Fréttablaðið - 31.08.2004, Blaðsíða 26

10 31. ágúst 2004 ÞRIÐJUDAGUR
„Ég hef verið að myndast við þetta
í ár en byrjaði fyrst að hlaupa
reglulega í sumar. Það er eiginlega
ekki fyrr en núna að þetta er orð-
inn lífsstíll,“ segir Sigrún Ander-
sen, framkvæmdastjóri Arcadia á
Íslandi, sem hleypur að minnsta
kosti þrisvar í viku til að halda sér
í formi. „Ég byrjaði hægt og rólega
og gerði þetta mest upp á eigin
spýtur, hljóp reyndar með vinkonu
minni til að byrja með og fékk leið-
beiningar frá hlaupara í fjölskyld-
unni.“
Sigrún rifjar upp hvernig hún
byrjaði skokkið fyrir alvöru, það
gerðist þegar hún var á ferðalagi á
Spáni. „Ég var þar með systur
minni og mági og til þeirra komu
hlauparar í heimsókn. Það sem átti
að vera eins konar lúxus- og
nautnaferð snerist upp í allsherjar
heilsuferð. Ég hef aldrei drukkið
jafn lítið á ferðalagi og var alltaf
komin í rúmið klukkan ellefu til að
vera fersk í hlaupið á morgnana,“
segir Sigrún og skellihlær.
Hún segir ótrúlega auðvelt að
verða háður hlaupunum en hún
hefur stundað ýmiskonar heilsu-
rækt eins og eróbikk og spinning.
„Það var ekki fyrr en ég byrjaði að
hlaupa sem ég húkkaðist alveg.“
Sigrún mælir með því að fólk
fari í hlaupahóp, því þannig náist
bæði aginn sem sé nauðsynlegur og
svo sé það miklu skemmtilegra.
„Mér fannst koma alveg ný
vídd í þetta þegar ég fór að hlaupa
með hópi inni í Laugum, og það
hjálpar mér persónulega þegar
kemur að aganum. Já, hlauparar
eru óstjórnlega skemmtilegir
karakterar,“ segir Sigrún að-
spurð. „Það raðast í þetta sport
skondið og skemmtilegt fólk og ég
nýt þessa félagsskapar í botn.“
Sigrún segist hafa grennst frá
því að hún hóf hlaupin og getur
borðað hvað sem hún vill án þess
að fitna. „Það er ný og skemmtileg
lífsreynsla,“ segir hún hlæjandi.
„En það eru fleiri kostir. Ég vinn
álagsvinnu og þetta er mitt jóga,
náttúran og hreina loftið er bónus
og ég fæ ómælda orku og gleði út
úr þessu.
Sigrún ráðleggur fólki sem vill
byrja að skokka að fara sér rólega í
byrjun, hlaupa og ganga í bland og
ætla sér ekki of mikið. „Og endilega
að fá einhvern með sér, það gerir
þetta svo miklu skemmtilegra.“ ■

Ert þú að fullnægja þinni daglegu próteinþörf ??

Fáðu persónlega Próteingreiningu og prógram
sérsniðið að þínum þörfum hjá okkar
lífsstílsleiðbeinendum.

www.heilsufrettir.is/augljos

Bylting í þyngdarstjórnun -
Próteinmæling !!

Díana 18 kg Halldóra 20 kg Rósalind 16 kg
Nýjar rannsóknir frá Banda-
ríkjunum sýna að æfingar gerð-
ar í 10 mínútur þrisvar á dag
geta gert meira til að draga úr
hjartasjúkdómum en 30 mínút-
ur samfellt af sömu æfingun-
um.
Rannsóknirnar sýndu að æf-
ingar gerðar með vissu millibili
lækkuðu magn af vissri hlut-
lausri fitu í blóðinu sem er
slæm fyrir hjartað og gerðu það
mun meira en samfelldar æf-
ingar. Hins vegar segja þeir
sem að rannsókninni stóðu að
ekki megi lesa of mikið í þetta
og halda að samfelldar æfingar
geri ekkert gagn. Sú niðurstaða
sem er merkilegust er að stutt-
ar æfingar með vissu millibili
eru líka góðar og skipti mestu
máli að finna tíma sem manni
best hentar til að stunda líkams-
rækt. ■
Við erum öll því marki brennd að
vera óánægð með líkama okkar.
En ekki eru allir eins og allir geta
verið fallegir á sinn hátt. Hér á
eftir fylgja nokkrar aðferðir til að
bæta líkamsímyndina og líða bet-
ur í sjálfum sér.
-Settu þér raunhæf markmið
Það er ekki raunhæft að vilja líta út
eins og renglulegur unglingur þeg-
ar þú ert foreldri á fimmtugsaldri.
Raunhæft markmið er að líta vel út
og líða vel eftir aldri og líkams-
gerð. Það þýðir að við eigum að
stefna að því að hafa frelsi til að
gera það sem við viljum (geta
hreyft okkur eðlilega, komist upp
stigana og jafnvel á fjöll ef vill) og
líða vel í líkamanum og okkur sjálf-
um frekar en að ná einhverjum
ákveðnum tölum á vigtina. Rann-
sóknir hafa
sýnt fram á að
fólk sem er
feitlagið og í
formi lifir
lengur og bet-
ur en þeir sem
eru grann-
vaxnir og stun-
da enga lík-
amsrækt.
-Taktu sjálfa/-n þig í sátt
Fyrsta skrefið til að bæta líkams-
ímynd okkar er að skoða líkama
okkar eins og hann er og án þess að
gagnrýna og dæma. Líkaminn okk-
ar hefur jú fylgt okkur þetta lengi
og öll merki á honum segja sögu
okkar. Kannski berum við ör eftir
áverka eða merki þess að við höf-
um einhvern tíma gengið með
barn. Allt er þetta hluti af því hver
við erum, því sem lífið hefur kennt
okkur og þeirri reynslu sem við
búum yfir. Og því ber að fagna.
-Breyttu því sem þú getur breytt
Sama hvað þú reynir þá breytir þú
ekki hæð þinni eða líkamsgerð. En
þú getur þjálfað og styrkt vöð-
vana, rétt úr bakinu og gert
teygjuæfingar svo þú verðir liðu-
gri og sjálfsöruggari. Þú getur
líka breytt líkamshlutföllunum
með því til dæmis að styrkja axl-
irnar sem mótvægi við breiðar
mjaðmir.
-Sættu þig við það sem þú færð
ekki breytt
Þú þarft að semja frið við þá lík-
amshluta sem valda þér mestu
hugarangri. Vandamálið er ekki
endilega fólgið í þessum líkams-
hlutum heldur í þeirri staðreynd
að þeir ræna þig sjálfstrausti og
sálarró. Hér er góð aðferð til að
ná sáttum við þá hluta okkar sjál-
fra sem okkur finnast hvað ófríð-
astir: Slakaðu á, lokaðu augunum
og sjáðu fyrir þér líkamshlutann
sem fer í taugarnar á þér, risa-
stóran svo hann fyllir út í sjón-
deildarhringinn. Minnkaðu hann
þangað til hann er orðinn pínu-
pínulítill og hverfur loksins. Kall-
aðu svo strax fram góða endur-
minningu sem lætur þér líða vel.
Brostu breitt og opnaðu augun.
Endurtaktu þessa æfingu reglu-
lega.
-Fagnaðu þeim lík-
amshlutum sem
þú ert óánægð/-
ur með
Stattu fyrir fram-
an spegilinn og
beindu athyglinni
að þeim líkams-
hluta sem þú ert óánægð/-ur með.
Þrýstu honum fram og dillaðu hon-
um. Settu uppáhaldstónlistina þína
á og dansaðu til heiðurs stóru
bumbunni þinni, litlu brjóstunum,
ljótu hnjánum
eða hverju því
öðru sem þér
kann að þykja
ljótt við þig.
Sjáðu hvað lík-
ami þinn er
fallegur og
mikið krafta-
verk og fáðu
bæði þig og al-
heiminn til að
elska þig eins
og þú ert.
-Búðu til þín eigin viðmið
Búðu til myndasafn af fólki sem lít-
ur út eins og þú í staðinn fyrir að
horfa á myndir af ómögulega fal-
legu fólki allan daginn. Mundu líka
að myndunum af fallega fólkinu er
yfirleitt breytt í tölvunni svo ekki
einu sinni Kate Moss lítur út eins
og Kate Moss í alvörunni. Þú getur
slegið orðin „stórt nef“, „flatur
rass“ eða „blómlegur kroppur“ inn
á leitarvélar á ýmsum tungumálum
og þar eru myndir af fólki sem er
alveg eins og þú og stundum finnur
þú meira að segja síður sem fjalla
um hvað líkamshlutinn sem þú þol-
ir ekki er stórkostlegur. Með þessu
getur þú búið til þinn eigin heim
þar sem þú ert eðlileg/-ur og mátt
alveg vera eins og þú ert. Horfðu á
myndir af venjulegu fólki í bland
við „fallega fólkið“ og sjáðu hvað
allir geta verið fallegir og þú líka.
-Réttu svo úr þér, brostu og elsk-
aðu sjálfa/-n þig og viti menn: líf-
ið verður auðveldara og skemmti-
legra. ■
Hjartað:
Margt smátt gerir eitt stórt
Gott er að gera æfingar við hvaða
tækifæri sem gefst.
Sigrún er húkkuð á skokkinu:
Lúxus- og nautnaferð
snerist upp í heilsuferð
Sigrún Andersen nýtur hverrar stundar í hlaupahópnum, sem hún segir sérlega skemmti-
legan félagsskap, og svo getur hún borðað það sem henni sýnist án þess að þyngjast.
Stjarnan Venus: Allir
geta verið stjörnur.
Venus frá Willendorf er
lofgjörð til frjósemi
kvenna.
Fegurðin í speglinum
Venus eftir Reubens
skoðar sig í speglinum.
- mest lesna blað landsins
Á MIÐVIKUDÖGUM

Sparnaður, hlutabréf, lífeyrir ofl.

Auglýsingasíminn er 550 5000

auglysingar@frettabladid.is
SMÁAUGLÝSINGAR ALLA DAGA

Smáauglýsingasíminn er 550 5000

auglysingar@frettabladid.is
- mest lesna blað landsins