Fréttablaðið - 29.06.2004, Blaðsíða 12

29. júní 2004 ÞRIÐJUDAGUR
Keflavíkurflugvöllur:
Réttindalausir aka vinnuvélum
LÖGREGLUMÁL Hluti starfsmanna
flugþjónustufyrirtækisins IGS á
Keflavíkurflugvelli sem starfa á
stærri bílum og öðrum farar-
tækjum sem notuð eru við af-
greiðslu flugvéla hefur til þess
engin réttindi samkvæmt heim-
ildum Fréttablaðsins. Hefur
þetta verið raunin um langa hríð
samkvæmt sérstöku samkomu-
lagi yfirmanna IGS við sýslu-
manninn á Keflavíkurflugvelli,
Jóhann R. Benediktsson.
Farartækin sem um ræðir eru
flest hver sérhæfð atvinnutæki
til starfa á flugvöllum og er
krafist aukinna ökuréttinda á
þau flest. Hefur sést til eins
starfsmanns sýslumannsemb-
ættisins leiðbeina nýráðnum
starfsmönnum til á tækjunum
sem um ræðir. Einnig er vitað til
þess að stöku sinnum hafi rétt-
indalausir starfsmenn ekið út
fyrir flugvöllinn og því í raun
verið alls ótryggðir hefðu þeir
valdið umferðarslysi eða árek-
stri.
Lögregluvarðstjóri sem lengi
hefur starfað á flugvellinum
kannaðist ekki við að menn ækju
þar án réttinda og taldi slíkt með
öllu útilokað þar sem eftirlit
væri það gott. Jóhann R. Bene-
diktsson sýslumaður svaraði
ekki skilaboðum blaðamanns. ■
Fangar á Kúbu
geta höfðað mál
Hæstiréttur Bandaríkjanna hefur úrskurðað að fangar í fangabúðunum
í Guantanamo á Kúbu geti leitað réttar síns fyrir bandarískum dómstól-
um. Úrskurðurinn er talinn mikill ósigur fyrir Bush-stjórnina.
BANDARÍKIN, AP Hæstiréttur Banda-
ríkjanna hefur úrskurðað að
bandarísk stjórnvöld hafi rétt á að
halda bandarískum og erlendum
ríkisborgurum sem grunaðir eru
um að vera tengdir hryðjuverkum
í haldi. Rétturinn úrskurðaði hins-
vegar jafnframt að menn sem eru
í haldi stjórnvalda vegna þessa
geti leitað réttar síns fyrir banda-
rískum dómstólum, jafnvel þó að
þeir séu ekki í fangelsi í Banda-
ríkjunum.
Úrskurðurinn þykir vera mik-
ill ósigur fyrir bandarísku ríkis-
stjórnina sem hafði farið fram á
að geta haldið mönnum sem grun-
aðir eru um að tengjast hryðju-
verkum í haldi eins lengi og for-
setinn teldi nauðsynlegt. Í kjölfar
úrskurðarins er búist við hol-
skeflu mála fanga sem hafa setið í
fangabúðunum í Guantanamo á
Kúbu síðan hryðjuverkaárásirnar
voru gerðar á World Trade Center
í New York. Undirréttur í Banda-
ríkjunum hafði áður úrskurðað að
bandarískir dómstólar hefðu ekki
lögsögu yfir þessum föngum.
Hæstiréttur hefur nú úrskurðað á
annan veg en í úrskurðinum tekur
hann hins vegar hvorki afstöðu til
hugsanlegrar sektar eða sakleysis
fanga né mannréttindarmála sem
tengjast meðferð á föngum í
fangabúðunum.
Um 600 fangar af um það bil 40
þjóðernum eru í fangelsinu á
Kúbu án þess að þeim hafi verið
birt ákæra. Fangarnir voru flestir
handteknir í Afganistan og Pakist-
an þegar Bandaríkjamenn steyptu
stjórn talíbana frá völdum.
Bandarísk stjórnvöld telja fang-
ana hættulega þar sem þeir teng-
ist annaðhvort talíbana-stjórninni
fyrrverandi eða al-kaída-samtök-
unum.
Búist er við að meginþorri
fanganna muni krefjast þess að
mál þeirra verði tekin fyrir þar
sem þeir efist um lögmæti þess að
þeim skuli vera haldið í fangabúð-
unum. ■
KEFLAVÍKURFLUGVÖLLUR
Margir starfsmenn sem starfa þar við akst-
ur stærri bíla og sértækra farartækja hafa
til þess engin réttindi.
FANGAR Í GUANTANAMO
Fangar sem grunaðir eru um að tengjast hryðjuverkasamtökum hafa setið í haldi bandarískra stjórnvalda í fangabúðunum í Guantanamo á Kúbu.
GEORGE W. BUSH
Úrskurður Hæstaréttar Bandaríkjanna þykir
mikill ósigur fyrir Bush, forseta Bandaríkj-
anna, sem nú er á leiðtogafundi Atlants-
hafsbandalagsins í Tyrklandi.