Fréttablaðið - 31.08.2004, Blaðsíða 20

31. ágúst 2004 ÞRIÐJUDAGUR
www.worldclass.is
8vikna námskeiðhefjast 1. september
Skráning er hafin á eftirtalin námskeið:
• Lokaðir aðhaldshópar
3x í viku; morgun-, dag- og
kvöldtímar
Innifalið:
Þrír lokaðir hóptímar, frjáls aðgangur í alla
opna tíma á stundaskrá og æfingaáætlun í
tækjasal hjá þjálfurum World Class í Laugum
og Spönginni. Aðgangur að Laugardals-
lauginni.
Kennarar:
Ellen Elsa Sigurðardóttir, Guðrún Tómasdóttir
og Rósa Guðmundsdóttir.
Sjá úrval opinna tíma á www.worldclass.is
www.worldclass.is
Laugar s. 553 0000
A
P
a
lm
an
na
te
ng
sl
Á hverju hausti þegar dagskrá líkamsræktarstöðv-
anna verður ljós kemur fram hvað það er sem við-
skiptavinirnir sækjast helst eftir. Sólrún Birgisdóttir
hjá Iceland spa & fitness segir að mýkri línur virðast
vera að koma í tímana þar sem æfingarnar séu að
mýkjast og má sjá mikla aukningu í jóga og
Bodybalance sem samanstendur af jóga, Pilates og
Tai chi. „Mér finnst eins og fólk vilji fara að fá aðeins
mýkri leikfimi og er hugræn leikfimi eftirsótt. Auk
þess er dansinn að koma sterkur inn og danstímarnir
orðnir fjölsóttir,“ segir Sólrún.
„Það má greina pínulítið afturhvarf til níunda ára-
tugarins þegar Jane Fonda-leikfimin var vinsælust,“
segir Sólrún og í ár bjóða þau upp á tíma sem heitir
Dirty Dancing og eru með æfingar og tónlist í anda
þess tíma sem sú bíómynd var vinsæl. Iceland spa &
fitness reynir að koma til móts við alla viðskiptavini
sína og hefur námskeið sem heitir Í form eftir 50
sprottið úr því. „Við fundum fyrir því að eldri kon-
urnar fundu sig ekki alveg í stelpunámskeiðunum
hjá okkur og þær vilja jafnvel aðrar áherslur en þær
yngri. Við bjóðum því þessa tíma og hafa þeir farið
vel í þennan aldurshóp og þær gjörsamlega finna
sig,“ segir Sólrún. ■
Sólrún Birgisdóttir segir fólk sækjast orðið meira í hugræna
leikfimi.
Hugræn leikfimi eftirsótt:
Mýkri línur í tísku
FR
ÉT
TA
B
LA
Ð
IÐ
/V
AL
LI
Harpa Guðmundsdóttir lærði Alexandertækni í
London og hefur kennt Íslendingum þessa tækni um
nokkurra ára bil.
„Alexandertækni er líkamsbeitingartækni sem
leikari að nafni Alexander fann upp í lok 19. aldar.
Hann var mikill Shakespeare-leikari en missti rödd-
ina og gekk á milli lækna sem gátu ekkert gert fyrir
hann. Hann fór að skoða líkamsbeitinguna sína þeg-
ar hann fór með texta og tók þá eftir því að hann
reigði höfuðið aftur og niður í búkinn og lokaði þar
með flæðinu í hálsinum. Hann fór að skoða þetta
bæði hjá sér og öðrum og tók eftir hvað líkamsstað-
an skipti miklu máli hjá leikurum og listamönnum.
Svo tók hann eftir því að þessi ranga líkamsbeiting
olli spennu í líkamanum og að óþarfa spenna var sér-
staklega áberandi hjá fólki sem vann störf sem
höfðu endurtekningu í för með sér. Þessi óþarfa
spenna sem við köllum fram ómeðvitað og með end-
urtekningu veldur oft meiðslum og allskyns meinum
eins og bakverkjum, hálsverkjum, höfuðverkjum og
öðrum óþægindum. Alexander bjó til kerfi af æfing-
um og hugtökum sem hann notaði með góðum ár-
angri til að hjálpa fólki að kljást við þessi vandamál
sín og sem við notum enn í dag.“ En hvernig kennir
Harpa fólki að losa um þessa spennu? „Ég tek fólk í
einkatíma og við skoðum hvernig viðkomandi hreyf-
ir sig. Í tímanum lærir nemandinn að hreyfa sig upp
á nýtt og fær meðvitund í líkamann um hvað er rétt
og betra að gera. Tilgangurinn er að uppræta vitlaus
hreyfingamynstur og kenna fólki að beita sér þannig
að það fari sem best með líkamann og nýti orku sína
til fullnustu. Þessi ómeðvitaða spenna sem við burð-
umst öll með er gífurlega orkueyðandi. Fólki líður
líka oft betur andlega eftir að læra að beita sér rétt.
Við fæðumst með rétta líkamsbyggingu en svo lær-
um við og tileinkum okkur ýmsa ósiði. Það er yndis-
legt að sjá börnin því þau eru með svo fallega lík-
amsbeitingu og svo mikil synd þegar maður sér þau
læra ýmsa ósiði af umhverfinu og foreldrum sínum.“
En hvað tekur það langan tíma að tileinka sér þessa
tækni? „Við erum að tala um að hnekkja gömlum
ósiðum og þetta er vinna og val og fer eftir því hvað
fólk er opið og tilbúið til að breyta. Þannig að það er
ekki hægt að segja til um hvað þetta tekur langan
tíma. Að ástunda Alexandertækni er lífsstíll og for-
vörn.“ Harpa kennir Alexandertækni í Heilsuhvoli
sem er í Borgartúni 33.
brynhildurb@frettabladid.is
Harpa Guðmundsdóttir kennir Alexandertækni:
Bæði lífsstíll og forvörn
Harpa Guðmundsdóttir kennir Alexandertækni í einkatímum. Tilgangurinn er að uppræta vitlaus hreyfingamynstur og kenna fólki
að beita sér þannig að það fari sem best með líkamann og nýti orku sína til fullnustu.
FR
ÉT
TA
B
LA
Ð
IÐ
/K
AR
L