Fréttablaðið - 01.07.2004, Page 52

36 1. júlí 2004 FIMMTUDAGUR
TÓNLEIKAR Í RÚMENÍU
Ceasria Evora, stófenglega söngkonan frá
Grænhöfðaeyjum og Íslandsvinurinn, flytur
hér lag á tónleikum í Búkarest í Rúmeníu.
Evora kynnti verðlaunaplötu sína „Voz
D’Amor“ í Rúmeníu á þriðjudagskvöldið og
vakti mikla lukku meðal áhorfenda.
■ KVIKMYNDIR
Ú T S A L A - Ú T S A L A
SUMAR ÚTSALAN
HEFST Í DAG
1. JÚLÍ
allt að60% afsláttur
dömuskór - herraskór - barnaskór
mörg tilboð - frábær verð
KRINGLUNNI S. 568 6211
SKÓHÖLLIN , FIRÐI HF. S. 555 4420
GLERÁRTORG AKUREYRI S. 461 3322
Leikstjórinn Tim Burton vinnur nú
að nýrri brúðuhreyfimynd, svip-
aðri The Nightmare Before
Christmas.
Nýja myndin heitir The Corpse
Bride og er unnin á sama hátt og
myndin goðsagnarkennda. Sagan
er gerð eftir frægri rússneskri
þjóðsögu um mann sem giftist
óvart dauðri konu. Sjálfur lýsir
Burton myndinni sem „glaðlegri
sögu“ svipaðri Nightmare Before
Christmas.
Í myndinni verða einhver lög,
en ekki jafn mörg og í þeirri fyrr-
nefndu. Samstarfsmaður Burtons
til langs tíma, Danny Elfman, sér
um tónlistina í myndinni.
Leikaraliðið, sem ljáir aðalper-
sónum myndarinnar raddir sínar,
er ekki af verri endanum. Þar
verða Johnny Depp, Helena Bon-
ham Carter, Albert Finney og
Christopher Lee í helstu hlutverk-
um. Einnig koma leikararnir Emily
Watson, Richard E. Grant og
Joanna Lumley við sögu. ■
Jóhanna Halldórsdóttir söngkona
lætur sig ekki muna um að stíga
upp í flugvél einu sinni eða jafn-
vel tvisvar í hverjum mánuði,
fljúga í nokkrar klukkustundir
áleiðis til Þýskalands eða Sviss
þar sem hún kemur fram á tón-
leikum til að flytja barokktónlist.
Nokkrum dögum seinna flýgur
hún síðan til baka og mætir til
vinnu sinnar hér á landi.
„Þetta er óneitanlega svolítið
skrýtið, að rjúka svona út til að
vera stjarna á sviðinu í smá tíma
og koma síðan aftur í vinnu eins
og ekkert hafi í skorist. En ég er
svo heppin að eiga góða yfirmenn
sem sýna þessu skilning.“
Síðast var Jóhanna úti í Stutt-
gart þann 10. júní að syngja
barokktónlist eftir Biber og fleiri
austurrísk tónskáld. Næst fer hún
út núna um helgina, að þessu sinni
til München þar sem hún syngur
með barokksveitinni L’arpa fes-
tande verk eftir Vivaldi og
Monteverdi.
Síðastliðið haust flutti Jóhanna
heim til Íslands eftir að hafa búið
í Þýskalandi um sex ára skeið.
Fyrstu fjögur árin ytra var hún í
námi við Institut für alte Musik í
bænum Trossingen, sem er
skammt sunnan við Stuttgart.
„Þar var ég að læra barokktón-
list og var svo heppin að fá inn-
göngu í framhaldsnám hjá
kennara sem heitir Richard
Wistreich.“
Þegar líða tók á námið var hún
farin að koma fram opinberlega
með ýmsum tónlistarhópum, og
hélt því áfram þar ytra í tvö ár að
námi loknu.
„Ég var búin að koma mér upp
samböndum við nokkrar góðar
barokksveitir sem hóa í mig
annað slagið. Svo tek ég að mér
ýmis verkefni eftir því sem þau
bjóðast.“
Hér á landi er Jóhanna auk
þess komin í samstarf við
Guðrúnu Óskarsdóttur sembal-
leikara, sem meðal annars starfar
með Bach-sveitinni í Skálholti.
„Við erum að púsla saman pró-
grammi með gömlum ítölskum
aríum. Þetta er svo yndisleg tón-
list. Við erum líka að gramsa í
gömlum handritum að leita að
flottum aríum. Mig langar mikið
til að koma á framfæri aríum sem
bara eru til í handriti og hafa
kannski ekki heyrst í nokkur
hundruð ár.“ ■
NIGHTMARE BEFORE CHRISTMAS
Fyrri brúðumynd Burtons á sér hópdýrkendur um allan heim. Nú er verið að vinna nýja
mynd.
Ný brúðumynd
frá Tim Burton
BAROKKIÐ HEILLAR
JÓHANNA HALLDÓRSDÓTTIR
■ altsöngkona kennir börnum tónlist hér á
landi en bregður sér reglulega út fyrir land-
steinana til þess að syngja með barokksveit-
um í þýskumælandi hluta Evrópu.
Á sífelldu flugi
með barokkið
JÓHANNA HALLDÓRSDÓTTIR
Skreppur til München nú um helgina til þess að syngja Vivaldi og Monteverdi með virtri
barokksveit.
Alf, geimveran frá plánetunni
Melmac, mun stjórna nýjum
spjallþætti sem fer í loftið 7. júlí á
sjónvarpsstöðinni TV Land
vestanhafs. Alf mun koma í stað
hins fræga Johnny Carson og mun
þátturinn verða hálftíma langur.
Spjallþátturinn hans Alf mun
mjög líkjast ósköp venjulegum
spjallþætti. Þar mun Alf fara með
einleik, pólitísk gamanmál og fá
valinkunna einstaklinga í heim-
sókn til sín.
Að sögn Alfs mun þáttur þessi
verða miklu betri en þættir Jays
Leno, Davids Letterman og
Conans O´Brien. „Forstjórar TV
Land hafa einstaklega góðan
smekk að ráða mig til starfa og
gefa mér minn eigin þátt. Ég fer
næstum því hjá mér hversu vel
þeir koma auga á mína óviðjafn-
anlegu snilligáfu,“ segir Alf.
Um leið og þættinum lýkur
sýnir stöðin fjóra gamla Alf-þætti
en óvíst er um framhald spjall-
þáttanna. Ef vel gengur gæti TV
Land ákveðið að búa til heila seríu
tileinkaða furðufuglinum Alf. ■
Geimveran Alf aftur á skjáinn
ALF
Geimveran Alf var mjög vinsæl hér á árum áður og kemur nú tvíefld til baka í sjónvarpið.