Fréttablaðið - 21.06.2004, Blaðsíða 20

20 21. júní 2004 MÁNUDAGUR
Mikilvægur leikur KR og Fram í Landsbankadeild karla í Frostaskjóli í kvöld:
Að duga eða drepast fyrir bæði lið
FÓTBOLTI Reykjavíkurliðin KR og
Fram mætast í kvöld í fyrsta leik
sjöundu umferðar Landsbanka-
deildar karla í knattspyrnu á KR-
vellinum. Þessi leikur er gífur-
lega mikilvægur fyrir bæði lið því
úrslitin í honum geta gefið tóninn
fyrir framhaldið á mótinu.
KR-ingar verða nauðsynlega
að vinna leikinn ætli þeir sér að
vera með í baráttunni um Íslands-
meistaratitilinn. Þeir eru nú sex
stigum á eftir Fylkismönnum,
hafa spilað illa það sem af er og
það er ekki tilhugsun sem hugnast
Vesturbæingum að vera í slíkri
fjarlægð frá toppnum þegar sjö
umferðir eru búnar. KR-ingar
hafa verið andlausir og máttlitlir,
sérstaklega í sóknaraðgerðum
sínum þar sem eini ljósi punktur-
inn hefur verið frammistaða hins
sautján ára gamla Kjartans
Henrys Finnbogasonar. Það þurfa
fleiri leikmenn að fara að ranka
við sér ætli KR-ingar að gera eitt-
hvað en það verður þó að líta á að
mótstaðan gæti verið meiri – lið
Fram hefur ekki unnið leik síðan í
1. umferð.
Framarar þurfa hins vegar að
gera það upp við sig hvort þeir
ætli að vera í botnbaráttunni enn
eitt árið eða rífa sig upp. Fyrsti
leikur lofaði góðu en síðan hefur
verið hálfgerð frumsýningar-
þynnka í Safamýrinni, nokkuð sem
hefur gert það að verkum að liðið
hefur á löngum köflum litið út eins
og botnbaráttulið undanfarinna
fimm ára. Deildin er hins vegar
jöfn og stutt í miðja deild en það
verður erfiðara og erfiðara fyrir
Framara að rífa sig upp eftir því
sem setan í fallsæti verður lengri.
Leikurinn byrjar kl. 21 og því
ætti Evrópumótið ekki að aftra því
að fólk fjölmenni á völlinn. Fyrst
að fylgjast með gangi mála hjá
Englandi og Króatíu og svo að
drífa sig á KR-völlinn.



 

 

 


 
   
 
   

 

   




 
  
 !
 "!# $%%


&
' (
!#) $%%***+ ■ ÞAÐ SEM SKIPTI MÁLI
ÞÓR/KA/KS–ÍBV 1–1
1–0 Laufey Björnsdóttir 45.
1–1 Elín Anna Steinarsdóttir 90.
BEST Á VELLINUM
Sandra Sigurðardóttir KR
TÖLFRÆÐIN
Skot (á mark) 1–20 (1–10)
Horn 1–13
Aukaspyrnur fengnar 6–11
Rangstöður 1–8
Gul spjöld (rauð) 1–1
FRÁBÆRAR
Sandra Sigurðardóttir KR
MJÖG GÓÐAR
Áslaug Baldvinssdóttir Þór/KA/KS
Þóra Pétursdóttir Þór/KA/KA
Margrét G. Vigfúsdóttir Þór/KA/KS
GÓÐAR
Laufey Björnsdóttir Þór/KA/KS
María Guðjónsdóttir ÍBV
Michelle Barr ÍBV
Þór/KA/KS náði óvæntu jafntefli gegn Eyjastúlkum:
100% nýting
FÓTBOLTI Eyjastúlkur riðu ekki feit-
um hesti frá Akureyri þegar þær
mættu Þór/KA/KS í gær. Heima-
stúlkur komust yfir í lok fyrri
hálfleiks með marki Laufeyjar
Björnsdóttur og héldu því þar til
93 mínútur voru komnar á vallar-
klukkuna en þá jafnaði Elín Anna
Steinarsdóttir eftir góða auka-
spyrnu frá Olgu Færseth við
vítateigslínuna.
Búast mátti við léttum leik hjá
ÍBV en svo virðist sem
Eyjastúlkur hafi verið búnar að
vinna leikinn fyrirfram því lítið
gekk upp hjá þeim í leiknum. Þær
urðu svo fyrir miklu áfalli á 31.
mínútu þegar þær misstu
Margréti Láru Viðarsdóttur út af
meidda eftir tæklingu frá
Margréti G. Vigfúsdóttur. Eyja-
stúlkur vildu fá rautt spjald fyrir
brotið, sem virtist frá áhorf-
endastúkunni vera mjög gróft
brot aftan frá auk þess sem
Margrét Lára var sloppin inn
fyrir.
Vörn Þór/KA/KS átti mjög
góðan leik og á hrós skilið fyrir
leikinn. Eyjastúlkur náðu ekki að
nýta þau færi sem þær fengu og
sáu menn ekki þann bolta sem þær
eru vanar að spila.
„Þetta gekk vel hjá okkur og
við spiluðum mjög vel í leiknum.
Við erum með ungt lið og liðs-
andinn er góður. Við erum að
slípa okkur saman og þetta er allt
að koma,“ sagði markvörðurinn og
hetjan Sandra Sigurðardóttir. ■
FÆR ENGAN FRIÐ
Margrét Lára Viðarsdóttir var borin af
leikvelli í fyrri hálfleik meidd á ökkla.
ÁGÚST GYLFASON
Fór frá Frömurum í vetur og gekk til
liðs við Íslandsmeistara KR.
Ivica Olic féll á lyfjaprófi:
Slapp með
skrekkinn
EM Í FÓTBOLTA Króatíski landsliðs-
framherjinn Ivica Olic féll á lyfja-
prófi sem hann var látinn taka eft-
ir 2-2 jafnteflisleikinn frábæra
gegn Frökkum á dögunum. Þrátt
fyrir það var hann ekki dæmdur í
leikbann þar sem brotið var ekki
talið sérlega alvarlegt.
Olic meiddist í æfingaleik gegn
Dönum í byrjun mánaðarins og
fékk þá verkjalyf hjá læknum
liðsins en það gleymdist að geta
þess þegar hann fór í lyfjaprófið.
Nefnd á vegum Evrópska
knattspyrnusambandsins komst
að þeirri niðurstöðu að þetta væri
ekki Olic að kenna og króatíska
knattspyrnusambandið slapp með
4.335 punda sekt. Olic verður því
með í leiknum mikilvæga gegn
Englendingum. ■
UNGT LIÐ ÞÓR/KA/KS Meðalaldur
liðanna tveggja á Akureyri í gær
var heldur ólíkur því hjá
Þór/KA/KS var hann 18,18 ár en
hjá Eyjastúlkum 23,63 ár.