Fréttablaðið - 31.08.2004, Qupperneq 46

„Jónas er einstakur maður og á
það svo sannarlega skilið að um
hann sé skrifað,“ segir rithöfund-
urinn Gylfi Gröndal en hann er
nú að leggja lokahönd á bók um
píanóleikarann Jónas Ingimund-
arson. „Jónas hefur margoft
komið fram í fjölmiðlum en þar
hefur hann fyrst og fremst rætt
um tónlistina. Þetta er því í
fyrsta sinn sem hann segir al-
menningi frá ævi sinni, lífs-
baráttu og æskuminningum.“
Þótt bókin sé fyrst og fremst
ævisaga þá segir Gylfi hana jafn-
framt fjalla um sögu tónlistar.
„Jónas hefur komið fram við ótal
mörg tækifæri, er mikill
húmoristi og hefur frá ákaflega
mörgu skemmtilegu að segja.
Auk píanóleiksins hefur hann
starfað sem kórstjórnandi og
hann stýrði meðal annars Fóst-
bræðrum um tíma. Það er Jónasi
að þakka að fyrsta tónlistarhúsið
reis á Íslandi en Salurinn, sem
var byggður í heimabæ hans
Kópavogi, er eina húsnæðið á
Íslandi sem er hannað eingöngu
með tónlistarflutning í huga.“
Gylfi segist því ekki eingöngu
vera að skrifa bók um listamann
heldur einnig ákaflega mikinn
hugsjóna- og framkvæmdamann.
„Jónas hefur unnið ötullega að
útbreiðslu tónlistar og stóð til
dæmis fyrir herferð meðal skóla-
barna sem hann nefndi Tónlist
fyrir alla. Hann nálgast tónlistina
á skemmtilegan hátt og varð
snemma frægur fyrir þann hæfi-
leika að geta lýst tónlist með
orðum. Að undanförnu hefur
Jónas haldið vinsæl endurmennt-
unarnámskeið á vegum Háskólans
þar sem hann situr við flygilinn
sinn, útskýrir tónlist og spilar um
leið tóndæmi fyrir áhorfendur.
Þannig fær hann fólk til að
skilja tónlist og hlusta á hana
öðruvísi en það hefur gert áður.“
Það var að frumkvæði Gylfa
Gröndal sem ákveðið var að rita
ævisöguna. „Jónas varð mjög
undrandi þegar ég hringdi í hann
því það hafði aldrei hvarflað að
honum að skrifuð yrði um hann
bók. Hann var ekkert ýkja hrif-
inn af hugmyndinni í fyrstu en
lét svo til leiðast.“ Ef allt gengur
upp á lokasprettinum ætti ævi-
saga Jónasar, sem ber vinnu-
titilinn Á vængjum söngsins, að
koma út hjá JPV útgáfu fyrir
jólin. ■
■ VEISTU SVARIÐ?
Svör við spurningum á bls. 6
1
3
2
Vanderlei Lima
Í Háskólanum á Akureyri
í Sigerfjord í Lofoten í Noregi.
Þrjár íslenskar myndir verða
sýndar á stærstu stuttmyndahátíð
heims sem haldin er í Los Angeles
í september. Bjargvætturinn eftir
Erlu Skúladóttur hefur þegar feng-
ið inngöngu ásamt Peningum eftir
Sævar Sigurðsson. Bragi Thor
Hinriksson kom stuttmynd sinni,
Síðustu kynslóðinni, inn í dag-
skrána á dögunum og hyggst
sækja hátíðina með aðalleikaran-
um Hafsteini Gunnari Hafsteins-
syni. Rúmlega 200 stuttmyndir eru
teknar til sýninga og segir Bragi
það mikinn heiður að koma Síðustu
kynslóðinni í hóp bestu stuttmynda
heims. Myndin hefur áður unnið til
verðlauna á New York Short Film
Festival í mars fyrir bestu kvik-
myndatökuna en Bragi annaðist
hana sjálfur auk þess að skrifa
handrit, leikstýra og framleiða.
Síðasta kynslóðin var einnig sýnd á
Edduhátíðinni í fyrra og enn er
svars að vænta frá fleiri hátíðum. Í
þessari 19 mínútna löngu stutt-
mynd Braga fer Hafsteinn Gunnar
með hlutverk manns sem sunnu-
dag nokkurn brýtur boðorðin tíu
við litla hrifningu almættisins.
„Maðurinn rekur sitt eigið fyrir-
tæki, ekur um á Range Rover en á
einum degi brýtur hann boðorðin
öll með tiltölulega eðlilegum at-
höfnum. Vegir guðs eru órannsak-
anlegir og ég gef ekkert upp um
hvernig fer,“ segir Bragi. Leikstjór-
inn er sjálfmenntaður og hefur
starfað við kvikmynda- og auglýs-
ingagerð frá 12 ára aldri. Eftir
kvikmyndahátíðina í Los Angeles
bíða Braga ýmis verkefni en hann
hefur skrifað handrit að kvikmynd
í fullri lengd, unnið að nýrri stutt-
mynd og sjónvarpskvikmynd sem
nú er á fjármögnunarstigi. ■
SÍÐASTA KYNSLÓÐIN
Hafsteinn Gunnar Hafsteinsson brýtur
boðorðin tíu í Síðustu kynslóðinni.
Myndin hefur unnið til verðlauna fyrir
kvikmyndatöku og verður sýnd á stærstu
stuttmyndahátíð í heimi.
30 31. ágúst 2004 ÞRIÐJUDAGUR
... fá Ragnar Stefánsson og fé-
lagar hans í samtökunum Lands-
byggðin lifi fyrir grasrótarstarf til
eflingu landsbyggðarinnar.
HRÓSIÐ
BÆKUR
GYLFI GRÖNDAL
■ Er nú að leggja lokahönd á ævisögu
eins ástsælasta píanóleikara landsins.
STUTTMYND
SÍÐASTA KYNSLÓÐIN
■ eftir Braga Thor Hinriksson á
International Short Film Festival í Los
Angeles.
■ TÓNLEIKAR
í dag
Tælensk eiginkona
Fær ekki að kaupa
sjúkratryggingu
á Íslandi
Júdóstjarna
Gleypti pillu frá
mömmu og féll á
lyfjaprófi
Sænskir veiðiþjófar
Hundeltir af lögreglu
á íslenskum hestum
Upplýsingar í síma:
561 5620 frá 14-18
KENNSLA HEFST
13. SEPT
Úti á Laugarnesi, þar sem sést
yfir Sundin blá, stendur Listasafn
Sigurjóns Ólafssonar. Á hverju
sumri eru haldnir þar sumartón-
leikar á þriðjudagskvöldum. Síð-
ustu tónleikar sumarsins verða í
kvöld.
Þar kemur fram Gruppo Atlant-
ico, sem er tríó þeirra Hlífar Sig-
urjónsdóttur fiðluleikara, Roberts
La Rue sellóleikara og Adrienne
Kim píanóleikara. Í kvöld ætla þau
að flytja ásamt Signýju Sæmunds-
dóttur sópran verk eftir Joseph
Haydn, Johannes Brahms, Inessa
Zaretsky og Hjálmar Helga Ragn-
arsson.
„Með Signýju ætlum við að
flytja verk eftir Hjálmar, Vocalise,
sem er fyrir fiðlu, sópran og
píanó,“ segir Hlíf. „Við erum líka
að fara með þetta verk til
Danmerkur, án Signýjar samt. Ég
fékk leyfi tónskáldsins til að færa
söngröddina yfir í selló og það kom
mjög vel út. Það er svo mikill
söngur í sellóinu.“
Selló útgáfuna af Vocalise var
frumflutt á Ísafirði á fimmtudags-
kvöldið var. Sellóið fær þó ekki að
koma nálægt Vocalisunni í kvöld,
því þá verður það flutt í uppruna-
legum búningi með fagurri sópran-
rödd Signýjar.
Tríóið Gruppo Atlantico varð til
úti í New York þegar Hlíf var þar í
framhaldsnámi fyrir fáeinum
misserum. Þetta er í annað sinn
sem tríóið kemur til Íslands, því
það hélt tónleika í Sigurjónssafni
fyrir um það bil ári.
„Ég fór í framhaldsnám í einka-
tíma hjá fiðlusnillingnum Gerald
Beal, sem hafði verið nemandi
Jascha Haifetz. Eftir að ég ákvað
að venda mínu kvæði í kross og
verða einyrki frétti ég af þessum
manni, sem hafði alltaf svörin við
öllu sem ég þurfti að vita. Ég var
hjá honum í þrjú ár og svo dó hann.
Þetta var frábær tími. Hann var
stórmerkilegur náungi.“ Að
loknum tónleikunum í Sigurjóns-
safni ætlar Gruppo Atlantico í tón-
leikaferð til Danmerkur, þar sem
haldnir verða tvennir tónleikar um
næstu helgi. ■
Lárétt: 2 vandræði, 6 samhljóðar, 8 sár, 9
fugl, 11 komast, 12 ári, 14 alda, 16 hreyf-
ing, 17 vatnselg, 18 fót, 20 keyr, 21 hreyf-
ist.
Lóðrétt: 1 gróður, 3 tveir eins, 4 þekkta,
5 lítil, 7 maturinn, 10 eins um t, 13 flana,
15 bleyta, 16 eins um l, 19 skóli.
Lausn.
Síðasta kynslóðin í Los Angeles
Lárétt: 2baks,6rb,8aum,9örn,11ná,
12satan,14unnur, 16ið,17aga,18lim,
20ak,21iðar.
Lóðrétt: 1grös, 3aa,4kunnuga,5smá,
7brauðið,10ntn,13ana,15raki,16ili,
19ma.
1
6 7 8
10
13
119
12
15
16
18
21
20
17
14
19
2 3 4 5
JÓNAS INGIMUNDARSON
Gylfi segir Jónas ekki bara listamann heldur líka ákaflega mikinn hugsjóna- og fram-
kvæmdamann.
FR
ÉT
TA
B
LA
Ð
IÐ
/T
EI
TU
R
GRUPPO ATLANTICO
Adrienne Kim, Signý Sæmundsdóttir,
Robert la Rue og Hlíf verða með tónleika í
Listasafni Sigurjóns Ólafssonar í kvöld.
Haydn og Brahms
við Sundin blá
Ævisaga Jónasar
Ingimundarsonar