Fréttablaðið - 05.09.2004, Blaðsíða 9

Kaupin á Skjá einum
Kaup Símans á hlut í Skjá 1 í gær eru
sama marki brennd [og kaup ríkisvið-
skiptabanka á hlutafé í deCode]. Þau færa
áhættuna af því að pranga enska boltan-
um og öðru efni Skjás 1 inn á landsmenn
frá fjárfestum til ríkisins. Ekkert bendir svo
til annars en að Síminn verði seldur á
næstunni, jafnvel á næstu vikum. Það
ætti að bíða nýrra eigenda að bæta nýj-
um þáttum við rekstur fyrirtækisins.
Vefþjóðviljinn á andriki.is
Félagshyggja
Hér á landi hefur orðið til séríslenskt póli-
tískt hugtak félagshyggja, sem hefur ekk-
ert skýrt eða viðurkennt inntak, eins og
Ólafur Björnsson prófessor rökstuddi á
skýran og skemmtilegan hátt á sínum
tíma. Ég veit ekki, hvernig þetta hugtak er
þýtt á erlend tungumál, svo að það segi
erlendum mönnum strax, hvað í því felst.
Engu að síður hefur hugtakið dugað sem
hugsjónagrundvöllur fyrir samstarf vinstri-
sinna í ólíkum stjórnmálaflokkum hér á
landi, eins og til dæmis með stofnun R-
listans í Reykjavík. Auðvelt er að halda því
fram, að miklu auðveldara sé að skilja,
hvað felst í þeirri stefnu Bush, sem kennd
er við compassionate conservatism, en að
átta sig á því, hvað felst í félagshyggju.
Björn Bjarnason á bjorn.is
Óhagstæður samanburður
Lengst af var konum haldið frá völdum
með formlegum hætti; lög beinlínis
bönnuðu konum aðgang að menntun og
embættum. Síðan var þrýstingurinn
óbeinni og vegna samstöðuleysis á köfl-
um auðvelt að ganga framhjá þeim. Það
hefur líka lengi verið þekkt að reyndum
og hæfum konum er skákað til hliðar og
yngri og reynsluminni konur teknar fram-
yfir. „Það er þá ekki hægt að segja að
kona hafi ekki verið ráðin“. En oftast er
hún ekki eins hættuleg völdum karla.
Einkum eru það ungir karlar sem óttast
það að fá reynslumiklar klárar konur upp
að hlið sér. Samanburðurinn gæti orðið
óhagstæður – og framgangurinn ekki eins
vís.
Svanfríður Jónasdóttir á jafnadar-
menn.is/svanfridur
Konur flóknar
Konur eru svo flóknar að það er til fræði-
grein sem kennd var í Háskóla Íslands
og kallaðist kvennafræði. Hvað þar fór
fram skal ekki tíundað hér og nú en
nafnið gefur sterklega til kynna að margt
sé hægt að læra um konur – mun meira
en um karlmenn. Maður myndi einnig
ætla að karlmaður sem er með doktors-
gráðu í kvennafræðum kynni að heilla
allt kvenfólk upp úr skónum hvar sem er
– hvenær sem er.
DSS á murinn.is
Gagnrýni
Gagnrýni er í sjálfri sér góðra gjalda verð
og nauðsynlegt að fólk tileinki sér gagn-
rýna hugsun. Láti ekki allt yfir sig ganga
eða náungann vaða uppi með fjar-
stæðukenndar hugmyndir, jafnvel góðar
hugmyndir, án þess að velta því upp
hvort allt sé með felldu, gagnrýna að-
eins. En ein og sér er gagnrýnin lítið
meira en nöldur. Án þess að henni fylgi
uppbyggilegar athugasemdir, tillögur
um hvernig má gera betur, umsögn um
hvað það er nákvæmlega sem ekki er
nógu gott og hvað gæti hugsanlega virk-
að betur. Þá fyrst verður gagnrýnin að
notadrjúgu og öflugu tóli. Svona eins og
hamarinn í höndum bandarísku verka-
mannanna.
Hjörtur Einarsson á sellan.is
Þörf á sjálfsgagnrýni
Væri nú ekki ráð fyrir hálaunamennina í
samtökum atvinnurekenda að leggjast í
ofurlitla sjálfsgagnrýni? Forsenda þess að
menn geti leyft sér að tala á þeim forsend-
um sem hér er gert er að sjálfsögðu sú að
reynt hafi verið að ná víðtækum samning-
um í landinu með aðkomu allra helstu
samningsaðila í landinu. Það hefur ekki
verið gert í þeirri samningalotu sem nú
stendur yfir. Slík aðkoma var reynd og
framkvæmd á árinu 1990 og til urðu þjóð-
arsáttarsamningarnir, sem svo hafa verið
nefndir en aðild að þeim áttu allflest sam-
tök. Undantekningin var samband há-
skólamanna. Þótt BHM myndi án efa ekki
skrifa upp á þá söguskýringu þá er það mín
skoðun að grundvallarmunur sé á and-
rúmsloftinu 1990 og núna að þessu leyti.
Framkoma SA nú er því nánast hlægilega
ósvífin. Samtökin þykjast þess umkomin í
krafti þeirra kjarasamninga sem þau hafa
gert við ASÍ að segja öllum öðrum fyrir
verkum. Til þess eru hvorki félagslegar né
siðferðilegar forsendur. Ef kjarasamningar,
sem nú eru í farvatninu leiða til þess að
fyrri samningar verði endurskoðaðir þá ef-
ast ég stórlega um að Alþýðusamband Ís-
lands myndi gráta það neitt sérstaklega,
ekki síst ef þá tækist að ná fram ýmsum
sanngjörnum kröfum sambandsins, sem
atvinnurekendum hefur tekist að ýta út af
borðinu með óbilgirni sinni.
Ögmundur Jónasson á ogmundur.is
9SUNNUDAGUR 5. september 2004
Við hvetjum lesendur til að senda
okkur línu og leggja orð í belg um efni
Fréttablaðsins eða málefni líðandi
stundar. Greinar og bréf skulu vera
stutt og gagnorð. Ritstjórn áskilur sér
rétt til að stytta aðsent efni. Einnig
áskilur ritstjórn sér rétt til að birta
aðsent efni að meginhluta á vefsíðu
blaðsins, sem er Vísir.is, og vísa þá til
þess með útdrætti í blaðinu sjálfu.
Vinsamlega sendið efni í tölvupósti á
greinar@frettabladid.is. Þar er einnig
svarað fyrirspurnum um lengd greina.
h
a
u
s
v
e
r
k

/

3
6
8
2
Á Atlantsolíu
hringinn í kringum landið
á einum tanki
Atlantsolía - Vesturvör 29 - 200 Kópavogur - Sími 591-3100 - atlantsolia@atlantsolia.is
Fyrir aðeins 2.695.-
Sr. Jakob Rolland
sparakstursmaður og Stefán
Ásgrímsson frá Félagi íslenskra
bifreiðaeiganda óku hringinn í
kringum Ísland á einum og sama
tankinum. Alls voru kílómetrarnir
1293 og lítrarnir af díselolíu tæpir
54. Eyðslan á VW Golf TDI bifreið
þeirra var því rúmir 4,1 lítrar á
hundraði. Bifreiðin var knúin með
díselolíu frá Atlantsolíu.
Þú kemst lengra
með Atlantsolíu
h
a
u
s
v
e
r
k

/

3
6
8
2
AF NETINU