Fréttablaðið - 25.08.2004, Blaðsíða 36
ÓLYMPÍULEIKAR Stangarstökkskonan
Þórey Edda Elísdóttir skráði nafn
sitt í íslenska íþróttasögu með
stórum stöfum í gærkvöld er hún
náði fimmta sæti í stangar-
stökkskeppni Ólympíuleikanna.
Stangarstökkskeppnin í Aþenu í
gær var einn eftirminnilegasti
atburður Ólympíuleikanna enda
stórkostleg skemmtun sem endaði
með heimsmeti þegar komið var
fram yfir miðnætti í Aþenu.
Sælutilfinning um mig alla
Þórey Edda var eitt stórt gleði-
bros er Fréttablaðið hitti hana
skömmu eftir keppnina í Aþenu í
gær. „Mér líður alveg æðislega
vel. Þetta er besta sælutilfinning í
heimi,” sagði Þórey Edda hlæjan-
di. „Þetta er bara draumur. Þetta
er það skemmtilegasta sem maður
gerir. Að vera komin yfir 4,55
metra og í baráttu um bronsið er
draumastaða. Sælutilfinningin
streymdi um mann allan.”
Þórey Edda byrjaði úrslitin á
því að fara naumlega yfir 4,20
metra. Stökkið var tæpt og mátti
sjá á Þóreyju að henni var létt
þegar hún komst yfir. Hennar
fyrsta tilraun við 4,40 metra var
mjög slök og önnur tilraunin ekki
mikið betri. Hún var því komin í
ákaflega vonda stöðu en hún
stóðst álagið eins og sannur
sigurvegari og fór yfir í
þriðju og síðustu tilraun.
„Ég ætlaði mér yfir. Það
kom ekki annað til greina.
Ég gafst ekki upp og ég
bara ætlaði mér að ná
þessu,“ sagði Þórey
aðspurð um þessa spennu-
þrungnu stund.
Stúlkurnar hrundu síðan
út hver á fætur annarri
þegar ráin var komin í 4,55
metra. Þá var Þórey aftur á
móti komin með bullandi
sjálfstraust og hún vippaði
sér naumlega, en glæsi-
lega, yfir rána í annarri
tilraun. Aðeins ein af fimm
sem það gerði en fimmtán
stúlkur tóku þátt í úrslit-
unum. Ráin var næst
hækkuð í 4,65 sem er fimm
sentimetrum hærra en
Íslandsmet Þóreyjar. Hún
felldi þá hæð í tvígang og
þegar ljóst varð að hún yrði
að stökkva hærra til þess
að eygja von um verðlaun
sleppti hún þriðja stökkinu
í þessari hæð og reyndi
þess í stað við 4,70 metra.
Þrátt fyrir ágæta tilburði
var sú hæð of mikil fyrir
Þóreyju að þessu sinni.
Barðist um bronsið
„Ég hugsaði með mér að
fjórða eða fimmta sætið
skipti ekki svo miklu máli
eins og staðan var orðin og
því ákvað ég að blanda mér
í slaginn um bronsið. Ég
veit ég að get farið yfir
þessa hæð en það small
ekki alveg í þessu stökki.
Annars er ég ekkert að
velta mér upp úr því heldur
er ég svakalega ánægð með
að hafa farið 4,55 metra og
náð fimmta sætinu,“ sagði
Þórey Edda dreymin á
svipinn enda gerast
dagarnir í hennar lífi ekki
mikið stærri en
gærdagurinn.
“Það er ekki spurning að
þetta er stærsti dagurinn í
mínu lífi hingað til. Þeir
verða samt vonandi stærri
í framtíðinni og ekki bara
íþróttatengdir,” sagði
Þórey Edda ákaflega ham-
ingjusöm enda stór dagur
á enda hjá henni.
henry@frettabladid.is
20 25. ágúst 2004 MIÐVIKUDAGUR
Við förum þess á leit við...
...Adolf Inga Erlingsson, íþróttafrétta-
mann hjá Ríkisútvarpinu og Sjón-
varpi, að sýna keppendum á Ólymp-
íuleikunum virðingu og kalla þá ekki
nautheimska þótt þeir geri eitthvað
sem honum líkar ekki við.
Við hrósum...
...Þóreyju Eddu Elísdóttur fyrir
frábæra keppnishörku og glæsi-
legan árangur þegar hún tryggði
sér 5. sæti í stangarstökkskeppn-
inni í gær.
sport@frettabladid.is
Áhugaleysi?
Á sunnudag áttust við á sama tíma Ísland og Rússland í hreinum úrslitaleik um sæti í 8-liða
úrslitum handboltakeppninnar á Ólympíuleikunum og FH og ÍA í Landsbankadeild karla í
knattspyrnu. Meðal fjölmargra áhorfenda á leik FH og ÍA voru handboltakempurnar Þorgils Ótt-
ar Mathiesen og Kristján Arason, einn allra besti handboltamaður Íslands, fyrr og síðar. Er þetta
mögulega táknræn endurspeglun á trú og áhuga manna á íslenska landsliðinu í handbolta?
FÓTBOLTI Chelsea er enn með fullt
hús og hreint mark eftir þrjá
fyrstu leikina sína undir stjórn
Jose Mourinho í ensku úrvals-
deildinni. Chelsea vann 0–2 sigur
á nýliðum Crystal Palace á útivelli
í gærkvöld þar sem nýju men-
nirnir Didier Drogba (27. mín) og
Cardoso Tiago (75. mín) skoruðu
mörkin. Þetta voru fyrstu mörk
þeirra fyrir Lundúnaliðið í úrvals-
deildinni. Eiður Smári
Guðjohnsen byrjaði á bekknum og
kom inn fyrir Drogba á 75 mínú-
tur þegar hann meiddist á ökkla. Í
hinum leiknum tryggði Emile
Heskey Birmingham 1–0 sigur á
Man. City með skallamarki strax
á 8. mínútu.
Liverpool lék seinni leik sinn
gegn austurríska liðinu Graz í
forkeppni meistaradeildar
Evrópu í gær og tapaði 0–1 á
Anfield en komst áfram á 2–0
sigri í fyrri leiknum í Austurríki.
Shelbourne tapaði seinni leiknum
fyrir Deportivo í gær 0–3 og 0–3
samanlagt en liðið sló einmitt KR
út í fyrstu umferð.
Enska úrvalsdeildin í knattspyrnu í gær:
Chelsea vinnur enn
FYRSTA MARKIÐ Didier Drogba fagnar
hér fyrsta marki sínu fyrir Chelsea í ensku
úrvalsdeildinni. AP
HVAÐ? HVENÆR? HVAR?
22 23 24 25 26 27 28
Miðvikudagur
JÚLÍ
06:55 Ólympíuleikarnir í Aþenu á
RÚV. Þríþraut kvenna, úrslit.
11:00 Ólympíuleikarnir í Aþenu á
RÚV. Bein útsending frá leik í
átta liða úrslitum karla í blaki.
12:20 Ólympíuleikarnir í Aþenu á
RÚV. Sýnt frá úrslitakeppni í dýf-
ingum karla.
13:30 Ólympíuleikarnir í Aþenu á
RÚV. Samantekt frá keppni
morgunsins.
15:00 Ólympíuleikarnir í Aþenu á
RÚV. Upptaka frá úrslitum í
strandblaki kvenna.
16:20 Ólympíuleikarnir í Aþenu á
RÚV. Sýnt frá leik í átta liða úr-
slitum kvenna í körfuknattleik.
17:35 Olíssport á Sýn. Fjallað er um
helstu íþróttaviðburði.
18:00 Ólympíuleikarnir í Aþenu á
RÚV. Frá úrslitum í strandblaki
karla.
18:50 Forkeppni Meistaradeildar
Evrópu á Sýn. Bein útsending.
22:00 Olíssport á Sýn. Fjallað er
um helstu íþróttaviðburði.
22:20 Ólympíukvöld á RÚV. Helstu
viðburðir á Ólympíuleikunum.
22:50 Ólympíuleikarnir í Aþenu á
RÚV. Samantekt af deginum.
23:15 Forkeppni Meistaradeildar
Evrópu á Sýn.
ÚR ÍÞRÓTTAHEIMINUM
Arsenal getur sleg-ið met Notthing-
ham Forest í kvöld,
takist liðinu að knýja
fram jafntefli eða
sigur. Arsenal-menn
hafa leikið 42 leiki í
röð án þess að tapa
og eru þar með jafn-
ir Forest sem átti
fyrra metið. Arsenal vann Middles-
brough 5-3 eftir að hafa verið 1-3
undir. Dennis Bergkamp, fyrirliði
Arsenal, sagði endurkomuna í leikn-
um hafa verið með þeim glæsilegri
sem hann hafi orðið vitni að. „Þrátt
fyrir að vera 2 mörkum undir var and-
inn í liðinu frábær“ sagði Bergkamp.
„Eftir fimmta markið vissum við að
liðið hafði afrekað eitthvað sérstakt.“
Arsenal mætir Blackburn.
Brasilíski knatt-spyrnumaðurinn
Derlei, sem leikur
með Portó, hefur
sótt um portúgalsk-
an ríkisborgararétt
og mun leika með
liði Portúgals á HM
2006. Málið er nán-
ast frágengið en ekki
er langt síðan Deco,
fyrum félagi Derlei, gekk sömu leið.
Derlei, sem oft er nefndur „The Ninja“,
spilaði stóra rullu í liði Portó á síðast-
liðnu tímabili þar sem liðið vann
portúgölsku deildina og að auki
Meistaradeild Evrópu.
Alex Ferguson,knattspyrnustjóri
Manchester United,
bindur miklar vonir
við framherjann
Alan Smith í viður-
eign liðsins í Evrópu-
keppni meistaraliða.
„Smith er búinn að
reynast okkur feyki-
vel,“ segir Ferguson
og bætir við að
Smith minni sig oft á Mark Hughes,
sem lék lengi vel með Manchester.
United mætir Dínamó Búkarest og er
Smith fullur sjálfstrausts fyrir þá
rimmu. „Aðalatriðið er að vinna og
meðan okkur gengur vel skiptir annað
engu máli,“ sagði Smith.
Ungverski kringlu-kastarinn Robert
Fazekas, er sagður
hafa átt við lyfjapróf
sem hann tók í und-
ankeppninni. Mál
Fazekas, sem sigraði
í kringlukastinu á
leikunum, er í rann-
sókn en ekki er
komið á hreint
hvernig hann bar sig
að. Verði Fazekas fundinn sekur verð-
ur hann sviptur gullverðlaunum og
dæmdur í bann. Hástökkvarinn
Aleksey Lesnichyi er einnig undir
smásjánni eftir að hafa fallið á lyfja-
prófi en hann komst ekki í úrslit þrátt
fyrir að hafa innbyrt steralyfið clen-
buterol.
FRÁBÆR ÁRANGUR HJÁ ÞÓREYJU EDDU Þórey
Edda Elísdóttir stökk 4,55 metra og tryggði sér 5. sæti
í stangarstökki kvenna á Ólympíuleikunum í Aþenu í
gær. Þórey Edda var líka ánægð með árangurinn.
Fréttablaðið/Teitur
Stærsti dagur lífsins
Þórey Edda Elísdóttir náði 5. sæti í stangarstökkskeppni Ólympíuleikanna
þegar hún stökk 4,55 metra og náði fimmta besta árangri Íslendings í sögunni.