Fréttablaðið - 31.08.2004, Blaðsíða 2

Vanskil lána:
Ekki minni
síðan 2000
EFNAHAGSMÁL Vanskil í íslenska
lánakerfinu voru 2,2 prósent af
heildarútlánum í lok júní í ár. Um
áramót var vanskilahlutfallið 3,1
prósent.
Fram kemur á heimasíðu Fjár-
málaeftirlitsins að vanskil í
lánakerfinu hafi ekki verið minni
síðan árið 2000.
Hjá einstaklingum minnkuðu
vanskil úr 5,5 prósentum í 4,6 pró-
sent, en vanskil fyrirtækja lækk-
uðu úr 2,5 prósentum í 1,7 prósent.
Í lok júní námu vanskil í lána-
kerfinu 25,6 milljörðum króna en
voru 29,5 milljarðar króna í árs-
lok.
Á þessu ári hafa útlán hækkað
mjög á sama tíma og vanskil hafa
minnkað - bæði hlutfallslega og í
heildina. ■
2 31. ágúst 2004 ÞRIÐJUDAGUR
Orkuveitan keypti ljósleiðara og seldi Línu.net:
Borgaði 400 milljónir á milli
VIÐSKIPTI Orkuveitan seldi sjötíu
prósenta hlut sinn í Línu.net á 280
milljónir króna til Og Vodafone. Þá
keypti hún sex prósenta hlut Og
Vodafone í ljósleiðarakerfinu á
milli sjö og átta hundruð milljónir.
Og Vodafone fékk því milli fjögur
og fimm hundruð milljónir króna
þegar gengið var frá viðskiptunum.
Guðmundur Þóroddsson, for-
stjóri Orkuveitunnar, vildi ekki
staðfesta tölur úr samningunum.
„Og Vodafone á eftir að senda til-
kynningu inn á Verðbréfaþing og
verður að fá tækifæri til þess,“
sagði hann og taldi einkennilegt ef
menn í trúnaðarstörfum væru
farnir að leka samningum fyrir-
tækja. „Lína.net er bara einn þáttur
í löngum samningi og alls ekki hægt
að stilla því þannig upp að verið sé
að borga með fyrirtækinu.“
Tap Línu.nets í fyrra nam,
samkvæmt, ársreikningi tæpum
130 milljónum króna. „Ég geri ráð
fyrir því að þeir sem legið hafa yfir
tölum fyrirtækisins hafi líka
skoðað sex mánaða uppgjörið. Þar
kemur fram að tapið er nánast
horfið og stefnir í hagnað á árinu.
Þannig að ekki er verið að selja
þess vegna,“ segir Guðmundur.
Heimildir blaðsins herma að
stjórnendur Orkuveitunnar meti
ljósleiðarakerfið á um fjóra millj-
arða króna og að tekjur fyrirtækis-
ins og aðildarfélaga af rekstri kerf-
isins hafi numið um fimm hundruð
milljónum á síðasta ári. ■
Þorskur í hrefnum
fyrir norðan
Þorskur hefur fundist í hrefnum norðan við landið. Það staðfestir með
óvíkjandi hætti að þorskur er hluti fæðu hrefna, segir hvalasérfræðing-
ur. Hve stór sé ekki vitað og skýrist við lok vísindaveiða árið 2006.
VÍSINDI Þorskur hefur fundist í
magainnihaldi hrefna norðan við
landið við vísindaveiðar Hafrann-
sóknastofnunarinnar. Þorskur
virðist því vera reglulegur hluti
af fæðu hrefnu hér við land, segir
Gísli Víkingsson hvalasérfræð-
ingur.
„Um 44 þúsund hrefnur eru við
Ísland á sumrin. Út frá því og vit-
neskju um hvað dýrin þurfa sér til
viðurværis er talið að hrefnur éti
um tvær milljónir tonna af ein-
hverri fæðu en við vitum ekki
nægilega vel hver hún er,“ segir
Gísli. Hann segir vísindaveið-
arnar eiga að svara því. Enn sé
ekki tímabært að segja til um
hversu mikið af þorski hrefnur éti
enda einungis um einum þriðja
rannsóknanna lokið.
„Fyrir fram höfðum við mjög
litla þekkingu á fæðu hrefna. Það
litla sem við vissum var byggt á samtals 60 magasýnum á 20 ára
tímabili úr strönduðum, rotnuðum
hvölum eða þeim sem höfðu
drepist í netum. Það eru ekki
góðar sýnatökur en það litla sem
þær skiluðu var þó að þorskur var
á meðal fæðutegundanna. Það er
hlutur sem gæti haft mikla efna-
hagslega þýðingu ef rétt er. En
sýnin voru svo fá að við töldum að
það gæti hafa verið tilviljun. Nú
höfum við fengið það staðfest að
þorskur virðist vera reglulegur
hluti af fæðu hrefnu hér við land,“
segir Gísli
Árni M. Mathiesen sjávarút-
vegsráðherra segir ekki tímabært
að draga ályktanir af niðurstöðu
hvalrannsóknanna. „Engar álykt-
anir verða dregnar eða ákvarð-
anir teknar nema að rannsókninni
lokinni,“ segir Árni. Hann segir
rannsóknirnar gerðar þar sem
rökstuddar grunsemdir hafi verið
um að hrefnan neytti það mikils
fiskjar að það gæti haft áhrif á
efnahag landsins. Til hvaða að-
gerða grípa eigi reynist grun-
semdirnar réttar liggi ekki fyrir.
Gísli segir að vetrartíminn
verði nýttur til að vinna úr sýn-
unum sem safnað hafi verið.
Næsta vor verði fyrstu niðurstöður
rannsóknanna kynntar. Þó með
þeim fyrirvara að rannsóknunum
sé ekki lokið og frekari veiðar geti
styrkt eða hrakið niðurstöðurnar.
gag@frettabladid.is
Veðurstofa Íslands:
Vætusamt
næstu daga
VEÐUR „Það er ennþá svo hlýtt að
það er nær lagi að tala um síðsum-
arlægðir yfir landinu,“ segir
Björn Sævar Einarsson, veður-
fræðingur á Veðurstofu Íslands
og telur fullsnemmt að tala um
haustveður vegna þess að hitastig
sé enn tiltölulega hátt.
Dumbungur var yfir landinu í
gær og von á svipuðu veðri í dag
og jafnvel lengur. „Það lítur út fyr-
ir vætu og rigningu næstu daga
enda hafa margir orðið til þess að
óska eftir slíku fyrir gróður og
vatnsból. Þeim verður að ósk sinni
enda verður að líkindum vætu-
samt um allt land út vikuna. ■
Andlát:
Gunnar G.
Schram látinn
ANDLÁT Gunnar G. Schram laga-
prófessor er látinn. Hann var 73 ára
að aldri. Gunnar kvæntist Elísu
Steinunni Jónsdóttur árið 1957 og
eignuðust þau fjögur börn en fyrir
átti hann dóttur.
Gunnar lauk lögfræðiprófi frá
Háskóla Íslands árið 1956 og dokt-
orsprófi í þjóðarétti frá háskólanum
í Cambridge 1961. Eftir doktorspróf
var hann ráðinn ritstjóri Vísis þar
sem hann var til ársins 1966 þegar
hann réðist til starfa í utanríkis-
ráðuneytinu. Hann varð lektor við
lagadeild Háskóla Íslands 1970 og
prófessor fjórum árum síðar.
Árið 1987 var Gunnar kosinn á
þing fyrir Sjálfstæðisflokkinn í
Reykjaneskjördæmi og gegndi því
starfi til 1991. ■
■ VIÐSKIPTI
Jú, hún var eiginlega alveg ótrúlega
skrýtin. Þægilegt að hún skildi koma.
Elmar Dan Sigþórsson batt enda á mikla marka-
þurrð KA manna þegar hann skoraði fyrsta mark
þeirra í rúmlega sjö leikjum. Ekkert annað lið í
sögu efstu deildar karla hefur þurft að bíða jafn
lengi eftir marki.
SPURNING DAGSINS
Elmar, var þetta ekkert skrýtin
tilfinning
UPP ÚR KAFI
Komið hefur upp úr kafinu að hrefna éti þorsk norðan við landið.
GÍSLI VÍKINGSSON
Segir enn ekki ljóst hversu mikið hrefnur
éti af þorski. Fjöldi veiddra dýra sé ekki
nægilegur til að fá marktæka niðurstöðu.
Hún fáist við lok veiða á 200 dýrum árið
2006.
VÍSINDI Rannsókum á hrefnum verð-
ur haldið áfram í haust. Sextán 200
þúsund króna merki verða fest á
bak hrefna. Annars vegar tíu merki
sem sýna staðsetningu þeirra. Hins
vegar sex merki sem safna upplýs-
ingum um köfunarhegðun dýranna.
Gísli Víkingsson, hvalasérfræð-
ingur hjá Hafrannsóknastofnun-
inni, segir rannsóknina hluta af
hrefnurannsóknum síðustu tveggja
sumra og eigi að svara viðverutíma
hvalanna hér við land. Einnig sé
verið að glíma við eina veigameiri
spuningu hvalvísinda um allan
heim: Hvar skíðishvalir haldi sig á
veturna. Þegar hafi tveimur
merkjum verið komið fyrir á baki
hrefna úr minnsta hrefnuveiði-
bátnum, Nirði.
„Við erum í samstarfi við
danska vísindamenn sem hanna
merkin. Þeim er skotið með loft-
byssu í bakið á dýrunum. Merkin
eru með krókum sem festast í spik-
inu á þeim og síðan ná þau, ef vel
gengur, sambandi við gervihnetti,“
segir Gísli.
Gísli segir merkin enn á þróun-
arstigi: „Menn hafa í áratugi reynt
að finna hinu réttu lausn fyrir hval-
ina. Bæði þola merkin illa hnjask
og því erfitt að skjóta þeim svona.
Þetta er mun erfiðara en með dýr
eins og ísbirni sem hægt er að
svæfa og koma merkinu haganlega
fyrir. Hvalina getum við ekki
fangað og haldið. Þeir eru auk þess
í kafi yfir 95 prósent tímans.“ ■
Sextán sendum komið á bak skíðishvala:
Vísindarannsóknum haldið áfram
HVALARANNSÓKNIR
Gísli Víkingsson er hér með starfsfélögum sínum frá Náttúrufræðistofnun Grænlands:
Mikkel Villum Jensen, iðnhönnuði merkjanna, og Arne Geisler.
FR
ÉT
TA
B
LA
Ð
IÐ
/E
. Ó
L
GUNNAR G. SCHRAM
ALLTAF Í SKOÐUN Fjármálaeftir-
litið lætur ekki uppi hvort bol-
magn íslenskra banka til að bjóða
langtímalán á 4,4 prósent vöxtum
sé sérstaklega til athugunar. Fjár-
málaeftirlitinu er skylt að fylgjast
með hvort fjármálastofnanir séu
líklegar til að standast skuldbind-
ingar sínar.
Ragnars Hafliðason, aðstoðarfor-
stjóra Fjármálaeftirlitsins, segir
skuldbindingar fjármálastofnana
í sífelldri skoðun.
OG VODAFONE
Heimildir Fréttablaðsins herma að Og
Vodafone hafi fengið á milli fjögur og
fimm hundruð milljónir króna í milligjöf
vegna kaupanna á Línu.net.
Morðin í Silkeborg:
Sendur í
geðrannsókn
DANMÖRK Líklegt er talið að
Danny Jensen, maðurinn sem
skaut tvo menn til bana á
skemmtistað í Silkeborg í Dan-
mörku aðfaranótt sunnudags,
hafi skotið þá í afbrýði-
semiskasti, að sögn dönsku lög-
reglunnar.
Mennirnir tveir sem voru skotnir
voru 33 og 35 ára. Þeir höfðu
gefið sig á tal við sautján ára
gamla unnustu árásarmannsins,
en hann er sjálfur 22 ára gamall.
Jensen var handtekinn
skömmu eftir skotárásina og var
hann yfirheyrður í gær.
Þá hefur jafnframt verið
ákveðið að Danny Jensen sæti
geðrannsókn.
Tugir vitna voru að árásinni og
yfirheyrði lögreglan fjölda
þeirra gær. ■