Fréttablaðið - 25.08.2004, Blaðsíða 4

4 25. ágúst 2004 MIÐVIKUDAGUR
Öldungardeildarþingmaðurinn John McCain:
Vill áframhaldandi varnarviðbúnað á Íslandi
ÞINGMANNAHEIMSÓKN Bandaríski
öldungardeildarþingmaðurinn
John McCain segir að Banda-
ríkjamenn eigi að viðhalda varn-
arviðbúnaði hér á landi, þótt
fyrir dyrum standi ein umfangs-
mesta endurskipulagning banda-
rísks herafla í Evrópu frá lokum
Kalda stríðsins.
McCain fór fyrir bandarískri
þingmannanefnd sem kom í
heimsókn til Íslands í gær.
Aðspurður um framhald varn-
arsamningsins og áframhaldandi
veru bandaríska varnarliðsins
hér á landi sagði McCain að
Bandaríkjamenn ættu Íslending-
um gjöf að gjalda vegna fram-
lags þeirra síðarnefndu á dögum
Kalda stríðsins og hann sagðist
vongóður að lausn fyndist á
varnarmálum Íslands sem báðir
aðilar gætu sætt sig við.
„Ég tel að það eigi að viðhalda
varnarviðbúnaði á Íslandi, hvort
sem hann felst í því að hér séu
staðsettar fjórar eða tvær orr-
ustuþotur, eða annars konar við-
búnaður,“ sagði McCain.
Bandaríska þingmannanefnd-
in átti fund með íslenskum ráða-
mönnum í Bláa Lóninu í hádeg-
inu í gær um umhverfsmál og
vetni sem framtíðarorkugjafa.
Meðal þingmanna var Hillary
Rodham Clinton, öldungardeild-
arþingmaður og fyrrverandi for-
setafrú Bandaríkjanna. ■
Hrifinn af landi og þjóð
Bill Clinton kynntist sögu Þingvalla og sagðist heillaður af þjóðgarðinum í heimsókn sinni hér á
landi í gær. Hann fór í göngutúr um miðborg Reykjavíkur og spjallaði við vegfarendur.
HEIMSÓKN Bill Clinton dvaldist
daglangt á Íslandi í gær og heim-
sótti Þingvelli og miðbæ Reykja-
víkur. Clinton sagðist sérstaklega
heillaður af Þingvöllum og að
hann hefði lengi langað til að
heimsækja þennan fallega, sögu-
fræga stað.
Hann gekk um þjóðgarðinn
undir leiðsögn Sigurðar Líndal,
fyrrverandi lagaprófessors, og
sagðist hafa fræðst mikið um
sögu lýðræðis, sem hann hefði
sérstakan áhuga á vegna lög-
fræðimenntunar sinnar.
„Ísland hefur alltaf verið nokk-
urs konar fyrirmynd um hið frjál-
sa land. Hugmyndin bak við
bandarísku stjórnarskrána var að
koma í veg fyrir misnotkun valds
en Alþingi Íslendinga hefur alltaf
haft það að meginmarkmiði,“
sagði Clinton.
Sigurður Líndal sagði að sam-
tal þeirra hefði verið eins og á
milli kollega.
„Ég spjallaði við hann á göng-
unni og lagði áherslu hvort tvegg-
ja á Þingvelli sem mörk hins
gamla og nýja heims og náttúruna
en aðallega var samtalið um
stjórnskipunar- og menningar-
sögu Þingvalla,“ sagði hann.
Bill Clinton spókaði sig í blíð-
viðrinu í Reykjavík í um þrjár
klukkustundir í gær og vakti
mikla athygli vegfarenda. Hann
heilsaði fjölmörgum og gaf sér
góðan tíma til að spjalla við þá
sem gáfu sig að honum.
Clinton skoðaði ljósmyndasýn-
inguna á Austurvelli og eyddi því
næst dágóðum tíma í bókabúð þar
sem hann keypti þónokkrar bæk-
ur um Ísland. Þá heimsótti hann
listasmiðjuna Kirsuberjatréð og
festi kaup á íslenskum listmun-
um. Að því loknu hélt hann í Lista-
safn Reykjavíkur þar sem hann
dvaldi í nær klukkustund en brá
sér að síðustu á Bæjarins bestu
þar sem hann gæddi sér á pylsu
að íslenskum sið.
Að sögn helsta ráðgjafa Clint-
ons var rölt hans um miðbæinn
ekki skipulagt fyrirfram og Clint-
on hefði algjörlega ráðið för.
Hann hefði mikla ánægju af því
að hitta fólk og kynnast menningu
þess lands sem hann heimsækti
hverju sinni.
sda@frettabladid.is
thkjart@frettabladid.is
MCCAIN OG HALLDÓR
John McCain öldungardeildarþingmaður og Halldór Ásgrímsson utanríkisráðherra svöruðu
spurningum blaðamanna að fundi loknum. Lýstu þeir báðir sérstakri ánægju með fundinn
í Bláa lóninu.
Var rétt að víkja Siv úr ráðherra-
stóli?
Spurning dagsins í dag:
Fylgdist þú með úrslitakeppninni í stang-
arstökki kvenna á Ólympíuleikunum?
Niðurstöður gærdagsins
á visir.is
45%
55%
Nei
Já
KJÖRKASSINN
Farðu inn á visir.is og segðu þína skoðun
visir.is
Nýtt sveitarfélag
á Austurlandi:
Kosningar
í október
SVEITARSTJÓRNARMÁL Félagsmála-
ráðuneytið hefur staðfest samein-
ingu Austur-Héraðs, Fellahrepps og
Norður-Héraðs í eitt sveitarfélag.
Nýja sveitarfélagið er annað
fjölmennasta sveitarfélag á Aust-
urlandi með tæplega 3.000 íbúa, að-
eins Fjarðabyggð er stærra.
Sveitarstjórnir sveitarfélaganna
þriggja hafa nú þegar hafið vinnu
við þau fjölmörgu verkefni sem
snúa að sameiningunni og kosið
verður til nýrrar sveitarstjórnar
16. október og samhliða sveitar-
stjórnarkosningunum verður gerð
skoðanakönnun um nafn á nýju
sveitarfélagi, ný sveitarstjórn tek-
ur síðan við völdum 1. nóvember.
Sveitarfélagið afmarkast af
Biskupshálsi í vestri, Héraðsflóa í
norðri, Austfjarðafjallgarði í austri
og Vatnajökli og Öxi í suðri. ■
Bobby Fischer:
Vísað
frá Japan
JAPAN, AP Japönsk yfirvöld hafa vís-
að Bobby Fischer, Íslandsvini og
fyrrverandi heims-
meistara í skák, úr
landi en yfirvöld í
B a n d a r í k j u n u m
hafa leitað hans um
árabil. Undir
venjulegum kring-
umstæðum væri
hann sendur beint
til síns heimalands
sem eru Bandarík-
in en ekkert var gefið upp um slíkt
af stjórnvöldum í Japan. Talið er
víst að honum verði gert að yfir-
gefa landið sem fyrst. ■
FR
ÉT
TA
B
LA
Ð
IÐ
/H
AR
I
SRI RAHMAWATI
Börn Sri eru nú í umsjá móðursystur sinnar.
Sri Rahmawati:
Söfnunin
tók kipp
SÖFNUN „Söfnunin tók góðan kipp
um helgina þegar söfnuðust 140
þúsund krónur inn á reikninginn,“
segir Jón D. Hróbjartsson pró-
fastur um söfnun til styrktar
börnum Sri Rahmawati.
Hópur fólks ásamt Jóni stend-
ur að söfnuninni til að styðja börn
Sri en þau eru í umsjá móðursyst-
ur sinnar. Þeir sem vilja létta und-
ir með fjölskyldunni er bent á
bankareikning 0139-05-64466 á
kennitölu 130147-4109 í Múlaúti-
búi Landsbankans. ■
BOBBY
FISCHER
SIGURÐUR LÍNDAL FRÆDDI CLINTON UM ÞINGVELLI
Sigurður segir Clinton hafa verið meðal bestu áheyrenda sem hann hafi nokkru sinni haft
með sér á Þingvöllum.
FORSETASLAGUR
Clinton í boxarastellingum við hlið forseta
Íslands sem virðist hafa gaman af tilburð-
um þessa 42. forseta Bandaríkjanna.
CLINTON Á BÆJARINS BESTU
Svengd sótti að Clinton og fékk hann sér eina pylsu með sinnepi. Að
sögn bílstjóra Clintons þótti honum pylsan mjög bragðgóð.
DORRIT OG HILLARY
Ræddust við í mikilli einlægni fyrir utan Bessastaði þegar Clinton-hjónin heimsóttu
íslensku forsetahjónin.
LÍTILL DRENGUR Í FANGI CLINTONS
Fólk á öllum aldri hreifst af vingjarnlegri framkomu Clintons í miðborginni í gær. Þessi ungi drengur fleygði
sér í fang fyrrverandi forsetans þegar hann heilsaði upp á hann á göngu sinni.
FR
ÉT
TA
B
LA
Ð
IÐ
/G
VA
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/G
VA
FR
ÉT
TA
B
LA
Ð
IÐ
/G
VA