
Fylkis, var hæstánægður með leik
sinna manna og kenndi klaufaskap
um tapið. „Þetta var okkar besti
leikur á tímabilinu og við vorum
mun betri aðilinn í leiknum,
sérstaklega í síðari hálfleik. Við
vorum einfaldlega klaufar að nýta
ekki færin,“ sagði Þorlákur. Staðan
var markalaus eftir fyrri hálfleik
en í þeim síðari komu þrjú mörk, öll
úr vítaspyrnum. Gent komst yfir
snemma í hálfleiknum, en Finnur
jafnaði eftir að brotið hafði verið á
Björgólfi Takefusa, sem skömmu
áður hafði komið inn á sem vara-
maður. Valur Fannar Gíslason varð
síðan fyrir því óláni að fá boltann í
höndina innan teigs á lokamínútu
leiksins, og skoraði Gent úr vítinu
sem dæmt var í kjölfarið.
„Það var ekkert við þessu
seinna víti að gera en það fyrra var
algjör gjöf, og má segja að
dómarinn hafi nú verið Belgunum
afskaplega þægilegur allan leik-
inn. En við náðum að halda bolt-
anum mjög vel innan leiksins og
pressuðum á þá allan leikinn,“
segir Þorlákur en hann gerði
nokkrar breytingar á sínu liði, setti
meðal annars Guðna Rúnar
Helgason á miðjuna við hlið Ólafs
Stígssonar. Þorlákur telur lið sitt
eiga fína möguleika á að komast
áfram. „Þetta er alveg 50/50 held
ég. Ég hélt að þeir væru sterkari
og mér fannst þeir klárlega van-
meta okkur. En þeir eru nýbyrjað-
ir að æfa og verða án efa sterkari í
seinni leiknum. En okkur nægir
1–0 sigur og við höfum skorað í
öllum leikjum okkar í ár svo að
þetta lítur alveg ágætlega út,“
segir Þorlákur.
Leikurinn fór fram við bestu
mögulegu aðstæður og mættu
tæplega 5.000 manns á völlinn. ■
Fín staða Fylkis
ÞORLÁKUR ÁRNASON
Var hæstánægður með frammistöðu sinna manna í Belgíu.
Fylkismenn voru óheppnir að tapa fyrir belgíska liðinu Gent í fyrstu
umferð Intertoto-keppninnar í gær. Fylkir var sterkari aðilinn allan
leikinn en Gent skoraði sigurmarkið úr vítaspyrnu á síðustu mínútu.
Eftirmanns Phils Jackson leitað:
Lakers ræða við Rudy
RUDY TOMJANOVICH
Er á leið til Los Angeles Lakers.