Fréttablaðið - 05.09.2004, Blaðsíða 36

FÓTBOLTI Íslenska landsliðið í
knattspyrnu var í einu orði sagt
lélegt þegar það tók á móti
Búlgörum í undankeppni HM á
Laugardalsvelli í gær. Eftir ágæta
byrjun fjaraði algjörlega undan leik
íslenska liðsins og Búlgarar unnu
fyllilega verðskuldaðan sigur, 3–1.
Það var ljóst strax í upphafi að
hvorugt liðið ætlaði að taka mikla
áhættu í leiknum. Þéttur
varnarleikur var spilaður af beggja
hálfu og sóknarmenn liðanna
komust lítt áleiðis. Til marks um
kraftleysið í sókninni átti Ísland
ekki skot að marki fyrr en eftir 23
mínútur.
Tíu mínútum fyrir leikhlé
byrjaði að loga á aðvörunarljó-
sunum en þá stakk Berbatov sér inn
fyrir íslensku vörnina. Hristi Ólaf
Örn Bjarnason auðveldlega af sér
og skoraði fram hjá Árna Gauti í
markinu en Árni hefði getað gert
betur í markinu.
Síðari hálfleikurinn byrjaði ekki
gæfulega því Berbatov bætti við
öðru marki á 49. mínútu eftir að
Hermann hafði dottað í dekkuninni.
Íslenska liðið var fljótt að koma
sér inn í leikinn á ný og Eiður Smári
minnkaði muninn úr vítaspyrnu
sem Þórður Guðjónsson fiskaði,
aðeins mínútu síðar. Opinn leikur og
nægur tími eftir.
Þetta mark virtist aftur á móti
ekki nægja til þess að kveikja í
íslenska liðinu og varamaðurinn
Yanev innsiglaði sigur Búlgara á 62.
mínútu. Markið skrifast þó algjör-
lega á Árna Gaut en á einhvern
óskiljanlegan hátt tókst honum ekki
að verja dapurt skot Yanevs sem þó
var svo gott sem beint á hann.
Hrikalegt slys.
Íslenska liðið náði ekki að ógna
búlgarska markinu að neinu viti það
sem eftir lifði leiks. Helst bar til
tíðinda á lokamínútunum að
Brynjar Björn Gunnarsson fékk sitt
annað gula spjald fyrir litlar sakir
og þar af leiðandi snemmbúna kalda
sturtu.
Hverju sem veldur þá komst
íslenska liðið aldrei upp úr fyrsta
gírnum í gær. Liðið var passíft,
sóknaraðgerðirnar hægar og
fyrirsjáanlegar. Þetta var í raun
algjört dútl allan leikinn og þar að
auki var grimmdin lítil sem engin
og ekki spilað á styrkleika liðsins.
Heiðar Helguson fékk enga
skalla í framlínunni, Gylfi náði
aldrei takti við leikinn og Arnar
Grétarsson var í raun aldrei þátt-
takandi í leiknum líkt og Indriði
Sigurðsson. Brynjar gerði sitt en
var óskynsamur þegar hann fékk
rauða spjaldið. Algjört óþarfabrot.
Þórður Guðjónsson átti ágæta
spretti en fékk boltann allt of
sjaldan. Vörnin hefur oft átt betri
daga en Kristján Sigurðsson stóð
upp úr hjá varnarmönnunum. Eiður
Smári reyndi hvað hann gat en
komst lítið gegn þéttri vörn Búlgara.
Íslenska liðið kolféll á fyrsta
prófinu í þessum riðli og eftir tap á
heimavelli er ljóst að liðið verður að
taka stig á útivelli. Þessi frammi-
staða var langt frá því að vera ásætt-
anleg og vonandi að liðið hysji upp
um sig í Búdapest á miðvikudag.
henry@frettabladid.is
20 5. september 2004 SUNNUDAGUR
Við auglýsum eftir...
...íslenskum knattspyrnuáhugamönnum. 20 þúsund sáu sér fært að styðja landsliðið í
vináttulandsleik en um aðeins um 5 þúsund manns mættu til þess að horfa á mikilvæg-
an leik gegn Búlgaríu. Landsliðið var slakt og stuðningsmennirnir ekki mikið betri.
Stemning, eins og var í Dalnum í gær, er ekki til þess fallin að hjálpa liðinu að ná í mikil-
væg stig.
,,Við vorum búnir að gera okkur miklar vonir eftir
síðasta leik og það er ekki hægt að segja annað en að
við höfum klikkað á þessu.”
Landsliðsfyrirliðinn Eiður Smári Guðjohnsen hitti naglann á höfuðið eftir leikinn í gær.sport@frettabladid.is
0–1 Dimitar Berbatov 35.
0–2 Dimitar Berbatov 49.
1–2 Eiður Smári Guðjohnsen, víti 50.
1–3 Hristo Yanev 62.
DÓMARINN
Alain Hamer ákaflega smámunasamur
BESTUR Á VELLINUM
Dimitar Berbatov Búlgaríu
TÖLFRÆÐIN
Skot (á mark) 10–9 (6–5)
Horn 5–4
Aukaspyrnur fengnar 20–27
Rangstöður 3–11
GÓÐIR HJÁ ÍSLANDI
Kristján Örn Sigurðsson Íslandi
Þórður Guðjónsson Íslandi
Jóhannes Karl Guðjónsson Íslandi
1-3
ÍSLAND BÚLGARÍA
Lélegt í Laugardal
Dauft og hægfara íslenskt landslið fékk skell gegn Búlgörum á
Laugardalsvelli í gær. Frammistaðan lofar ekki góðu fyrir framhaldið.
Kristján Örn Sigurðsson:
Ekki okkar
dagur
FÓTBOLTI „Þetta fór ekki nógu vel,
altént fannst mér þeir ekki
skapa sér það mörg færi en þeir
nýttu þau vel. Þeir komust yfir
og þá var erfitt fyrir okkur að
sækja leikinn. Við þurftum að
færa okkur framar og þá opnast
leikurinn meira. Mér fannst við
vera að standa okkur vel í fyrri
hálfleik, við vorum að halda vel
aftast og skapa færi inn á milli
en við nýttum þau ekki en þeir
sín. Mér líst mjög vel á leikinn
gegn Ungverjum á miðvikudag-
inn, þessi leikur er búinn og það
er ljóst að við verðum að gera
betur en í dag. Mér fannst samt
margt gott í leiknum hjá okkur í
dag en þetta var ekki dagurinn
okkar,“ sagði Kristján Örn
Sigurðsson. ■
DAPUR Árni Gautur Arason hefur sjaldan
leikið eins illa með landsliðinu og í gær og
var að vonum dapur í leikslok.
Logi Ólafsson, annar landsliðsþjálfara Íslands:
Varnarleikurinn klikkaði
FÓTBOLTI „Það sem klikkaði hjá okk-
ur í dag var að varnarleikurinn
var ekki nógu góður,” sagði Logi
Ólafsson landsliðsþjálfari.
“Þegar agt er upp að fara í leikinn
og fá ekki á sig mark, vitandi það
að við munum náð góðum sóknum
á milli sem geta gefið okkur færi,
þá verður þetta ekki nógu gott
þegar við byrjum á því að fá á
okkur mark. Vitandi það líka að
Búlgarar leggja leikinn upp með
þeim hætti að þeir ætla að halda
markinu hreinu. Þeir liggja aftar-
lega á vellinum og eru flinkir að
teygja á okkur og toga. Við erum
alltaf á eftir í okkar aðgerðum, of
seinir í tæklingar og komumst
aldrei í þann slag sem hentar okk-
ur. Það var slæmt þegar við fáum
á okkur þetta mark, sem er í raun-
inni fyrsta skot þeirra á markið.
Áður erum við búnir að vera í
færi þar sem Heiðar Helguson
hefði getað skorað. Það náttúru-
lega skipti sköpum í þessu að þeir
voru fyrstir til að skora og gátu
þar með farið í skotgrafirnar og
beðið þar og þessi mörk sem við
fáum á okkur eru afar slæm. Við
hefðum getað komið í veg fyrir
mörkin sem við vorum að fá á
okkur.”
Logi gat ekki annað en játað því
að stemninguna hefði vantað.
“Þetta er leikur liðsheildarinn-
ar og það náðist aldrei að ná þeirri
stemningu sem þetta lið þarf á að
halda inn á vellinum.
Við bjuggumst við því að
Búlgararnir myndu spila með
fjögurra manna vörn en þeir fóru
út í meira svona 3-4-3 og lágu
breitt úti með tvo vængmenn sem
olli okkur smá vandræðum í upp-
hafi en við náðum tökum á því.
Það var ekki ástæðan fyrir því að
við töpuðum leiknum.” ■
HAFÐU ÞETTA
Heiðar Helguson komst ekkert
áleiðis gegn Búlgörum í gær og
var heppinn að fjúka ekki af velli
þegar hann sparkaði í búlgarska
markvörðinn á viðkvæman stað.
FRÉTTABLAÐIÐ/VILHELM