Fréttablaðið - 09.07.2004, Blaðsíða 47

FÖSTUDAGUR 9. júlí 2004
Classic Rock – Ármúla 5
Á Classic Rock færðu frítt inn
Pool borð og risaskjáir á staðnum
og ódýrar veitingar
Alvöru rokk
um helgina
Fjandakornið spilar föstudags-
og laugardagskvöld
Splunkunýr staður
Aðeins þremur dögum eftir hina
mögnuðu tónleika Metallica í Egils-
höll steig breska rokksveitin Placebo
á svið í Laugardalshöll. Sannarlega
erfitt hlutskipti að feta fótspor slíkra
meistara og þeir tónleikagestir sem
sáu Metallica eflaust enn í gleðivímu
og pakksaddir eftir þann skammt.
Kannski sýndi það sig í fyrrakvöld
því stemningin í salnum var stund-
um í daufari kantinum og meira var
um að menn kinkuðu kolli í róleg-
heitum, stöppuðu niður öðrum fæti
og slógu hendi í utanvert lærið. Ef-
laust hafði það líka eitthvað að segja
að margir höfðu þurft að kaupa miða
á Placebo til að tryggja sér miða á
Metallica og voru því kannski ekki á
meðal hörðustu aðdáenda sveitarinn-
ar.
Um klukkan hálftíu hóf Placebo
leikinn og það af miklum krafti.
Upphafsstef Taste In Men fór af stað
og trommuleikarinn Steve Hewitt
settist á sinn stað og hóf að berja
húðirnar. Forsprakkinn Brian Molko
gekk næstur á svið og loks gaf Stef-
an Olsdal djúpan bassatóninn. The
Bitter End af nýjustu plötu sveitar-
innar, Sleeping With Ghosts, var
næst á dagskrá og Every You Every
Me, af bestu plötu Placebo til þessa,
Without You I’m Nothing, tók við.
Fjögur lög fylgdu í kjölfarið og
eftir það talaði Molko loks við áhorf-
endur eftir heldur langt þagnarbind-
indi. „Thank you. we are Placebo,“
sagði hann og bætti við: „It’s fucking
amazing to be here.“ Til að undir-
strika þakklæti sitt fylgdi á eftir
hver slagarinn á fætur öðrum; nýju
smáskífulögin Special Needs, Eng-
lish Summer Rain og This Picture
ásamt Without You I’m Nothing og
Special K.
Á þessum tímapunkti hafði Place-
bo spilað í klukkutíma og þakkaði
sveitin þá fyrir sig. Eftir uppklapp
steig hún aftur á svið og við tók Sla-
ve to the Wage, besta lagið af Black
Market Music. Næst var komið að
öðru frábæru lagi, Pure Morning og
eftir það var sveitin klöppuð aftur
upp. Lauk Placebo síðan dagskránni
með laginu sem hún sló í gegn með,
Nancy Boy, af sinni fyrstu plötu.
Alls spilaði Placebo átján lög og
sló vart feilnótu. Spilamennskan var
þétt og söngvarinn Molko sýndi
hvers hann er megnugur. Tær og
kvenlegur hljómur raddarinnar er
engum líkur og skapar sveitinni
mikla sérstöðu.
Þetta voru fínir tónleikar. Auðvit-
að er freistandi að bera þá saman við
atburðinn í Egilshöll og reyna að
gera lítið úr þeim en það er ekki
sanngjarnt. Molko og félagar stóðu
sig með mikilli prýði og ef eitthvað
er að marka aðdáun þeirra á landi og
þjóð eiga þeir vafalaust eftir að
koma hingað fljótt aftur.
freyr@frettabladid.is
Molko í fótspor Metallica
[ TÓNLEIKAR ]
UMFJÖLLUN
Placebo spilaði í Laugardalshöll,
miðvikudaginn 7. júlí
BRIAN MOLKO
Söngvarinn Brian Molko var í miklu stuði í
Laugardalshöll og söng hvern slagarann á
fætur öðrum.
MAUS
Hljómsveitin Maus hitaði upp fyrir Placebo
og náði upp mikilli stemningu. Daníel
trommari var í essinu sínu.
FR
ÉT
TA
B
LA
Ð
IÐ
/R
Ó
B
ER
T