Fréttablaðið - 31.08.2004, Blaðsíða 12

12 31. ágúst 2004 ÞRIÐJUDAGUR
ÁNÆGÐIR INNFLYTJENDUR
Skip með 160 innflytjendum kom til
hafnar í eyjunni Lampedusa nálægt Sikiley
í gær. Innflytjandi frá Pakistan virðist vera
mjög sáttur við að vera kominn á leiðar-
enda.
Patreksfjörður:
Eldur kviknaði í bílskúr
LÖGREGLA Eldur kviknaði í bíl-
skúr við Strandgötu á Patreks-
firði á sunnudagskvöld. Húsráð-
endur urðu eldsins varir, en bíl-
skúrinn og íbúðarhúsið sem
stendur aðeins um metra frá
skúrnum, eru úr timbri. Talið er
að eldurinn hafi kviknað vegna
þess að börn hafi verið að fikta
með eldspýtur.
Að sögn lögreglunnar á Pat-
reksfirði gekk slökkvistarf
mjög vel, en aðeins liðu um tutt-
ugu mínútur frá því að tilkynnt
var um eldinn þar til að slökkvi-
starfi var lokið.
Eigandi bílskúrsins hljóp
strax til og lokaði bílskúrnum til
að hindra súrefnisflæði að eld-
inum. Skúrinn var svo ekki opn-
aður fyrr en slökkviliðið kom á
staðinn örfáum mínútum síðar.
Viðbrögð eiganda skúrsins voru
hárrétt, að sögn lögreglu og auð-
velduðu slökkvistarfið til muna.
Eldurinn náði ekki að íbúðar-
húsinu, en mikið tjón varð á bíl-
skúrnum við brunann, bæði
sökum elds, sóts og reyks. ■
Frambjóðandi Moskvu
kosinn með yfirburðum
Alu Alkhanov var kjörinn forseti Tsjetsjeníu með yfirgnæfandi meirihluta atkvæða samkvæmt
opinberum tölum. Aðrir frambjóðendur og mannréttindasamtök kvarta undan því að víðtækt
kosningasvindl hafi verið í gangi sem tryggði Alkhanov forsetaembættið.
GROSNÍ, AP Rússneskum stjórn-
völdum varð að ósk sinni þegar
Alu Alkhanov var lýstur sigur-
vegari tsjetsjensku forsetakosn-
inganna með nær 74 prósent
greiddra atkvæða. Þessi helsti
yfirmaður lögreglunnar í
Tsjetsjeníu naut stuðnings
stjórnvalda í Moskvu og hafa
stjórnarandstæðingar kvartað
undan víðfeðmu kosninga-
svindli.
Alkhanov tekur því við for-
setaembættinu sem Akhmad
Kadírov gegndi þegar hann var
ráðinn af dögum í maí. Kadírov
varð sá fjórði af síðustu fimm
forsetum landsins til að verða
ráðinn af dögum meðan hann
gegndi embætti. Embættið
hlýtur því að teljast eitthvað það
hættulegasta sem völ er á.
Rússar vonast til þess að
Alkhanov takist að draga mátt-
inn úr aðskilnaðarsinnum sem
hafa háð vopnaða uppreisn gegn
Rússum meira og minna síðasta
áratuginn. Viðhorf almennings
til hans er þó öllu blendnara.
Sumir vonast til að honum takist
að koma á friði, aðrir telja hann
aðeins lepp Moskvustjórnar.
Það er ekki nýtt að alvarlegar
athugasemdir séu gerðar við
kosningar í Tsjetsjeníu. Kosn-
ingunum þegar Akhmad
Kadírov var kjörinn forseti í
fyrra var lýst sem farsa sem
ætti lítið skylt við lýðræðislegar
kosningar. Kjörstjórn segir að
um 80 prósent
atkvæðabærra
manna hafi
greitt atkvæði í
kosningunum á
s u n n u d a g .
Aðrir hafa bent
á að lítið hafi
verið um að
vera á sumum kjörstöðum.
Kvartað hefur verið undan því
að þrýst hafi verið á kjósendur
að kjósa Alkhanov á sumum
kjörstöðum og að miklum fjölda
tilbúinna atkvæðaseðla með
nafni Alkhanov hafi verið
smyglað í kjörkassana.
Að einu leyti líktust kosning-
arnar mjög
r ú s s n e s k u m
k o s n i n g u m
síðustu ára.
Alkhanov var
sífellt í sjón-
varpsfréttum
meðan á kosn-
i n g a b a r á t t -
unni stóð en þar var varla eða
ekki minnst á mótframbjóðend-
ur hans. Vladimír Pútín Rúss-
landsforseti hefur notið
svipaðrar meðferðar heima við. ■
Útboð Ríkiskaupa:
Frestað í
þrígang
VIÐSKIPTI Ríkiskaup hafa auglýst
opnun tilboða 14. september
vegna kaupa á eldsneyti og olíum
fyrir skip og flugvélar ríkisins, en
því hefur verið frestað þrisvar.
Ástæða frestsins er innan Ríkis-
kaupa sögð stafa af sumarfríum
starfsmanna.
Þar vilja menn ekki kannast
við að lög um að hæfi bjóðanda
hafi áhrif á útboðið. Samkeppnis-
stofnun opinberar í október niður-
stöður sínar um meint ólögmætt
samráð olíufélaganna Esso, Olís
og Skeljungs. Talið er víst að öll
félögin sendi inn tilboð.■
Snæfellsnes:
Barnabílstóll
og belti
björguðu
LÖGREGLA Móðir og ungur sonur
hennar slösuðust lítillega þegar
bíll þeirra valt skammt frá Dals-
mynni á sunnanverðu Snæfells-
nesi. Óhappið átti sér stað um
klukkan sjö á sunnudagskvöld.
Móðirin missti stjórn á
bílnum og í kjölfarið fór hann
tvær til þrjár veltur í vegkant-
inum. Bíllinn staðnæmdist svo
að lokum um tvo metra fyrir
utan veginn.
Mikil mildi þykir að
mæðginin slösuðust ekki alvar-
lega, en samkvæmt upplýsingum
frá lögreglunni í Stykkishólmi
björguðu bílbelti og barnabílstóll
því að ekki fór verr.
Mæðginin voru flutt til að-
hlynningar á Sjúkrahúsið í
Stykkishólmi, en drengurinn
fékk vægt höfuðhögg við velt-
una. Bíllinn er talinn gjörónýtur
og var fluttur af vettvangi með
kranabíl. ■
UPPLÝSINGAR OG SKRÁNING Í SÍMA 544 4500 OG Á NTV.IS
Hlíðasmára 9 - Kópavogi
TÖK NÁMSKEIÐ
TÖK tölvunám er 90 stunda tölvunám hjá NTV sem
bæði er ætlað fyrir byrjendur og þá sem eitthvað
kunna. Námið og kennslugögnin miða að því að
gera nemendum kleift að taka þau 7 próf sem þarf til
að fá TÖK skírteini.
Námsgreinar:
Upplýsingatækni - Windows - Word - Excel
Access - PowerPoint - Póstur - Internetið
TÖK er skammstöfun á al-
þjóðlegu prófskírteini sem
vottar tölvukunnáttu þína og
vottar að þú sért tölvulæs.
Það þýðir að þú kunnir að
nýta þér flesta möguleika
tölvunnar og þeirra forrita sem
hvað mest eru notuð við
vinnu og daglegt líf.
TÖK-skírteini er mikill styrkur
á vinnumarkaðinum jafnt hér-
lendis sem erlendis.
Morgunnámskeið:
Byrjar 6. sept. og lýkur 8. okt.
Kennt á mán., mið. og fös.
frákl. 8:30-12:30
Kvöldnámskeið:
Byrjar 6. sept. og lýkur 9. okt.
Kennt á mán. og mið.
frá kl. 18 til 22 og lau. kl. 13-17.
ELDUR Í BÍLSKÚR
Slökkvistarf gekk vel á Patreksfirði og var
lokið um tuttugu mínútum eftir að tilkynnt
var um eldinn. F
RÉ
TT
AB
LA
Ð
IÐ
/T
ÍÐ
IS
VEL Á VERÐI Gríðarlegur viðbúnaður var meðan á kosningunum stóð vegna ótta við
árásir aðskilnaðarsinna. Einn lést þegar sprengja sem hann bar sprakk.
VANDI TSJETSJENÍU
• Nær þrír af hverjum fjórum landsmönnum
eru atvinnulausir.
• Rafmagn og símaþjónusta þekkjast varla.
• Tugir þúsunda hafa flúið land.
• Hundruð hafa horfið, bæði af völdum
• Rússa og uppreisnarmanna.
NÝI FORSETINN „Mikilvægasta
verkefnið er að koma á röð og
reglu, feta brautina til friðar,“ sagði
hinn 47 ára Alu Alkhanov eftir að
hann var kjörinn forseti Tsjetsjeníu.
Alkhanov fékkst við löggæslu
framan af starfsævi sinni og varð
innanríkisráðherra í fyrra. Ólíkt fyrri
forsetum Tsjetsjeníu hefur hann
aldrei tilheyrt þeim sem vilja sjálf-
stæði frá Rússlandi. Eftir að fyrri
innrás Rússa í Tsjetsjeníu lauk flutti
hann til Rússlands og sneri ekki
aftur fyrr en Pútín sendi herinn
þangað aftur árið 1999.