Fréttablaðið - 09.07.2004, Blaðsíða 18
Óþægilegt er að vera tilbúinn með hráefni og hafa gleymt
að kveikja á ofninum. Kveiktu alltaf á ofninum áður en þú
byrjar að elda og passaðu að stilla hann á réttan hita.
Kokkurinn knái og bumbulausi
sem er stúdentum góðkunnur úr
veitingasal Þjóðarbókhlöðunnar,
hefur þanið vængi sína og blásið
lífi í gamla Top Shop húsið með
opnun á nýjum sushi og smárétta-
bar. Undir sama þaki er að finna
bókabúð, kaffihús, listagallerí og
sælkeraverslun en Axel Ó telur
Iðuhúsið, eins og það nú nefnist,
sannkallað afþreyingahús.
„Einmitt það sem vantaði í mið-
bæinn. Hér getur fólk notið þess
að ná sér í góða bók, gæða sér á
sushi eða smáréttum og versla
sælkeramat.“ Sowieso, nefnist
staður kokksins og merkir „að
sjálfsögðu“ á austurrískri þýsku,
en þar eru sushi, sticks, tapas og
evrópskir smáréttir á boðstólum.
„Við erum að vekja splunkunýja
stemningu í Reykjavík með stóru
langborði þar sem tækifæri gefst
til að spjalla við aðra gesti. Þetta
er ferlega nýmóðins staður sem
fólk getur heimsótt án þess að
fara í sparifötin.“
Axel lærði á Hótel Loftleiðum
en kynntist sushi þegar hann
starfaði á veitingahúsinu Tveir
fiskar. „Mig langaði að halda
minni eigin stefnu og bjóða uppá
sushi í bland við það sem ég hef
verið að prófa í veislum.“ Útkom-
an varð Sowieso sem hann opnaði
ásamt eiginkonu sinni og þjónin-
um Jóhönnu Heiðdal. „Hún er
líka snilldarkokkur og ef mig
langar í rosalega góðan mat bið
ég hana um að elda fyrir mig,“
segir Axel stoltur.
Í haust hyggjast hjónin opna
enn einn reksturinn því á þriðju
og fjórðu hæð sama húss verður
tekinn í notkun glæsilegur veislu-
salur fyrir brúðkaup, ráðstefnur,
árshátíðir og aðrar uppákomur.
Axel mun einnig annast matar-
gerð veisluþjónustunnar en hann
kvenkar sér ekki yfir önnum.
„Það er mjög krefjandi að reka
þrjá staði í einu en ég nýt aðstoð-
ar afbragðs matreiðslumanna svo
ég þurfi ekki að vera alls staðar á
sama tíma.“
Leifur Welding á heiðurinn af
hönnun Sowieso sem er opið alla
daga frá tíu til tíu. Fyrir forvitna
er tilvalið að gera sér ferð þangað
í hádeginu og smakka á glæsilegu
smáréttahlaðborði.
thorat@frettabladid.is
Hollt og fljótlegt
Sími 481 2665
Kokkur án bumbu, Axel Ó, hreiðrar um sig í Iðuhúsinu:
„Ferlega nýmóðins staður!“
Á aðeins einu ári hefur markaðshlutdeild Faxe
hér á landi aukist frá því að vera um 1% upp í
heil 10%. Salan hefur sumsé tífaldast. Bjórinn
hefur verið á hagstæðu verði og einnig verið í
hentugum umbúðum. Ferðatösku-pakkningin
hefur slegið í gegn frá því að hún kom í sölu í
fyrrasumar en þetta er mikil sumarvara enda
hentug til ferðalaga innanlands. Taskan inniheld-
ur 12 stykki af 33 cl dósum eða sem samsvarar
tveimur kippum. Hún er með handfangi og henni
fylgir lok fyrir dósirnar. Hún hentar því vel þeim
sem vilja skella sér í útilegu um helgar og vilja
ekki verða uppiskroppa með bjórinn.
Faxe brugghúsið í Danmörku á sér sögu frá árinu
1901 þegar Conrad og Nikoline Nielsen stofnuðu
ásamt fjölskyldu sinni brugghúsið Faxe í sam-
nefndum bæ á Sjálandi sem átti að sjá heima-
mönnum fyrir góðum bjór. Í dag er Faxe eitt
stærsta brugghús Norðurlanda og Faxe mest út-
flutti bjór á Norðurlöndum.
Faxe ferðataska:
Kippa með sér tösku!
Bjór í útileguna
Axel vekur splunkunýja stemningu í Reykjavík með stóru langborði.
Verð á einni dós af Faxe í Vínbúðum er kr. 119 og
Faxe ferðataskan með 12 dósum kostar því kr. 1.428.
FR
ÉT
TA
B
LA
Ð
IÐ
/V
AL
D
I