Fréttablaðið - 18.09.2004, Blaðsíða 62

50 18. september 2004 LAUGARDAGUR
Leikhópur Hársins lenti í mjög
svo skemmtilegri lífreynslu í
fyrrakvöld þegar krakkarnir tyll-
tu sér á Hótel 101 eftir sýningu.
Þar inni sat engin annar en leikar-
inn Harrison Ford, sem enn á ný
var staddur hér á landi og má því
segja að hann sé að verða sann-
kallaður Íslandsvinur.
„Þetta var rosagaman,“ segir
Björn Thors, sem leikur Berger í
Hárinu. „Það er alltaf svolítið
asnalegt að hitta einhvern sem
maður hefur séð á hvíta tjaldinu
öll þessi ár. Síðan er maður bara
að spjalla um Hárið og nýjustu
myndina hans Ford og drekka
bjór. Þetta er eiginlega frekar
fyndið hvað fólk er svo venjulegt
og eðlilegt. Hann er bara mjög
viðkunnanlegur maður.“ Björn
segir að þetta hafi komið þannig
til að þegar þau hafi séð hver var
staddur á 101 hafi Rúnar Freyr
Gíslason, leikstjóri sýningarinnar,
kynnt sig fyrir Harrison Ford og
boðið honum að sitja hjá hópnum.
Harrison hafi því rölt með Rúnari
til baka og drukkið með þeim
nokkra bjóra.
„Af því að Rúnar kynnti sig
sem leikstjóra í Hárinu fórum við
að tala um verkið. Hann sagði
okkur meðal annars frá því að
þegar hann var smiður í
Hollywood hafi hann farið í prufu
fyrir upprunalegu sýninguna á
Broadway. Hann þekkir mjög vel
báða höfunda Hársins og þegar
hann bjó í San Fransisco var hann
einnig mjög góður vinur Timothy
Leary, sem sungið er um í einu
laginu og var íkon í hippalífinu.
Það dugði honum þó greinilega
ekki, því hann fékk ekki hlutverk-
ið. Af því að hann bjó í San
Francisco var hann hluti af þess-
ari hippabylgju.“
Tengslum Fords við Hárið er
ekki lokið, því honum var boðið á
sýningu á Hárinu næst þegar
hann kemur til landsins og vænt-
anlega verður það áður en langt
um líður. „Hann flýgur hingað
reglulega því hann er flugmaður
sjálfur og stoppar hérna við,
ásamt aðstoðarflugmanni sínum,
á leið sinni til Evrópu. Þegar hann
flýgur til Barcelona til að hitta
kærustuna stoppar hann hérna í
eina til tvær nætur, áður en hann
flýgur áfram. Hann ætlar því að
koma á sýningu næst þegar hann
kemur til landsins og hann vonar
að þá nái hann helgarstoppi.“
Harrison Ford verður því væntan-
lega áfram Íslandsvinur, að
minnsta kosti á meðan kærastan
er í Evrópu.
svanborg@frettabladid.is
HILMIR SNÆR OG BJÖRN THORS Hittu Harrison Ford í fyrrakvöld og komust að því að hann hafði eitt sinn reynt fyrir sér í Hárinu.
Fáðu flott
munnstykki
... fá stuðningsmenn Alemannia
Aachen fyrir góða tilburði og fyrir að
fylgja liðinu til Íslands.
HRÓSIÐ
Sumri hallar, veturinn gengur í
garð. Þar sem maður, fyrir
nokkrum vikum, stóð sveittur og
illa lyktandi, bölvandi gróðurhúsa-
áhrifunum, er ekkert eftir af sumr-
inu nema nokkrir sígarettustubbar
sem enginn treystir sér til þess að
tína upp vegna kulda. Flugurnar
sem voru plága, að því er virtist í
gær, eru dauðar og liggja dreifðar
um ískaldar gangstéttir borgarinn-
ar fyrir augum allra þeirra sem
kjósa að ganga niðurlútir til vinnu.
Svona ganga árstíðirnar fyrir sig
og ekkert við því að segja.
En með sumrinu kveðjum við
líka túristana, fólkið sem kann
ekki að klæða sig samkvæmt
nýjustu tísku og gengur stefnu-
laust um bæinn með undrunar-
svip. Ég sakna þess alltaf þegar
þeir fara. Það er svo notalegt að
hafa þá. Í sumar var ég svo
heppinn að þýsk hjón gerðu sér
hreiður í garðinum hjá mér, al-
veg yndislegt suður-þýskt mið-
aldra fólk, hreinlegt og heiðar-
legt. Þau söfnuðu að sér alls
kyns bæklingum og fróðleik um
land og þjóð. Eftir matinn stillt-
um við okkur í fjölskyldunni út
við eldhúsgluggann og fylgd-
umst með þeim, stundum tímun-
um saman, þetta var eiginlega
eins og að vera að ferðast en
samt að vera á sama stað, það er
skrítið að enginn skuli hafa bent
á það áður.
Þjóðverjarnir voru auðsjáan-
lega komnir til þess að kynna
sér náttúru landsins vegna þess
að öðru hverju voru þeir sóttir í
rútubíl og hurfu þá úr garðinum
okkar dögum saman. Ég velti
því þá stundum fyrir mér hvað
þeir væru að gera, skoða fossa,
hveri, ganga á fjöll eða jökla,
allt þetta sem við í fjölskyldunni
nennum ekki þó okkur væri
borgað fyrir það. Ég fylltist eig-
inlega smá öfund yfir þessari
afstöðu þýsku hjónanna, smá
samviskubiti yfir því að hafa
notað sumarið í að horfa á sjón-
varpið og drekka léttvín í mis-
jöfnum félagsskap. Núna er ég
kominn í úlpuna mína frá því í
fyrra, horfi út um gluggann, á
tómt hreiðrið og óska þess að ég
væri líka farfugl. ■
TÚRISTARNIR FLJÚGA ÚR LANDI
ÞORSTEINN GUÐMUNDSSON SAKNAR TÚRISTANNA SEM HVERFA EINS OG FARFUGLAR
HELGARPISTILLINN
■ „Með sumrinu kveðjum við líka túrist-
ana, fólkið sem kann ekki að klæða sig
samkvæmt nýjustu tísku og gengur
stefnulaust um bæinn með undrunarsvip.“
Í fyrsta skipti á DVD!
Í verslanir eftir 3 daga
LEIKHÓPUR HÁRSINS RAKST Á HARRISON FORD OG BAUÐ HONUM Á SÝNINGU
Harrison á Hárið?
Sem er? Nætursjónauki
er eitthvað sem forvitið
fólk eða þeir sem eru í
spæjaraleik verða að eiga.
Þeir geta þó að sjálfsögðu
nýst á annan hátt. Nætur-
sjónaukinn virkar alveg
eins og venjulegur sjón-
auki en það er einnig
hægt að nota hann í
svartamyrkri. Í myrkri
verður þó það sem fyrir
augu ber ekki jafn skýrt
og í dagsbirtu heldur fær
grænar útlínur.
Sjónaukarnir ná mislangt,
allt frá 300 metrum og
upp úr. Þumalputtareglan
er að því dýrari sem þeir
eru, því lengra ná þeir.
Sjónaukarnir eru líka mis-
stórir, allt frá vasastærð
og upp í nokkurra metra.
Viðbætur? Hægt er að
kaupa aukalinsur á sjón-
aukann og þannig hægt að
horfa mun lengra. Á suma
sjónauka er hægt að festa
myndavélar með millistykkj-
um. Þannig er hægt að taka
myndir af því sem fyrir augu
ber.
Kostar? Nætursjónauka er
hægt að fá hvar sem er á
Netinu. Vefsvæði á borð
við Amazon.com og
Ebay.com bjóða upp á mik-
ið úrval af nætursjónauk-
um auk mun fleiri svæða.
Nætursjónauka er hægt að
fá frá um níu þúsund krón-
um og upp úr. Það er bæði
hægt að kaupa einfaldan
og tvöfaldan nætur-
sjónauka. Það virðist skjóta
skökku við að þeir einföldu
eru oftast dýrari en þeir
tvöföldu.
| DÓTAKASSINN |
Dótið? Nætursjónauki