Fréttablaðið - 25.08.2004, Blaðsíða 26

25. ágúst 2004 MIÐVIKUDAGUR
Skrýtið að skipta um skóla:
Gaman að kynnast mörgum
„Ég byrjaði í skóla í Englandi, síð-
an fór ég í Öldutúnsskóla, svo í
Seljaskóla. Síðan fór ég eiginlega
í heimsókn í Dalvíkurskóla - það
var bara stutt stopp. Núna er ég í
Vesturbæjarskóla. Þannig að ég
kann bæði íslensku og ensku. Mér
finnst núna eins og ég sé að fara í
skóla sem ég hef alltaf verið í því
ég þekki alla. Ég var kvíðin fyrst
þegar ég byrjaði. Það er rosalega
skrýtið að skipta svona oft um
skóla en það er samt líka gaman
því ég kynnist svo mörgum. Ég
nota skólatöskuna mína síðan í
fyrra en hitt fæ ég í skólanum. Við
fáum liti og svoleiðis þar. Mér
finnst skemmtilegast í íþróttum
og sundi. Ég er samt ekkert að
æfa neina íþrótt. Ég held það
verði ekkert erfitt að vakna ég
vakna mjög snemma þessa dag-
ana því mamma þarf að fara í
vinnuna.“
Mímir-Símenntun:
Háborgin Madrid, Grunnmennta-
skólinn og framandi matargerð
Dagskrá haustsins hjá Mími - Sí-
menntun verður spennandi að
vanda að sögn Huldu Ólafsdótt-
ur, framkvæmdastjóra.
„Starfsemin hjá okkur er
tvíþætt, annarsvegar eru tóm-
stundanámskeið fyrir börn og
fullorðna og hinsvegar starfs-
tengd námskeið. Sem dæmi um
námskeið í flokknum Listir og
Menning má nefna að í haust
verður í fyrsta skipti námskeið
hjá Kristni R. Ólafssyni sem
nefnist „Háborgin Spán-
ar...Madrid í máli og myndum“
og við hlökkum mjög til að fá
Kristinn til að fræða okkur um
hina fornfrægu borg.
Boðið verður upp á námskeiðið
„Menningarheimur Araba“ sem
Jóhanna Kristjónsdóttir kennir en
það hefur notið mikilla vinsælda
undanfarin ár og við vonumst til
að fá Guðberg Bergsson til að
halda aftur námskeiðið um Don
Kíkóta sem naut fádæma vin-
sælda. Í tungumálanáminu er það
helsta nýjungin að við munum
bjóða upp á tungumálanámskeið
til eininga til framhaldsskóla og
fólk getur valið að taka byrjunar-
áfangana frekar hér hjá okkur en
í skólanum. Við höfum alltaf lagt
mjög mikla áherslu á tungumála-
kennslu og verðum með 15-20
tungumál á boðstólum í haust, ým-
ist hóptíma eða einkatíma,“ segir
Hulda.
„Við verðum líka með einn
flokk sem við köllum Gagn og
gaman og þar verður Ragnhild-
ur Sigurðardóttir golfkona
áfram með golfkennslu fyrir
konur, en einnig eru þar ýmis
námskeið t.d. í framandi matar-
gerð. Svo eru ýmis starfstengd
og almenn námskeið í samstarfi
við stéttarfélög. Dæmi um það
er námskeið sem við köllum
Grunnmenntaskólann og eru
fyrir þá sem eingöngu hafa lok-
ið grunnskólanámi. Það liggur
fyrir að þessi Grunnmennta-
skóli verði metinn til 24 eininga
inn í framhaldsskóla og það er
mjög mikilvæg brú fyrir
ófaglært fólk yfir í formlegt
nám. Í þessu námi verðum við
vör við að þeir sem hafa misst
sjálfstraust til náms fá það aft-
ur. Svo höfum við verið með
námskeið fyrir lesblinda sem
hafa mælst mjög vel fyrir og við
munum halda þeim áfram.“
En ætlar Hulda að sækja ein-
hver þessara námskeiða sjálf?
„Já, ég ætla að sækja námskeið-
ið hjá Kristni R. Ólafssyni og
vonandi fleiri ef tími vinnst til.“
Námskeiðin byrja 15.septem-
ber og fer skráning fram á
heimasíðunni mimir.is eða í
síma 580 1800.
Þórhildur Dagbjört Sigurjónsdóttir, níu ára í Vesturbæjarskóla.
Hulda Ólafsdóttir, framkvæmdastjóri Mímis-símenntunar ætlar á námskeiðið um töfra Madrid-
borgar
Námskeið til 30 rúml. skipstjórnarréttinda.
8 sept. – 15 nóv. Kennsla mánudaga- og
miðvikudaga kl 19-23.
Hafsiglinganámskeið (Yachtmaster Offshore)
Úthafssiglinganámskeið (Yachtmaster Ocean)
Siglingaskólinn
Sími 898 0599 og 588 3092
Netfang. sigling@mmedia.is
Heimasíða: www.siglingaskolinn.net