Fréttablaðið - 29.06.2004, Blaðsíða 28

Ástkær móðir mín, tengdamóðir og amma,
EINÍNA AÐALBJÖRG EINARSDÓTTIR,
Lækjasmára 4,
Kópavogi,
verðir jarðsungin frá Digraneskirkju í dag kl. 15.
Jarðsett verður í Garðakirkjugarði.
Signý Sigurðardóttir,
Jón G. Bjarnason,
Jennifer Sigurðsson,
Einína Sif,
Jón Brynjar,
Sigurður Bjarni,
Sigurður Pétur,
Phillip,
Margrét Ann.
Auður Harðardóttir, Frímann A. Sturluson,
Jóna Finnsdóttir, Sveinbjörn I. Baldvinsson,
Hildur Finnsdóttir, Jökull Daníelsson,
Þórunn Finnsdóttir, Rafn H. Skúlason,
Ingveldur Björk Finnsdóttir, Gunnar Guðmundsson,
Steinunn Ásta Finnsdóttir, Óskar Ö. Garðarsson,
barnabörn og barnabarnabörn.
Ástkær móðir okkar, tengdamóðir, amma og langamma,
MARGRÉT VALGERÐUR GUÐMUNDSDÓTTIR,
verður jarðsungin frá Kópavogskirkju, í dag kl. 13.30.
Áslaug Brynjólfsdóttir,
Kristján Þorvaldz,
Jóhann Jóhannsson,
Sigríður Jóhannsdóttir,
Þuríður Jóhannsdóttir,
stjúpbörn, tengdabörn og barnabörn.
Ástkær eiginmaður minn og faðir okkar, stjúpfaðir, tengdafaðir og afi,
JÓHANN GÍSLASON LÖGFRÆÐINGUR,
Kvistalandi 16,
verður jarðsunginn frá Dómkirkjunni í Reykjavík, í dag kl. 10.30.
Marhnútur besta
veiðin til þessa
Það var á þessum degi árið 1613,
sem Globe-leikhúsið í Bretlandi
þar sem flest leikrit Shakespeares
voru frumsýnd, brann til kaldra
kola. Leikhúsið var byggt árið 1599
af leikhópi Shakespeares, the Lord
Chamberlain’s Men og kom timbrið
úr hinu alla fyrsta leikhúsi Breta,
Burbage’s leikhúsinu sem var reist
árið 1576.
Áður en James Burbage reisti
sitt leikhús, voru leikrit sýnd á
þeim stöðum sem hentaði best við
hvert og eitt tækifæri. Það var jafn
líklegt að rekast á leiksýningu á
götuhornum og við krár. Árið 1574
ákváðu yfirvöld í London að öll
leikverk sýnd á krám innan borgar-
markanna þyrftu tilskilin leyfi. Til
að komast fram hjá þeirri hindrun
ákvað Burbage að byggja eigið
leikhús á landi sem hann leigði
utan borgarinnar. Þegar leiga hans
á landinu rann út, fluttu the Lord
Chamberlain’s Men timbrið á nýjan
stað og reistu Globe-leikhúsið.
Líkt og önnur leikhús á þeim
tíma, var Globe hringlaga viðar-
bygging með svið og stúkur fyrir
fyrirmenn. Í salnum gátu um þús-
und manns setið og einnig var pláss
fyrir um 2000 í viðbót sem gátu
staðið í kringum sviðið.
Árið 1608 byggðu the Lord
Chamberlain’s men Blackfriars-
leikhúsið, sem var minna en Globe
og hafði einungis sæti fyrir 700
manns. Það leikhús var notað að
vetri til, þegar óheppilegt var að
nota hið opna og þaklausa Globe. ■
■ ÞETTA GERÐIST
922 Róbert I er krýndur konungur Frakk-
lands.
1236 Ferdinand III af Castillu og Leon
nær yfirráðum yfir Cordoba á
Spáni.
1767 Breska þingið samþykkir Towns-
hend-skattalögin og þar með að
leggja innflutningsskatt á gler, blý,
málningu, blöð og te sem flutt er
til Ameríku.
1831 Konungsríki Belga er stofnað. Leo-
pold frá Saxe-Coburg er krýndur
konungur.
1888 Prófessor Frederick Treves fram-
kvæmir fyrsta botnlangaskurðinn í
Bretlandi.
1917 Úkraína lýsir yfir sjálfstæði frá
Rússlandi.
1932 Her Síam nær Bangkok og lýsir
yfir lokum valdatíma einráðs kon-
ungs.
1949 Ríkisstjórn Suður-Afríku bannar
hjúskap aðila af ólíkum kynþætti.
1955 Sovétríkin senda skriðdreka til
Pozan í Póllandi til að stöðva mót-
mæli gegn kommúnistum.
1956 Marilyn Monroe og Arthur Miller
ganga í hjónaband. Þau skildu 20.
janúar 1961.
1967 Leikkonan Jayne Mansfield lést,
34 ára, í bílslysi.
Frumherjar leikhúsa
Hjónin Gísli Helgason og Herdís
Hallvarðsdóttir eru að hefja stór-
sókn í útgáfu hljóðbóka hér á
landi og hafa stofnað nýtt fyrir-
tæki í þeim tilgangi.
Í fyrstu atrennu gefa þau út
fimm hljóðbækur, þar á meðal
Grafaþögn eftir Arnald Indriða-
son í lestri Sigurðar Skúlasonar
leikara, Hróa Hött í lestri Rúnars
Freys Gíslasonar og Línu
Langsokk sem Vala Þórsdóttir les.
„Við höfum fengið úrvalslesara
til að vinna með okkar og höfum
líka haft ágætis samvinnu við út-
gefendur og þýðendur þessara
bóka,“ segir Gísli. „Við höfum líka
gjörbreytt útliti hljóðbókanna frá
því sem það var. Þetta er allt kom-
ið á geisladiska og við höfum þær
í dvd-hulstrum sem taka frá ein-
um og upp í sex diska.“
Fyrirtæki þeirra Gísla og Her-
dísar heitir hljodbok.is, og um
mánaðamótin verður komin á net-
ið heimasíða þar sem hægt verður
að ná í hljóðsýnishorn og kaupa
bækurnar. Síðar meir ætla þau að
bjóða fólki einnig upp á að hlaða
þeim niður samstundis.
Þau hafa gert samning við Olís-
stöðvarnar um dreifingu í sumar
og sömuleiðis verður hægt að
kaupa nýju hljóðbækurnar í hel-
stu stórmörkuðum.
„Við erum ekkert endilega að
hugsa um þá sem eru sjónskertir,
langt frá því,“ segir Gísli. Hann
segir lesblinda vera farna að nýta
sér hljóðbækur í sívaxandi mæli.
Þær koma sér líka vel þegar fólk
er að ferðast með börnin sín og
margir grípa gjarnan með sér
hljóðbók þegar þeir fara út að
skokka eða dytta að einhverju í
sumarbústaðnum. ■
Hljóðbækur í nýrri mynd
20 29. júní 2004 ÞRIÐJUDAGUR
■ AFMÆLI
■ JARÐARFARIR
■ ANDLÁT
IAN PAICE
Trommuleikarinn í Deep Purple og
Whitesnake er 56 ára í dag.
29. JÚNÍ
Ágúst Guðmundsson kvikmyndagerðar-
maður er 55 ára.
Eyjólfur Hannesson bóndi, Núpsstað,
lést miðvikudaginn 23. júní.
Jón Arngrímsson, Árgilsstöðum, lést
föstudaginn 18. júní.
Valdemar Nielsen, fyrrv. verkstjóri hjá
Hitaveitu Reykjavíkur, Sogavegi 54,
Reykjavík, lést miðvikudaginn 23. júní.
13.30 Eva Björk Eiríksdóttir, Ljósheim-
um 6, verður jarðsungin frá Frí-
kirkjunni í Reykjavík.
13.30 Margrét Pétursdóttir Jónsson,
Kaplaskjólsvegi 65, Reykjavík,
verður jarðsungin frá Fossvogs-
kirkju.
13.30 Margrét Þorbjörg Johnson,
hjúkrunarheimilinu Grund, verður
jarðsungin frá Dómkirkjunni í
Reykjavík.
13.30 Sálumessa Elísabetar Árnadóttur
Finsen, áður til heimilis á Þing-
hólsbraut 35, fer fram frá Krists-
kirkju, Landakoti.
„Ég er nú vanur að halda upp á af-
mælið en þetta er óhentugur tími
í ár svona í miðri viku,“ segir Sig-
urjón Þórðarson alþingismaður en
hann er fertugur í dag.
Önnur skýring er að sögn Sig-
urjóns að Guðjón Arnar flokks-
bróðir hans heldur upp á afmælið
sitt um helgina. „Við vorum að spá
í að halda það saman en það tókst
ekki þar sem hann heldur það í
Þernuvík sem er nokkuð langt í
burtu,“ segir Sigurjón, sem er
staddur norður í landi.
Sigurjón segir veiði úti á Siglu-
nesi koma til greina. „Ég hef gam-
an af því að renna fyrir fisk og
skjóta eina tófu en kunningi minn
sem hefur boðið mér í heimsókn
er alveg óður í þetta.“ Þingmaður-
inn hefur notað sumarfríið til að
ferðast um landið og segir hann
nauðsynlegt fyrir sig að kynna sig
fyrir landsmönnum þar sem hann
var óþekktur áður en hann tók
sæti á þing.
„Ég mun ekki ferðast jafn mik-
ið í júlí því börnin mín verða hjá
mér og stefnan er tekin á Sauðár-
krók ef þingið dregst ekki á lang-
inn vegna þjóðaratkvæðagreiðsl-
unnar.“ Sigurjón stefnir einnig á
að keppa á Landsmóti ungmenna-
félaganna í 800 metra sundi. „Ég
er sundkappi Skagafjarðar og
góður miðað við aldur, fer 500
metrana á sjö mínútum.“
Aðspurður hvort hann hafi
reynt fyrir sér í öðrum íþróttum
segist Sigurjón hafa spilað fót-
bolta á sínum yngri árum. „Ég
spilaði í mörg ár bæði með Leikni
og Ármanni og síðan endaði ég
ferilinn á bekknum hjá Neista á
Hofsósi.“ Fótboltaáhuginn hefur
hins vegar dofnað og fylgist Sig-
urjón með Evrópumótinu með
öðru eyranu þessa dagana og nær
þannig helstu úrslitum.
Eftirminnilegasti afmælisdag-
urinn í huga Sigurjóns var þegar
hann varð sjö ára. „Ég fékk fyrstu
veiðistöngina mína þann dag en
hún hafði verið keypt í Kaupfélag-
inu í Haganesvík í Fljótum en það
er búið að leggja þá verslun af
núna. Ég var mjög montinn með
stöngina og fór strax að renna fyr-
ir fisk. Ég fékk fljótt marhnút á
hana og hef aldrei verið glaðari
með nokkra veiði, var alveg him-
inlifandi.“ Sigurjón segir mömmu
sína ekki alveg hafa verið jafn
ánægða með fenginn en hann lítur
enn á þetta sem toppinn á sinni
veiði. ■
AFMÆLI
SIGURJÓN ÞÓRÐARSON ER
40 ÁRA Í DAG.
■ Hann ætlar að renna fyrir fiski í tilefni
dagsins og jafnvel skjóta eina tófu. Hann er
staddur fyrir norðan en hann hefur eytt dá-
góðum tíma í ferðalög um landið í sumar.
HLJÓÐBÓK.IS
NÝTT FYRIRTÆKI
■ Gísli Helgason og Herdís Hallvarðsdótt-
ir eru að hefja stórsókn í útgáfu hljóðbóka
hér á landi.
29. JÚNÍ 1613
SHAKESPEARE-LEIKHÚSIÐ
GLOBE.
■ Brennur til kaldra kola
SIGURJÓN ÞÓRÐARSON
Ætlar að keppa á Landsmóti Ungmennafélaganna í sumar í sundi. Hann segist vera mik-
ill sundkappi og mjög góður miðað við aldur.
GÍSLI HELGASON
Gefur út hljóðbækur á geisladiskum.
■ LEIÐRÉTTING
Þau leiðu mistök urðu í Fréttablaðinu í
gær að jarðarfarir Jóhanns Gíslasonar,
Margrétar Valgerðar Guðmundsdóttur
og Einínu Aðalbjargar Einarsdóttur
voru tilkynntar á röngum degi. Hið rétta
er að þau verða jarðsungin í dag.