Fréttablaðið - 26.08.2004, Blaðsíða 10

10 26. ágúst 2004 FIMMTUDAGUR
ALNÆMISSPÍTALI Í VÍETNAM
Forseti Víetnams færir hér alnæmissjúk-
lingi á spítala gjöf. Forsetinn hefur ásamt
öðrum frammámönnum í landinu heim-
sótt spítala fyrir alnæmissjúka í Hanoi til
marks um að stjórnvöld ætli að sporna við
sjúkdómnum.
FUGLALÍF Ljósmyndasafn allra
tegunda fugla sem sést hafa á Suð-
austurlandi verður sett upp á
netinu samhliða fuglaathugunar-
stöð sem er í undirbúningi á Höfn. Í
stöðinni eiga að fara fram talningar,
merkingar, skráningar og alhliða
rannsóknir á fuglalífi á Suðaustur-
landi í samráði við Náttúrufræði-
stofnun Íslands, segir Brynjúlfur
Brynjólfsson, forsvarsmaður Fé-
lags fuglaáhugamanna.
„Helsta hugsunin er að halda
áfram og byggja ofan á starf
Hálfdáns Björnssonar frá Kví-
skerjum í Öræfum. Hann hefur
skoðað og rannsakað fugla í um 60
ár.“
Brynjúlfur og fuglaáhugamenn á
Höfn hafa fengið sveitarfélagið
Hornafjörð, Háskólasetrið á Höfn,
Frumkvöðlasetur Austurlands, Fram-
haldskólann í Austur-Skaftafellssýslu
og Menningarmiðstöð Hornafjarðar
og ýmsa einstaklinga í lið með sér.
Albert Eymundsson, bæjarstjóri
í Hornafirði, segir áhuga Brynjúlfs
og félaga hafa smitað út frá sér. „Ég
finn aukinn áhuga á fuglalífi í
kringum mig sem er tilkominn
vegna þessara athugana.“
Brynjúlfur segir miklar vonir
bundnar við að stöðin geti hafið
starfsemi snemma á næsta ári. „Við
erum að berjast við að fá eitt stöðu-
gildi. Hversu margir starfsmenn
koma þar að er enn óákveðið enda
ekki fast í hendi.“ ■
SKÓGARÞRÖSTUR
Spörfuglar eins og skógarþrestir eru veiddir í sérstök net til merkinga. Á Höfn er hug-
myndin að setja upp fuglaathugunarstöð til markvissra rannsókna.
Ráðunautar Evrópu-
sambandsins:
Vilja aðildar-
viðræður við
Tyrkland
HOLLAND, AP Ráðunautar hollensku
ríkisstjórnarinnar, sem fer með
forsæti í Evrópusambandinu um
þessar mundir, leggur til að aðild-
arviðræður við Tyrkland verði
hafnar innan tveggja ára.
Ríkisstjórnin telur þó óráðlegt
að setja ákveðin tímamörk við
aðildarviðræður til að vekja
Tyrkjum ekki falskar vonir.
Evrópusambandið hefur lofað þær
umbætur sem átt hafa sér stað í
Tyrklandi undanfarið, en enn sé
margt ógert. Mannréttindabrot,
kúgun kvenna og tjáningarhelsi
sé enn of mikið til að Tyrkland
geti gengið í Evrópusambandið. ■
Fellubylur í Kína:
Hundruð
þúsunda flýja
heimili sín
KÍNA, AP Um 320 þúsund manns við
strendur Kína hafa þurft að yfir-
gefa heimili sín eftir að fellibylur-
inn Aere gekk yfir í gær. Bylurinn
hafði áður farið yfir Taívan og orðið
að minnsta kosti fimm að bana.
Aere fór á land í gærmorgun,
sunnan við Shanghai. Götur eru á
kafi í vatni og járnrusli sem rifnað
hefur upp. Ekki er vitað til þess að
neinn hafi slasast vegna bylsins.
Bátar hafa verið festir tryggi-
lega við hafnir sínar og vinnuvélar
og áhöld hafa verið færð í skjól.
Iðnaðarmenn eru beðnir um að
fresta öllum framkvæmdum þar til
fellibylurinn er genginn yfir. ■
FLÚIÐ UNDAN STORMINUM
Íbúar við strendur Kína flýja í öruggt skjól.
IÐNAÐUR Íslenskum iðnaði er best
borgið innan Evrópusambandsins;
að mjólkuriðnaði undanskildum,
segir Vilmundur Jósefsson, for-
maður Samtaka iðnaðarins.
„Við erum að bíða okkur til
tjóns en við gerum okkur grein
fyrir að aðild að sambandinu er
ekki á döfinni á næstunni,“ segir
Vilmundur. Hrókering Davíðs
Oddssonar og Halldórs Ásgríms-
sonar á ráðuneytum utanríkis- og
forsætisráðherra hafi engin áhrif
á þróun samskipta við sambandið:
„Það virðist ekki vera vilji hjá
meirihluta þjóðinnar að fara
þessa leið eins og er vegna sjávar-
útvegsins. Ég á ekki von á því að
nein meginbreyting verði.“
Gylfi Magnússon, deildarstjóri
viðskipta- og hagfræðideildar
Háskóla Íslands, segir aðild
breyta litlu fyrir iðnaðar- og þjón-
ustugreinar, sem hafi nú þegar
opinn aðgang að mörkuðum sam-
bandsins en miklu fyrir sjávar-
útveg og landbúnað. Ekki sé rétt
að að láta sjávarútveg ákvarða
aðild að sambandinu. Neytendur
myndu hins vegar hagnast væri
stefna sambandsins í landbún-
aðarmálum tekin upp hér á landi.
„Hlutfallslegt vægi sjávarút-
vegs hefur farið minnkandi og allt
útlit er fyrir að það haldi áfram.
Hann skapar rétt um eða undir
40% í gjaldeyristekjur og um 10%
í vinnuafli. Það verður að taka
tillit til þess að ekki er hægt að
láta ákvörðun um aðild að sam-
bandinu byggja aðeins á ákvörð-
unum um sjávarútveg. Þess utan
liggur ekki fyrir hvernig
íslenskum sjávarútvegi yrði
borgið innan sambandsins en ekki
fæst úr því skorið nema með
aðildarviðræðum,“ segir Gylfi
Magnússon.
Gylfi segir landbúnaðarstefnu
Evrópusambandins hafa verið
harðlega gagnrýnda fyrir kostnað
sem hún leggi á neytendur og
skattgreiðendur í sambandinu:
„Ef við gengjum í sambandið
yrðum við væntanlega að taka
stefnuna upp. Það verður að skoða
í ljósi þess að við erum sjálf með
stefnu sem er ef eitthvað er verri
en stefna Evrópusambandsins frá
sjónarhóli neytenda og skatt-
greiðenda.“
gag@frettabladid.is
Iðnaðurinn mun
skaðast utan ESB
Það er mat formanns Samtaka iðnaðarins. Deildarstjóri viðskipta- og hag-
fræðideildar HÍ segir ekki rétt að sjávarútvegur stöðvi viðræður.
GYLFI MAGNÚSSON
Segir ekki rétt að að láta sjávarútveg
ákvarða aðild að Evrópusambandinu.
HRÓKERINGAR HAFA ENGIN ÁHRIF
Vilmundur Jósefsson, formaður Samtaka iðnaðarins, segir að hrókeringar Halldórs
Ásgrímssonar og Davíðs Oddssonar í ríkisstjórninni hafi engin áhrif á þróun samskipta við
Evrópusambandið.
FR
ÉT
TA
B
LA
Ð
IÐ
/G
VA
ÍRAK, AP Æðsti sjíaklerkur Íraks, Ali
Husseini al Sistani, hefur snúið
aftur til landsins frá Bretlandi og
hvetur fólk til að fara til Najaf til að
binda enda á átökin sem staðið hafa
þar í um þrjár vikur.
Harðar skærur standa enn í
Najaf milli íraskra og bandarískra
hersveita annars vegar og hins
vegar skæruliða sem halda sig við
grafreit í borginni. Íraska lög-
reglan hefur lokað borgarhlutanum
þar sem átökin eru og hindra bíla í
að fara inn á svæðið. Írösk yfirvöld
segja stuðningsmenn sjíaklerksins
Muqtada al Sadr vera að þrotum
komna. Bandaríkjamenn fullyrða
að al Sadr hafi sjálfur flúið borgina
fyrir nokkrum dögum.
Al Sistani hefur verið undir
læknishöndum í Bretlandi síðan í
ágústbyrjun en snýr heim til að
stöðva frekari blóðsúthellingar í
Najaf, að sögn talsmanna hans.
Íraska lögreglan biður fólk ekki
að fara til Najaf fyrr en al Sistani
sjálfur er kominn þangað og hefur
gefið frekari fyrirskipanir, ellegar
stefni það lífi sínu í voða. ■
Æðsti klerkur Íraks:
Stillir til friðar í Najaf
AL SISTANI KEMUR TIL ÍRAKS
Bílalest sjíaklerksins kemur til Írak frá
Kúvæt. Al Sistani hefur verið staddur
erlendis frá því að átökin í Najaf hófust.
Súdanskir flóttamenn:
Óeirðir við
skrifstofur SÞ
EGYPTALAND, AP Um 40 súdanskir
mótmælendur og 60 egypskir lög-
reglumenn slösuðust í mótmælum
fyrir framan skrifstofur flótta-
mannahjálpar Sameinuðu þjóð-
anna í Kaíró í gær.
Um 500 súdanskir flóttamenn í
Kaíró mótmæltu aðgerðaleysi
Sameinuðu þjóðanna við skrif-
stofurnar og kröfðust þess að þær
sendu friðargæslulið til Darfur-
héraðs til að tryggja öryggi
borgara og afvopna arabískar
vígasveitir.
Egypska óeirðalögreglan skaut
táragasi að mannfjöldanum og
brutust út allsherjaróeirðir í kjöl-
farið. Fimmtán mótmælendur
voru handteknir. ■
ÓEIRÐIR Á GÖTUM KAÍRÓ
Egypska óeirðalögreglan skaut meðal
annars táragasi að mótmmælendum við
skrifstofur flóttamannahjálpar SÞ.
Reisa fuglaathugunarstöð á Höfn:
Rannsóknir á fuglum
verða markvissar
M
YN
D
/B
RY
N
JÚ
LF
U
R
B
RY
N
JÓ
LF
SS
O
N