Fréttablaðið - 05.09.2004, Blaðsíða 4

4 5. september 2004 SUNNUDAGUR
Óvíst hvort allt
verði boðið út
Ekki er hægt að segja til um hvort sparnaður ríkisins verði eins mikill og
Reykjavíkurborg áætlar sér með útboði á fjarskiptaþjónustu, segir sérfræð-
ingur fjármálaráðuneytisins. Útboðið verði í takt við stefnu stjórnvalda.
VIÐSKIPTI „Það er engan veginn gefið
að öll fjarskiptaþjónusta ríkisins sé
útboðshæf,“ segir Stefán Jón Frið-
riksson, sérfræðingur á sviði opin-
berra innkaupa og útboða hjá fjár-
málaráðuneytinu og starfsmaður
framkvæmdanefndar um einka-
væðingu.
Aðeins tvö ríkisfyrirtæki hafa
boðið út fjarskiptaþjónustu þrátt
fyrir yfirlýsta stefnu stjórnvalda
um að bjóða út rekstur þar sem því
verði við komið. Útboðin eru í und-
irbúningi Ríkiskaupa.
„Fjarskiptaþjónusta er ekki út-
boðsskyld samkvæmt lögum um op-
inber innkaup heldur er verið að
gæta samræmis í stefnu stjórn-
valda. Það er hluti af skýringunni
hve seint var hafist handa við að
undirbúa útboð þjónustunnar en
einnig að fjarskiptamarkaðurinn er
orðinn miklu þroskaðari og því er
nú rétti tíminn til breytinga,“ segir
Stefán.
Sé horft til 52% sparnaðar sem
Reykjavíkurborg náði við útboð á
öllum símakostnaði ásamt kostnaði
við gagnaflutninga og gagnalínu-
leigu má ætla að um verulegar
fjárhæðir sé að ræða fyrir ríkis-
sjóð; jafnvel um 745 milljónir
króna.
Stefán segir ekki rétt að bera
saman ólíka hluti eins og gert sé í
þessu tilviki. „Í útboði Reykjavík-
urborgar er talað um takmarkaðan
þátt af heildarfjarskiptum Reykja-
víkurborgar. Inn í rúmlega 1.350
milljóna kostnaðartölu ríkisins
gæti til dæmis reiknast rekstur á
skipafjarskiptum og flugfjarskipt-
um. Það er allt annar hlutur og ekki
víst að unnt sé að bjóða hann út þó
það verði skoðað,“ segir Stefán.
Guðmundur Árni Stefánsson,
þingmaður Samfylkingarinnar, seg-
ir samkeppni fjarskiptafyrirtækja
óeðlilega og að sumir haldi því fram
að ríkisstjórnin sé að reyna að auka
verðgildi Símans í fyrirhuguðu út-
boði með því að láta markaðinn
halda að viðskipti við ríkissjóð fylgi
með. „Það stenst engan veginn
skoðun því nýr eigandi Símans get-
ur ekki gengið að því vísu að ríkis-
sjóður sé alltaf í viðskiptum við eitt
og sama fyrirtækið,“ segir Guð-
mundur.
Stefán segir að ekki verði beðið
með fjarskiptaútboð ríkisfyrir-
tækja til að auka verðmæti Símans
fyrir sölu. Miklu fremur sé þess
vænst að hagræðing og sparnaður
náist með umræddu útboði.
gag@frettabladid.is
HARMI LOSTIN
Írösk kona harmi lostin eftir að bíla-
sprengja drap á annan tug íraskra lög-
reglumanna í borginni Kirkuk í gær.
Bílasprengja í Írak:
Sautján fórust
ÍRAK Sautján fórust og fleiri en
tuttugu særðust þegar bíla-
sprengja sprakk í borginni
Kirkuk í Írak í gær. Um sjálfs-
morðsárás var að ræða þegar bíll-
inn sprakk í loft upp nálægt lög-
regluskólanum í Kirkuk, um leið
og íraskir lögreglumenn voru á
leið heim. Fjórtán þeirra létu lífið.
Árásir á nýútskrifaða, íraska lög-
reglumenn eru þekkt illvirki með-
al uppreisnarmanna í Írak.
Fyrr um daginn réðst banda-
rískur her gegn uppreisnar-
mönnum í Mosul. Eftir mikla
bardaga lágu ellefu í valnum og
fjörtíu voru illa særðir, mest
óbreyttir borgarar, að sögn
lækna í Mosul. ■
Björgunarsveitin
Björgúlfur:
Ekki gjald-
þrota
FJÁRMÁL Gjalþrotabeiðni á björgun-
arsveitina Björgúlf á Stöðvarfirði
hefur verið afturkölluð, en eins og
greindi frá í Fréttablaðinu í liðinni
viku var gjaldþrot sveitarinnar yf-
irvofandi. Krafa sýslumannsins á
Eskifirði á hendur björgunarsveit-
inni vegna opinberra gjalda hefur
nú verið leiðrétt og niðurfelld að
megninu til. Björgunarsveitin hef-
ur gert full skil við embættið. ■
Ætlarðu að heimsækja Þjóðminja-
safnið fyrir áramót?
Spurning dagsins í dag:
Ætlarðu að skoða nýja safnið um
Halldór Laxness á Gljúfrasteini?
Niðurstöður gærdagsins
á visir.is
52%
48%
Nei
Já
KJÖRKASSINN
Farðu inn á visir.is og segðu þína skoðun
visir.is
Vél nauðlenti á Rifi:
Bilun í öðrum
hreyfli
FLUGATVIK Twin Otter-flugvél Flug-
félags Íslands nauðlenti á flug-
vellinum á Rifi um hádegisbilið í
fyrradag eftir að bilunar varð
vart í öðrum hreyfli vélarinnar.
Taldi flugstjóra vænstan kost
að lenda vélinni en hún var á leið
frá Grænlandi með fjóra farþega
auk tveggja áhafnarmeðlima.
Voru lögregla og sjúkra- og
slökkvilið kölluð til á flugvöllinn
til öryggis en vélin lenti heilu og
höldnu og sakaði engan. Farþeg-
arnir voru fluttir landleiðina til
Reykjavíkur. ■
ALÞINGI „Þetta er allt í réttum
takti. Húsið á að vera komið í
gagnið áður en þing hefst.
Verkið er á áætlun,“ segir Frið-
rik Ólafsson, skrifstofustjóri
Alþingis, um endurbætur á
þingsalnum, sem nú standa yfir.
Áætlaður kostnaður við verkið
var upphaflega 75 milljónir, en
Friðrik segir ljóst að kostnaður
muni fara fram úr áætlun, eink-
um og sér í lagi vegna þeirrar
tafar sem varð á verkinu þegar
þing var kallað saman í sumar.
„Töfin olli því að það þurfti
aðeins að breyta um taktík,“
segir Friðrik. „Verktakarnir
þurftu að stöðva sín verk og
breyta allri tilhögun. Slíkt get-
ur orsakað alls konar vanda-
mál.“
Hann segir ljóst að sækja
þurfi um aukafjárveitingu
vegna þessa á haustþingi, en
segir þó ekki liggja fyrir hver-
su mikil sú fjárveiting þurfi að
vera. ■
ÞINGSALURINN
Iðnaðarmenn leggja nú allt kapp á að klára
endurbætur á sal Alþingis fyrir upphaf
þings. Kostnaður mun fara fram úr áætlun
vegna tafa í sumar. Salurinn er nú alveg
tómur, eins og sjá má, og því upplagt að
ryksuga hann áður en lengra er haldið.
Endurbætur á Alþingishúsinu:
Töfin eykur kostnaðinn
STEFÁN JÓN FRIÐRIKSSON
Ekki verði beðið með fjarskiptaútboð ríkisfyrirtækja til að auka verðmæti Símans fyrir sölu.
Miklu fremur sé þess vænst að hagræðing og sparnaður náist með umræddu útboði.
FR
ÉT
TA
B
LA
Ð
IÐ
/S
TE
FÁ
N
PÉTUR BLÖNDAL
„Ég held að það hafi tekist nokkuð vel að
koma í veg fyrir að íslenskum fyrirtækjum
séu settir þrengri kostir en erlendum.“
Pétur Blöndal
um viðskiptalög:
Þurfum að
vara okkur
VIÐSKIPTALÖG „Það er alltaf ákveðin
tilhneiging í því að ganga of langt í
lagasetningum,“ segir Pétur H.
Blöndal, formaður efnahags- og við-
skiptanefndar um gagnrýni Björg-
ólfs Guðmundssonar, formanns
bankaráðs Landsbanka Íslands, á
stefnu ríkisstjórnarinnar varðandi
væntanlega lagasetningu um við-
skiptalífið. Björgólfur sagði í ræðu
á málþingi Sambands ungra sjálf-
stæðismanna, í tengslum við fyrir-
hugaða lagasetningu, að yfirvöld
mættu ekki reisa viðskiptalífinu
skorður.
„Alþingi hefur lagt mikið upp úr
því að gæta þess að við göngum
ekki lengra í lagasetningum en
EES-samningurinn gefur tilefni til.
Ég held að það hafi tekist nokkuð
vel að koma í veg fyrir að íslenskum
fyrirtækjum séu settir þrengri
kostir en erlendum. Við þurfum þó
alltaf að vera á varðbergi gagnvart
því,“ segir Pétur. ■
IÐNAÐUR Skipulagsstofnun hefur
fallist á fyrirhugaða byggingu
rafskautaverksmiðju í Hvalfirði
með skilyrðum. Kapla hf. sótti
um að reisa verksmiðjuna á
Katanesi, austan við álver Norð-
uráls. Hún verður rúmir 17.000
fermetrar og um 50 metra há þar
sem hún rís hæst.
Skipulagsstofnun telur að raf-
skautaverksmiðjan muni ekki
leiða til verulegra breytinga á
mengun á iðnaðarsvæðinu við
Grundartanga, þar eru fyrir ál-
verksmiðja Norðuráls og verk-
smiðja Íslenska járnblendifé-
lagsins. Engu að síður myndi
verksmiðjan nær fylla losunar-
heimild Íslendinga á koltvísýr-
ingi sem getið er um í Kyoto-
samningnum. Skipulagsstofnun
telur því að áður en leyfi verði
veitt þurfi að liggja fyrir hvaða
mótvægisaðgerðum verði beitt
til að vega upp á móti útstreymi
gróðurhúsalofttegunda frá verk-
smiðjunni.
Stjórn Landverndar telur að
stjórnvöld eigi að hafna áform-
um um verksmiðjuna vegna mik-
illar mengunar sem frá henni
hlýst. Í tilkynningu frá félaginu
segir að verksmiðjan muni valda
meiri losun heilsuspillandi efna
en dæmi eru um hér á landi, efna
sem séu mörg hver krabba-
meinsvaldandi. Þá er bent á að
verksmiðjan myndi losa jafn
mikið af gróðurhúsalofttegund-
um og fjórðungur bílaflota lands-
manna. ■
Rafskautaverksmiðja í Hvalfirði:
Skipulagsstofnun gefur grænt ljós
FR
ÉT
TA
B
LA
Ð
IÐ
/G
VA
FRÁ GRUNDARTANGA
Rafskautaverksmiðjan yrði þriðja stóriðjan í
Hvalfirði.
Flugvellinum í LA lokað:
Tækjabilun
um að kenna
FLUG Alþjóðaflugvellinum í Los
Angeles var um tíma lokað af ör-
yggisástæðum á laugardag eftir
tvö ótengd atvik. Annað hefur FBI
ekki staðfest, en hitt varðaði há-
vært hljóð sem reyndist vera
vegna tækjabilunar. Hluti flug-
stöðvarinnar var rýmdur og flug-
vélum bannað að taka á loft. Veg-
um til og frá flugvellinum var lok-
að. Umferð um flugvöllinn er ein
sú mesta í heiminum. ■