Fréttablaðið - 27.07.2004, Blaðsíða 25
ÞRIÐJUDAGUR 27. júlí 2004 17
ÍÞRÓTTAFRÉTTIR
Bandaríski hjólreiðakappinn LanceArmstrong, sem vann Frakk-
lands-keppnina í hjólreiðum í sjötta
sinn í röð á sunnu-
daginn og varð fyrsti
maðurinn í sögunni til
að ná þeim áfanga
gerir lítið annað en að
taka við hrósyrðum frá
löndum sínum þessa
dagana. George
Bush, forseti Bandaríkjanna, hringdi í
Armstrong eftir sigurinn, óskaði
honum til hamingju og kallaði afrek
hans stórkostlegt.
Manchester United tapaði fyrirBayern München, 4-2, í víta-
spyrnukeppni á sunnudaginn í
Champions World-mótinu sem fram
fer í Bandaríkjunum. Staðan eftir
venjulegan leiktíma var markalaus
en Alan Smith og
John O´Shea brenndu
af vítum fyrir United í
vítaspyrnukeppninni.
Manchester United
stillti upp ungu liði því
fyrir utan Smith og
O´Shea var aðeins
Roy Keane með af stjörnum liðsins.
Alex Ferguson, knattspyrnustjóri
United, hrósaði ungu leikmönnun-
um sínum, sérstaklega varnarmann-
inum Jonathan Spector sem var
sterkur við hlið Roy Keane í vörn
liðsins.
David Beckham átti stórgóðanleik með Real Madrid sem gerði
jafntefli, 2-2, gegn portúgalska liðinu
Benfica í Lissabon. Sendingar hans
voru stórhættulegar allan tímann
sem hann var inn á,
hann lagði upp mark
fyrir félaga sinn Ron-
aldo og frammistaða
hans hlýtur að hafa
heillað Jose Antonio
Camacho, þjálfara
Real Madrid. Zlatko
Zahovic og Geovanni skoruðu mörk
Benfica en Ronaldo og Fernando
Morientes skoruðu fyrir Real.
Serbneski framherjinn MatejaKezman segist hafa gengið til liðs
við Chelsea til að vinna titla og allt
annað sé óásættanlegt. Kezman,
sem hefur skorað þrjú
mörk í fyrstu tveimur
leikjum sínum með
Chelsea, sagði að það
væri pressa á Chelsea-
liðinu því það væri frá-
bært lið. „Ef við vinn-
um ekki titla á þessu
tímabili þá væri það stórslys. Við
viljum verða meistarar á þessu tíma-
bili,“ sagði Kezman.
Breski ökuþórinn Jenson Button,sem ekur fyrir BAR-liðið í Formúlu
1 kappakstrinum, er ekki í nokkrum
vafa um að frammistaða hans í
kappakstrinum á
Hockenheim-brautinni
á sunnudaginn hafi
verið sú besta á ferlin-
um. Button byrjaði í
þrettánda sæti en
náði að komast upp í
annað sætið með frá-
bærum akstri. „Það gekk allt upp hjá
mér og í raun svekkjandi að ég
skyldi ekki vera framar á rásröðinni.
Þá er aldrei að vita hvað hefði getað
gerst,“ sagði Button.
Rússneska tennisstjarnan MariaSharapova spilar á sínu fyrsta
móti eftir sigurinn á Wimbledon-
mótinu í vikunni.
Sharapova tekur þátt í
Acuna Classic og
mætir til leiks ásamt
Serenu Williams,
Amelie Mauresmo,
Ana Myskina og
Lindsay Davenport.
Sharapova situr hjá í fyrstu umferð
en mætir síðan Maria Vento-Kabchi
í annarri umferð.
Franski framherjinn Anthony LeTallec hjá Liverpool verður vænt-
anlega lánaður til annars liðs út
komandi tímabil til að hann fái leik-
reynslu. Rafael Benitez knattspyrnu-
stjóri Liverpool, sagði
á vefsvæði félagsins
að það væru fjórir
góðir framherjar hjá
félaginu og Le Tallec
væri það ungur að
hann þyrfti að fá að
spila. „Ég sé hann
ekki spila mikið hjá okkur í vetur og
því er best fyrir hann að fara í eitt ár
og koma síðan sterkur til baka,“
sagði Benitez, sem getur notað
Frakkann Djibril Cisse, Tékkann
Milan Baros og hinn enska Michael
Owen í framlínu Liverpool á
komandi leiktíð.
Úrslitaleikur Suður Ameríku bikarsins í Perú:
Brassar meistarar á
dramatískan hátt
FÓTBOLTI Það er óhætt að segja að
úrslitaleikur Suður Ameríku-
bikarsins í fótbolta, á milli Brasil-
íumanna og Argentínumanna, hafi
verið hádramatískur. Brasilíu-
menn fóru með sigur af hólmi
eftir framlengingu og vítaspyrnu-
keppni en þeir voru þó ljónheppn-
ir að ná að knýja fram fram-
lengingu.
Kily Gonzalez kom Argentínu-
mönnum yfir á 20. mínútu með
marki úr vítaspyrnu en varnar-
maðurinn Luisao jafnaði metin
fyrir Brasilíumenn með skalla
rétt áður en flautað var til hálf-
leiks. Það leit ekki vel út fyrir
heimsmeistarana frá Brasilíu
þegar skammt var til leiksloka því
Vesar Delgado kom Argnetínu-
mönnum yfir, 2-1, þegar þrjár
mínútur voru eftir. Framherjinn
Adriano náði hins vegar að jafna
metin fyrir Brasilíumenn þegar
komið var fram yfir venjulegan
leiktíma, hans sjöunda mark í
keppninni og því þurfti að fram-
lengja. Ekki var neitt mark skorað
í framlengingunni og því þurfti að
grípa til vítaspyrnukeppni.
Adriano, Edu, Diego og Juan skor-
uðu fyrir Brasilíumenn í víta-
spyrnukeppninni en Andres
D’Alessandro og Gabriel Heinze,
sem gekk í raðir Manchester
United í sumar, brenndu af sínum
spyrnum fyrir Argentínumenn og
Brassar fögnuðu því sigri, saman-
lagt 6-4.
„Við vissum að þetta yrði ekki
auðvelt. Argentína mætti til leiks
með reynslumikið lið en mínir
menn sýndu að þeir geta yfirstig-
ið alla erfiðleika,“ sagði Carlos
Alberto Parreira, þjálfari Brasil-
íu, eftir leikinn.
Argentínumaðurinn Javier
Zanetti var hins vegar orðlaus eft-
ir leikinn en náði þó að koma því
út úr sér að þetta væri óskiljan-
legt. „Það eru hlutir í fótboltanum
sem er ekki hægt að útskýra. Það
er ekki hægt að skýra út hvað fór
úrskeiðis í þessum leik,“ sagði
Zanetti.
Adriano, hetja Brasilíumanna,
sagðist ekki geta útskýrt hvernig
honum liði eftir leikinn og sagði
að þetta væri besta andartak
ferilsins. ■
BIKARINN Á LOFT Brasilíumaðurinn Alex lyftir hér bikarnum sem Brasilíumenn fengu
fyrir að vinna Argentínumenn í úrslitum Suður Ameríku bikarsins.