Fréttablaðið - 25.08.2004, Blaðsíða 2

2 25. ágúst 2004 MIÐVIKUDAGUR
Valgerður segir stöðu kvenna í Framsókn góða:
Telur bakslag í jafnréttis-
málum ásættanlegt
STJÓRNMÁL Valgerður Sverrisdóttir,
iðnaðar- og viðskiptaráðherra, seg-
ir bakslag í jafnréttismálum Fram-
sóknarflokksins, við fráhvarf Sivj-
ar Friðleifsdóttur úr stóli umhverf-
isráðherra, ásættanlegt því það sé
tímabundið.
„Staða kvenna innan Framsókn-
arflokksins er góð, það vill svo vel
til. Þó að það sé bakslag núna þá er
það aðeins tímabundið,“ segir Val-
gerður. Hún segir flokkinn hafa
staðið frammi fyrir því að ráðherr-
um hans fækkaði.
Landssamband framsóknar-
kvenna mun halda fund í dag og
ræða málefni kvenna innan flokks-
ins. Sigrún Jónsdóttir, formaður
Félags framsóknarmanna í Reykja-
vík suður, segist vonast til þess að
fundurinn skili því að framsóknar-
konur sameinist um að bjóða sig
fram í allar stjórnir og ráð flokks-
ins og nái þannig að auka hlut sinn.
Hún bendir á að í lögum Framsókn-
arflokksins segi að hvort kyn skuli
ekki skipa minna en 40 prósent í
nefndum og stjórnum flokksins.
Valgerður segir að það sé ekki
rétt að tala um að einhver hafi
þurft að víkja einum eða öðrum úr
ríkisstjórn. „Það er óþolandi að
hlusta á þetta svona. Það þurfti ein-
hver að hætta,“ sagði Valgerður.
Guðni Ágústsson, landbúnaðarráð-
herra og varaformaður Framsókn-
ar, vildi ekki tjá sig um stöðuna í
flokknum við sama tækifæri. ■
ÍSRAEL, AP Dómsmálaráðherra
Ísraels hvatti Ísraelsstjórn í gær
til að laga áætlanir sínar um land-
nemabyggðir að alþjóðlegum
ályktunum. Þetta þykir til marks
um að Ísraelsstjórn sé berskjald-
aðri en áður fyrir gagnrýni utan
frá, sérstaklega eftir að alþjóða-
dómstóll úrskurðaði að aðskilnað-
armúrinn sem verið er að reisa sé
ólöglegur.
Múrinn og brotthvarf land-
nema frá Gaza-ströndinni eru
hornsteinninn í framtíðaráætlun-
um Ariels Sharon, forsætisráð-
herra Ísraels. Sharon stefnir á að
ljúka brotthvarfi á næsta ári en
það hefur vakið efasemdir meðal
harðlínumanna í flokki Sharons,
sem telja að Sharon geti ekki hald-
ið málinu til streitu án þess að rík-
isstjórnin springi.
Varnarmálaráðherra Ísraels
segir að búast megi við mót-
spyrnu frá landnemum á Gaza-
ströndinni þegar þeir þurfa að
yfirgefa heimili sín, en um 8.000
gyðingar búa á Gaza-ströndinni
meðal 1,3 milljóna Palestínu-
manna. Fulltrúar landnemanna
hafa gagnrýnt áætlunina harka-
lega. ■
Réttarhöld yfir hryðju-
verkamönnum:
Réttað yfir
bílstjóra bin
Laden
GUANTANAMO-FLÓI Salim Ahmed
Hamdan, fyrrum lífvörður og bíl-
stjóri Osama bin Laden, verður fyrsti
maðurinn sem réttað verður yfir úr
fangelsinu við Guantanamo flóa.
Hann viðurkennir að hafa verið
bílstjóri bin Laden en segist ekki
styðja hryðjuverk. Lögmaður
Hamdans segir réttarhöldin yfir
honum ganga gegn allri réttarhefð
Bandaríkjanna. Ekkert réttlæti að
Hamdan hafi verið handtekinn sem
stríðsfangi, þar sem hann hafi ekki
tekið þátt í ofbeldisverkum eða
skipulagt hryðjuverkaárásir.
Í ákærunni kemur fram að Hamd-
an hafi flutt vopn og birgðir til stuðn-
ingsmanna Osama bin Laden. ■
■ LÖGREGLUFRÉTTIR
„Ég vildi óska að það væri hægt.“
Bergur Ágústsson, bæjarstjóri Vestmannaeyja,
gagnrýnir aðgerðir til stuðnings línubátum og
landvinnslum, sem hafi kostað Eyjamenn fleiri
hundruð milljónir króna.
SPURNING DAGSINS
Bergur, sendirðu sjávarútvegsráð-
herra ekki bara reikning?
Dagvist fatlaðra barna:
Borgin greið-
ir helming
SKÓLAMÁL Borgarráð samþykkti í
gær fjárveitingu til að standa undir
helmingi kostnaðar við dagvistun
fatlaðra nema við Öskjuhlíðarskóla
í þeirri trú að félagsmálaráðuneytið
leggði fram helming á móti borg-
inni. Um 10.5 milljónir króna er að
ræða en rekstarkostnaður allt
skólaárið nemur 21 milljón.
Lögum samkvæmt ber félags-
málaráðuneytið ábyrgð á málefn-
um fatlaðra en hefur ekki talið sér
skylt að leggja fé til starfsrækslu
dagvistar fatlaðra barna. Árni
Magnússon félagsmálaráðherra
svaraði ekki fyrirspurnum Frétta-
blaðsins vegna þessa máls. ■
FRAMSÓKN Í IÐNAÐI
Valgerður Sverrisdóttir, iðnaðar- og viðskiptaráðherra, segir stöðu kvenna innan Framsóknar
góða þrátt fyrir tímabundið bakslag. Hér er hún ásamt Siv Friðleifsdóttur umhverfisráðherra.
@
M
YN
D
N
EÐ
R
I:F
RÉ
TT
AB
LA
Ð
IÐ
/E
.Ó
L
MÚRINN REISTUR
Dómsmálaráðherra Ísraels hvetur Ariel
Sharon til að laga áætlanir sínar að alþjóð-
legum áætlunum.
Ólga vegna landnemabyggða:
Sharon gagnrýndur
í eigin röðum
FANGAR Í GUANTANAMO
Réttarhöld hefjast yfir fjórum föngum í vikunni.
KVEÐST SEKUR UM MANNRÉTT-
INDABROT Bandarískur hermað-
ur sem ákærður er fyrir að mis-
þyrma föngum í Abu Ghraib
fangelsinu í Írak, kveðst gangast
við nokkrum ákæruatriðum. Her-
maðurinn segist sekur um lög-
brot en gefur ekki upp hvaða
ákæruliðum hann gengst við.
BANDARÍSKUR HERMAÐUR FELL-
UR Einn bandarískur hermaður
lést og tveir særðust þegar
sprengju var varpað á bandaríska
herstöð í Bagdad aðfaranótt
þriðjudags. Hermennirnir voru
fluttir á sjúkrahús eftir árásina
þar sem einn lést af sárum sínum.
■ ÍRAK
McDonalds vinnur
dómsmál:
Aðeins einn
Big Mac
MANILLA, AP Bandaríska skyndibita-
keðjan McDonalds vann merkan
sigur í dómsmáli í Filiippseyjum
þar sem einkaréttur keðjunnar yfir
vöruheitinu „Big Mac“ var staðfest-
ur, en „Big Mac“ er þekktasti ham-
borgari McDonalds.
Hæstiréttur í Manilla, höfuðborg
Filippseyja, snéri við dómi undir-
réttar þess efnis að filippseyskum
matsölustað væri heimilt að selja
hamborgara undir heitinu „Big
Mak“. Sýnt þótt að filippseyski stað-
urinn hafði notið góðs af vöruvild
McDonalds.
Dómurinn er talinn hafa mikið
fordæmisgildi á sviði vörumerkja-
verndar. ■
ÖSKJUHLÍÐARSKÓLI
Ekki fást svör við því hvort félagsmálaráðu-
neytið hyggst taka þátt í kostnaði við dag-
vistun fatlaðra barna.
Funda um kjör:
Lítill árangur
SKÓLAMÁL Fámennur vinnuhópur
kennara og launanefndar sveitar-
félaganna áttu gagnlegt spjall í
húsakynnum Kennarasambands-
ins í gær. Deilendur hittast aftur í
dag. Rætt hefur verið um vinnu-
tíma og verkefnastjórnun. Engin
niðurstaða fékkst að loknum fund-
inum í gær, segir Finnbogi Sig-
urðsson, formaður Félags grunn-
skólakennara. Stefnt hafi verið á
fund með ríkissáttasemjara eftir
hádegi á morgun en óvíst sé hvort
af honum verði.
„Ef við höfum ekkert að segja
sáttasemjara þá er spurning hvort
við þurfum að hitta hann,“ segir
Finnbogi. Hann segir alla hlutað-
eigandi vona að deilan leysist fyr-
ir 20. september, boðaðan verk-
fallsdag kennara: „Það getur eng-
inn séð fyrir hver endirinn verður
í dag. ■
FINNBOGI SIGURÐSSON
Formaður Félags grunnskólakennara segir
kennara og launanefnd sveitarfélagsins
hafa átt gagnlegan fund í gær.
BÍLVELTA Á SKAGASTRÖND Ítalskt
par sakaði ekki þegar bifreið
þeirra valt við Skaga, norður af
Skagaströnd í gær. Að sögn lög-
reglunnar á Blönduósi missti
ökumaðurinn stjórn á bílnum í
lausamöl með þeim afleiðingum
að hann valt eina veltu. Bíllinn
skemmdist mikið og er óökufær.
SAMKEPPNI Fyrirtæki í eigu Reykja-
víkurborgar og Orkuveitunnar er
meðal fyrirtækja sem bjóða í gáma-
leigu, flutning og losun fyrir þrjár
endurvinnslustöðvar Sorpu en til-
boðin verða kynnt í dag. Sam-
kvæmt heimildum Fréttablaðsins á
Vélamiðstöðin ehf. lægsta tilboð í
verkið fyrir eina af endurvinnslu-
stöðvunum.
Vélamiðstöðin ehf. hét áður
Vélamiðstöð Reykjavíkurborgar en
var breytt í einkahlutafélag árið
2002. Stofnendur félagsins og nú-
verandi eigendur eru Orkuveita
Reykjavíkur og Reykjavíkurborg,
en Orkuveitan er að langstærstum
hluta í eigu Reykjavíkurborgar.
Reykjavíkurborg er ennfremur
stærsti eigandinn í Sorpu sem er
byggðasamlag sveitarfélaga á höf-
uðborgarsvæðinu. Sú staða er því
uppi að fyrirtæki í eigu Reykjavík-
urborgar býður í verkefni sem
Reykjavíkurborg er langstærsti að-
ilinn að í gegnum eign sína í Sorpu.
Gámaþjónustan hf. er einn
þeirra aðila sem buðu í rekstur end-
urvinnslustöðva Sorpu. Í bréfi til
stjórnarmanna í Sorpu spyr Elías
Ólafsson, stjórnarformaður Gáma-
þjónustunnar, hvort það geti talist
eðlilegt að aðili í eigu Reykjavíkur-
borgar bjóði í verk á vegum Sorpu
á móti fyrirtækjum á markaðnum.
Við breytingu á rekstrarformi
Vélamiðstöðvarinnar, sem sam-
þykkt var í borgarráði 10. septem-
ber 2002, lögðu borgarráðsfulltrú-
ar Sjálfstæðisflokksins fram bók-
un þar sem þeir áréttuðu að nauð-
synlegt væri að móta með skýrum
hætti „hvort Vélamiðstöðin ehf.
skuli keppa um verkefni á almenn-
um markaði,“ eins og segir í bók-
uninni.
„Við höfum ekki haft nein
fyrirmæli um að skoða eigenda-
lista þeirra fyrirtækja sem taka
þátt í útboði. Það er annarra en
stjórnar Sorpu að fjalla um hvort
þetta sé eðlilegt,“ sagði Ögmundur
Einarsson, framkvæmdastjóri
Sorpu í samtali við Fréttablaðið.
Tilboð í þjónustu fyrir endur-
vinnslustöðvar Sorpu verða gerð
opinber í dag klukkan 15 og mun
stjórn Sorpu fjalla um tilboðin í
kjölfarið.
borgar@frettabladid.is
Borgin beggja
vegna borðsins
Vélamiðstöðin ehf. sem er í eigu Reykjavíkurborgar er lægstbjóðandi í
verk sem Sorpa býður út en Sorpa er að stærstum hluta í eigu Reykjavík-
urborgar. Einkaaðilar í samkeppni spyrja hvort þetta geti talist eðlilegt.
HÖFUÐSTÖÐVAR
VÉLAMIÐSTÖÐVAR EHF.
Fyrirtækið er alfarið í eigu í
Reykjavíkurborgar.
FR
ÉT
TA
B
LA
Ð
IÐ
/V
IL
H
EL
M