Fréttablaðið - 27.07.2004, Blaðsíða 6

6 27. júlí 2004 ÞRIÐJUDAGUR
Spár um hagnað Íslandsbanka:
Búist við milljarði á mánuði
VIÐSKIPTI Íslandsbanki birtir upp-
gjör sitt í dag fyrir fyrri helming
ársins. Íslandsbanki er fyrstur
bankanna til að birta uppgjör.
Hinir tveir birta uppgjör sín á
fimmtudag. Búist er við góðum
uppgjörum fjármálafyrirtækja,
enda umhverfið verið þeim hag-
stætt að undanförnu.
Landsbanki og KB banki hafa
birt spár um hagnað Íslandsbanka.
Þar er gert ráð fyrir að hagnaður
bankans á öðrum ársfjórðungi
verði 1,7 til 1,8 milljarðar króna.
Afkoma Íslandsbanka fyrstu þrjá
mánuði ársins var afar góð eða 4,5
milljarðar króna. Greiningardeild-
ir bankanna gera því ráð fyrir að
afkoma bankans fyrstu sex mánuði
ársins verði 6,3 til 6,4 milljarðar
króna.
Gengishagnaður af verðbréfa-
eign átti stóran þátt í miklum hagn-
aði á fyrsta ársfjórðungi. Áfram er
búist við góðum gengishagnaði síð-
ustu þrjá mánuði, en búist er við að
hlutfall gengishagnaðar af heildar-
hagnaði verði mun lægri en á
fyrsta ársfjórðungi. ■
Þúsund látnir í flóðum
Nær þúsund manns hafa látið lífið í miklum flóðum í Suður-Asíu síðasta mánuðinn. Um tveir
þriðju hlutar Bangladess eru undir vatni og eru flóðin þar þau verstu í tæpan áratug.
ASÍA, AP Nærri þúsund manns hafa
látið lífið í monsúnflóðum í Suður-
Asíu sem staðið hafa yfir síðan í
lok síðasta mánaðar. Verst er
ástandið í Bangladess þar sem
nær þrjú hundruð hafa látið lífið
og á Indlandi þar sem tala látinna
er á milli fimm og sex hundruð.
Einnig hafa rúmlega hundrað
Nepalir og nokkrir Pakistanar lát-
ist.
Flóðin eru árlegur viðburður
og urðu 1.500 manns að bana frá
júní og fram í október á síðasta
ári. Margir telja þó flóðin í ár
óvenju slæm. Flóðin virðast þó
sumstaðar í rénun og reynt verð-
ur að koma í veg fyrir sjúkdóma-
faraldra af völdum flóðanna á
næstu vikum.
Tveir þriðju hlutar Bangladess
eru undir vatni en þar létust 58 í
gær þegar ár í nágrenni höfuð-
borgarinnar Dakka flæddu yfir
bakka sína. Flóðin eru þau verstu
í Bangladess í tæplega áratug og
hafa áhrif á líf um tuttugu millj-
óna. Vatn þekur nær helming höf-
uðborgarinnar en þar búa um tíu
milljónir. Meðal hverfa sem rýmd
hafa verið er helsta verslunar-
hverfi bogarinnar.
Reynt hefur verið að koma í
veg fyrir að ár flæði yfir bakka
sína og vinna verkamenn og sjálf-
boðaliðar hörðum höndum að því
að stafla upp sandpokum til þess
að mynda flóðgarða. Einnig hefur
verið reynt að koma matvælum,
lyfjum og fatnaði bæði til stranda-
glópa og þeirra sem neyðst hafa
til þess að yfirgefa heimili sín og
leita skjóls í opinberum bygging-
um.
Helstu dánarorsakir af völdum
flóðanna eru drukknun, raflost af
völdum eldinga eða ónýtra raf-
magnstækja auk þess sem fjöldi
smitsjúkdóma hafa skotið upp koll-
inum og kostað fjölda mannslífa.
helgat@frettabladid.is
RÚMUM HUNDRAÐ ÞÚSUNDUM
BOÐIÐ Meira en hundrað þúsund
manns verður boðið til opnunar
bókasafns og safns Bills Clinton,
fyrrum Bandaríkjaforseta, í Little
Rock í Arkansas þann 18. nóvem-
ber. Ekki er búist við að allir sem
boðið er mæti til opnunarinnar en
þrátt fyrir það er búist við því að
þröng verði á þingi.
HUNSAR HÓTANIR UM HRYÐJUVERK
Forsætisráðherra Ástralíu lýsti því
yfir í gær að hótanir um hryðju-
verkaárásir frá meintum armi al-
Kaída hryðjuverkasamtakanna
verði hunsaðar. Þá gagnrýndi hann
stjórnvöld Spánar og Filippseyja
fyrir að draga til baka herlið sín frá
Írak, Spánverjar eftir hryðjuverka-
árásir í Madrid og Filippseyingar til
að frelsa gísl íraskra vígamanna.
■ ERLENT
GENGI GJALDMIÐLA
Bandaríkjadalur 71,43 0,24%
Sterlingspund 131,57 0,70%
Dönsk króna 11,68 0,10%
Evra 86,87 0,10%
Gengisvísitala krónu 121,47 0,21%.
KAUPHÖLL ÍSLANDS HLUTABRÉF
Fjöldi viðskipta 152
Velta 1.211 milljónir
ICEX-15 3.039 -1,45%
Mestu viðskiptin
Kaupþing Búnaðarbanki hf. 586.857
Straumur fjárfestingarbanki 491.477
Össur hf. 50.507
Mesta lækkun
Kaupþing Búnaðarbanki hf. -2,44%
Íslandsbanki hf. -2,20%
Kaldbakur hf. -1,43%
ERLENDAR VÍSITÖLUR
DJ * 9.945,1 -0,17%
Nasdaq * 1.834,8 -0,77%
FTSE 4.287,0 -0,91%
DAX 3.752,6 -1,18%
NIKKEI 11.159,6 -0,25%
S&P * 1.082,0 -0,39%
*Bandarískar vísitölur kl. 18.30
VEISTU SVARIÐ?
1Hverjir sigruðu á Íslandsmótinu íhöggleik sem fór fram á Garðavelli á
Akranesi?
2Hvað heitir fyrirtækið sem á Austur-bæjarbíó?
3Hverju mótmæltu þeir sem mynduðukeðju frá Gaza til Jerúsalem?
Svörin eru á bls. 22
ENGAR HÆKKANIR Ekkert félag
hækkaði í verði í Kauphöll Ís-
lands í gær. Viðskipti voru ekki
mikil en mest með bréf í KB
banka og Straum.
ÓVISSIR UM STRAUM Þótt
Straumur fjárfestingarbanki hafi
skilað ríflega ellefu hundruð
milljóna hagnaði á fyrsta ársfjórð-
ungi telur greiningardeild KB
banka að verð félagsins sé hærra
en bankinn getur staðið undir.
SPÁR GREININGARDEILDA UM
HAGNAÐ ÍSLANDSBANKA Á
ÖÐRUM ÁRSFJÓRÐUNGI:
KB banki 1.840 milljónir
Landsbankinn 1.730 milljónir
BÚIST VIÐ GÓÐU UPPGJÖRI
Greiningardeildir bankanna búast við að
Bjarni Ármannsson og hans lið í Íslands-
banka skili góðu búi fyrstu sex mánuði
ársins. Gert er ráð fyrir að hálfsárshagnað-
ur bankans verði yfir sex milljarðar króna.
FR
ÉT
TA
B
LA
Ð
IÐ
/P
JE
TU
R
■ VIÐSKIPTI
■ NORÐURLÖND
M
YN
D
/A
P
EIGURNAR FLUTTAR
Íbúar flytja eigur sínar frá heimili sínu í höfuðborg Bangladess, Dakka, sem er undir vatni.
Tala látinna í flóðunum í Suður-Asíu er farin að nálgast þúsundið.
STRÆTIN VAÐIN
Kona veður stræti Dakka, til þess að
komast leiðar sinnar um helgina. Nær
helmingur borgarinnar er undir vatni.
Á KAFI
Ungur drengur reynir að bjarga eigum sín-
um úr klóm flóðanna sem valda því að
tveir þriðju hlutar Bangladess eru undir
vatni.
GLÆPAHRINGUR HANDTEKINN
Danska lögreglan hefur handtek-
ið sjö menn sem eru taldir hafa
framið sextán rán frá í júlí 2002
til ársloka 2003. Ræningjarnir
höfðu andvirði um 30 milljóna ís-
lenskra króna upp úr krafsinu og
eru sagðir hafa eytt því í spilavít-
um, í kaup á dýrum bílum og her-
bergi á dýrum hótelum.