Fréttablaðið - 05.09.2004, Blaðsíða 35

þessari sannfæringu sem talsmenn
miðstöðvarinnar í London ullu mik-
illi hneykslan þegar þeir héldu því
fram að gyðingar hefðu látið lífið í
helförinni því þeir lásu ekki Zohar-
inn.
Eitt af því sem hefur verið
gagnrýnt harðlega af öðrum kenn-
urum kabbalah, er að Berg og fylg-
ismenn hans halda því fram að ekki
sé nauðsynlegt að kunna ara-
meísku eða hebresku til að skilja
Zoharinn. Þess í stað er því haldið
fram að það sé nægjanlegt að
renna fingrunum eftir síðunum til
að kraftur orðs guðs nái til „lesand-
ans“. Dulspeki kabbalisma og Zo-
harinn byggjast á að vera tormelt
fræði. Hugmyndin var að einungis
þeir útvöldu gætu skilið orð guðs
og því þarf að leggja mikla vinnu á
sig til að leysa þann leyndardóm
sem í þeim felast. Upphaflega voru
það því einungis menntaðir gyðing-
ar, karlmenn sem væru að minnsta
kosti fertugir, með mikla þekkingu
á Talmúdnum sem leyfðist að legg-
ja stund á kabbalahfræði.
Fyrir Kabbalahmiðstöðina er
ekki nauðsynlegt að vera gyðinga-
trúar og eru allir velkomnir. Haft
er eftir Shaul Magid, fyrrum pró-
fessor í gyðinglegum fræðum, að
kabbalah sé mjög flókið hug-
myndakerfi. „Spurningin er í raun
hvort Kabbalahmiðstöðin sé að
kenna kabbalahfræði á ábyrgan
hátt? Það brýtur ekki gegn skil-
greiningunni að túlka fræðin á sál-
fræðilegan hátt, en eru þeir að
halda áfram hefðinni og greina á
milli þess sem textinn segir og
þeirra eigin túlkun? Eða kenna eig-
in túlkun sem hefðina?“ Hann seg-
ir jafnframt að vandamálið við
miðstöðina sé að það er verið að
kenna kabbalahfræðin á þann hátt
að allir geti skilið þau, en kabbalah
sé skrifuð á þann hátt að auðveldur
skilningur er ekki mögulegur án
þekkingar á hefðinni. Því sé verið
að kenna kabbalah á mjög svo
ókabbalískan hátt.
Rógburður
„Hann hefur alltaf mætt andstöðu,
rógburði frá þeim sem eru ekki
sammála um aðferðir hans,“ sagði
Yehuda Grundman, leiðbeinandi
við Kabbalahmiðstöðina í New
York, um leiðtogann Phillip Berg í
viðtali við The Jewish Journal of
Greater Los Angeles. „En andstað-
an hefur alltaf verið blind, eitthvað
sem fólk heyrir frá einhverjum
sem skilur ekki hvað hann kennir,
án þess að grennslast fyrir um
hvaðan sögurnar koma. Andstaðan
kemur til vegna ótta við dulspeki,
ótta við hið óþekkta.“
Leiðtogar Kabbalahmiðstöðv-
anna þræta allir fyrir að um nokk-
uð óeðlilegt sé að ræða. Þeir benda
á að ekki þurfi að greiða félags-
gjöld, ekki sé greitt fyrir þjónustur
á helgum dögum og söfnunarbauk-
ur sé ekki látinn ganga. Hins vegar
sé það alveg rétt að starfsemi eins
og Kabbalamiðstöðin þurfi á fjár-
magni að halda til að geta starfað
áfram og því séu félagsmenn hvatt-
ir til að láta sitt af hendi. Allar sög-
ur um að félagsmenn séu hvattir til
að eyða meiru en þeir hafi efni á,
að þeir séu að greiða of hátt verð
fyrir kabbalískar vörur, um að leið-
togar miðstöðvanna reyni að stjór-
na lífi félagsmanna og splundri
fjölskyldum séu með öllu ósannar.
Þegar efast er um lækningamátt
hins blessaða kabbalahvatns er því
svarað til að nú sér verið að
rannsaka vatnið og vænta megi
niðurstaðna von bráðar. Allar rann-
sóknir hingað til hafi þó komið
mjög jákvætt út og kabbalismi
kenni að í gegnum hugleiðslu hafi
tært vatnið mikinn lækningamátt.
Í bók sinni Immortality skrifaði
Phillip Berg að öfl djöfulsins „eru
að reyna að gera [þau] vafasöm,
dreifa rógi um að fólk tengt mið-
stöðinni sé heilaþvegið.“ Hann seg-
ir jafnframt að þetta muni ekki
takast. Kabbalah sé fyrir allan
heiminn og miðstöðin muni ekki
gefast upp fyrr en sex milljarðar
manna hafi séð ljósið. Hingað til
hefur það hjálpað málstaðnum að
stórstjörnurnar hafa tekið þátt í að
breiða út boðskapinn. Þegar hafa
tvær gefist upp, þær Jerry Hall og
Madonna. Nú er bara að sjá hvort
fleiri stjörnur leggi rauðu arm-
böndin á hilluna og reyni að finna
hamingjuna annars staðar.
Byggt á Village Voice, Evening Standard
og The Jewish Journal of Greater
Los Angeles
svanborg@frettabladid.is
SUNNUDAGUR 5. september 2004 19
BRITNEY SPEARS Britney er ein þeirra
sem Madonna kynnti fyrir kabbalah. Hún
segist hafa lesið öll 23 bindi Zoharsins.
MARGT Í BOÐI Í verslun Kabbalahmiðstöðvarinnar í Los Angeles er hægt að finna les-
efni um kabbalah, kabbalahvatn, andlitskrem og hin víðfrægu rauðu bönd sem eiga að
halda illum öflum fjarri.
Leiðtoginn
Phillip Berg var skírður Feivel
Gruberger. Hann fæddist í
Brooklyn og starfaði upphaf-
lega sem tryggingasölumaður.
Á ferð sinni um Ísrael árið 1962
hitti hann kabbalistann Yehuda
Brandwein og giftist frænku
hans. Þau eignaðust átta börn
en skildu í byrjun níunda ára-
tugarins. Gruberger stytti þá
nafn sitt í Berg og fluttist til
Bandaríkjanna. Þar giftist hann
núverandi eiginkonu sinni,
Karen Berg, sem heldur fyrir-
lestra í Kabbalah-miðstöðinni.
Þau eiga tvo syni, Yehuda og
Michel, sem tóku yfir stjórn
miðstöðvanna eftir að Berg-
hjónin fóru að draga sig í hlé
vegna aldurs. ■