Fréttablaðið - 29.11.2004, Page 6

6 29. nóvember 2004 MÁNUDAGUR
Janukovitsj verði
rekinn úr starfi
Stjórnarandstaðan krefst þess að Viktor Janukovitsj, forsætisráðherra
landsins, verði rekinn úr starfi. Mótmælendur hrópuðu „niður
með Kútsjma“. Hæstiréttur fjallar um málið í dag.
ÚKRAÍNA, AP Stjórnarandstaðan í
Úkraínu hefur stillt Leonid Kút-
sjma, fráfarandi forseta Úkraínu,
upp við vegg. Júlía Tímósjenko, að-
stoðarkona Viktors Júsjenko, sagði
í gærkvöld að Kútsjma hefði tíma
þar til í kvöld til að uppfylla kröfur
stjórnarandstöðunnar.
Mikil ólga hefur ríkt í landinu
síðan Viktor Janukovitsj, forsætis-
ráðherra landsins, var lýstur sigur-
vegari forsetakosninganna 21. nóv-
ember. Talið er fullvíst að Janu-
kovitsj hafi svindlað í kosningunum
og hefur Júsjenko sem og Evrópu-
sambandið farið fram á að kosning-
arnar verði endurteknar.
Spennan í landinu hefur stig-
magnast undanfarna viku og nú
krefst stjórnarandstaðan þess að
Kútsjma reki Janukovitsj úr starfi.
Kútsjma er yfirlýstur stuðnings-
maður Janukovitsj. Stjórnarand-
staðan krefst þess líka að ríkis-
stjórar í nokkrum héruðum í aust-
urhluta landsins, sem hótuðu að-
skilnaði frá vesturhlutanum, verði
reknir. Einnig er þess krafist að
stokkað verði upp í yfirkjörstjórn
landsins en þingið samþykkti í gær
vantraust á yfirkjörstjórnina.
Um hundrað þúsund manns mót-
mæltu á götum Kænugarðs, höfuð-
borgar Úkraínu, í gær. Langflestir
þeirra eru stuðningsmenn Júsjen-
ko. Tímósjenko ávarpaði fjöldann í
gær og sagði að ef Kútsjma yrði
ekki við kröfum stjórnarandstöð-
unnar myndi hann verða sóttur til
saka fyrir glæpi gegn eigin þjóð. Í
kjölfarið hrópaði mannfjöldinn
slagorð: „Niður með Kútsjma“.
Fulltrúar Júsjenko og Janukovit-
sj hafa fundað undanfarna daga um
lausn deilunnar en lítið hefur þokað.
Fulltrúar Janukovitsj hafa meðal
annars farið fram á að Júsjenko
beiti sér fyrir því að stöðva mót-
mælin á götum borgarinnar en
Júsjenko hefur þvertekið fyrir það.
Hæstiréttur Úkraínu fjallar í
dag um áfrýjun Júsjenko vegna
kosningaúrslitanna og framkvæmd
kosninganna sem var talin
ólýðræðisleg. Fulltrúar Janukovitsj
hafa gefið í skyn að rétturinn hafi
ekki heimild til að ógilda kosingarn-
ar en Júsjenko vísar því á bug. ■
Umferðarþing:
Vill mislæg
gatnamót
UMFERÐARMÁL Umferðarþing sem
fram fór um helgina skoraði á
borgaryfirvöld í Reykjavík að
beita sér fyrir því að sem fyrst
verði ráðist í byggingu mislægra
gatnamóta Miklubrautar og
Kringlumýrarbrautar. Umferðar-
stofa og samgönguráðuneytið
standa að þinginu þar sem fjallað
er um umferðaröryggismál.
Í tillögunni sagði að um gatna-
mótin færu um 85.000 bílar á
sólarhring og að þau séu mestu
slysagatnamót landsins. Talið sé
að vel hönnuð mislæg gatnamót
geti fækkað slysum á þessum stað
um 80% - 90%. - ghg
Uppbygging í Laugardal:
Ákvörðun
frestað
BORGARMÁL Borgarráð Reykjavík-
ur frestaði ákvörðun um hvenær
uppbygging mannvirkja á Laug-
ardalsvelli gæti hafist. Borgar-
ráði barst bréf frá borgarverk-
fræðingi þar sem leitað var eftir
samþykki til að hefja fram-
kvæmdir nú þegar við nýja skrif-
stofubyggingu KSÍ en sú fram-
kvæmd verður alfarið á vegum
KSÍ. Hins vegar var ekki farið
fram á leyfi til þess að hefjast
handa við þann hluta fram-
kvæmda sem kostaður verður af
ríkinu þar sem marktæk kostnað-
aráætlun liggur ekki fyrir. ■
VEISTU SVARIÐ?
1Hvað heitir hofið sem indversk stjórn-völd hafa ákveðið að hafa opið fyrir
ferðamenn á nóttunni?
2Hvað heitir samgönguráðherra?
3Um framtíð hvaða skóla hefur veriðdeilt í bæjarstjórn Dalvíkur?
Svörin eru á bls. 30
edda.is
Jólaleikritið
Ævintýrið um Augastein
er komið aftur í
Tjarnarbíó. Sýningar
verða út desember.
Nánar á www.senan.is
Tilboðsverð
1.990 kr.
Fullt verð 2.990 kr.
BAGDAD
Ali al-Sistani sjía-klerkur hvetur fólk til að
kjósa í kosningunum á þessu veggspjaldi.
Írak:
Kosningum
ekki frestað
ÍRAK, AP Thair al-Naqeeb, talsmað-
ur Ayad Allawi forsætisráðherra
bráðabirgðastjórnar Íraks, segir
að stjórnin sé staðráðin í að halda
kosningarnar 30. janúar.
Tíu stjórnmálaflokkar í Írak
hvöttu til þess í fyrradag að kosn-
ingunum yrði frestað um eitt ár.
Rökin fyrir því voru að ástandið í
landinu væri ótryggt vegna
hryðjuverkaárása og undirbún-
ingur væri ófullnægjandi. Súnní-
klerkar hafa hótað að sniðganga
kosningarnar verði þær haldnar
30. janúar. Al-Naqeeb sagðist
vona að til þess kæmi ekki. Mikil-
vægt væri að ná samstöðu um
kosningarnar. ■
ÓK Á 118 KÍLÓMETRA HRAÐA
Einn ökumaður var kærður fyrir
of hraðan akstur á Reykjanes-
braut aðfaranótt sunnudags.
Hann mældist á 118 km hraða
þar sem leyfður hámarkshraði er
90 km.
TEKINN AF NÚMERUM Lögreglan
í Keflavík tók skráningarnúmer af
einni bifreið vegna vanbúnaðar og
vanrækslu á að mæta til skoðunar
og einn ökumaður var kærður fyr-
ir að nota ekki öryggisbelti.
GATNAMÓT KRINGLUMÝRARBRAUT-
AR OG MIKLUBRAUTAR
Umferðarþing telur að fækka megi slysum
á þessum fjölförnu gatnamótum um 80 -
90% með mislægum gatnamótum.
■ LÖGREGLUFRÉTTIR
SAMGÖNGUR Víða þyrfti að lækka
hámarkshaða úr 90 kílómetrum á
klukkustund upp í 80 yrðu reglur
Norðmanna um leyfilegan akst-
urshraða á tveggja akgreina þjóð-
vegum teknar upp hér á landi. Það
er niðurstaða rannsóknar sem
Línuhönnun gerði fyrir Vegagerð-
ina.
Jón Rögnvaldsson vegamála-
stjóri segir sambærilegar rann-
sóknir hafa verið gerðar annars
staðar á Norðurlöndum. Ekki eigi
að breyta reglum í samræmi við
niðurstöður hennar.
„Hitt er svo annað mál hvort
gerðar verða breytingar við
endurskoðun á umferðarlögun-
um,“ segir Jón. Hann reikni með
að tillögur verði lagðar fyrir Al-
þingi í vetur.
Í skýrslu Línuhönnunar kemur
fram að lækka þyrfti hámarks-
hraða á Vesturlandsvegi, milli
Þingvallavegar og Borgarfjarðar-
brautar, Norðurlandsvegi, milli
Blönduóss og Sauðárkróksbrautar,
og Vestjarðavegi, um Bröttu-
brekku, niður í 80 kílómetra sé
höfð hliðsjón af aðferðum Norð-
manna. Um Bröttubrekku þyrfti
hraðinn jafnvel að fara niður í 70
kílómetra á klukkustund. - gag
Vegamálastjóri býst við endurskoðun á umferðarlögum:
Lækka þyrfti hámarkshraða á þjóðvegum
Á SUÐURLANDSVEGI
Ekki stendur til að lækka hámarkshraða niður í 80 eins og gert yrði ef norskar reglur væru
hafðar til viðmiðunar.
BARNAEFNI Þýska sjónvarpsstöðin
Super RTL hefur ákveðið að sýna
sjónvarpsþáttinn um íbúa Lata-
bæjar. Sjónvarpsstöðin er sú
fjórða sem undirritar samning við
fyrirtækið LazyTown Entertain-
ment.
Ágúst Freyr Ingason, aðstoðar-
forstjóri Latabæjar, segir Super
RTL vera með mesta áhorf barna
í Þýskalandi. Auk þess að sýna
þáttinn verði sjónvarpsstöðin
þeim innan handar við vöruþróun.
Stefnt sé á sýningu þáttanna
næsta haust þar sem þýða verði
barnaefnið yfir á þýsku.
Sýningar á Latabæ hófust á
bandarísku sjónvarpsstöðinni
Nickelodeon 16. ágúst. Samningar
hafa einnig náðst við Ríkissjón-
varpið og kanadísku sjónvarps-
stöðina YTV. Þar ytra fer þáttur-
inn í loftið 6. desember: „Þeir
vildu drífa í sýningu þáttanna
enda geta þeir það þar sem þeir
nota ensku útgáfu þeirra.“
Ágúst segir að unnið sé að
framleiðslu 32 þátta af 34 sem
verði í fyrstu seríu. Ekki hafi ver-
ið teknar ákvarðanir um frekari
framleiðslu þáttanna á þessu stigi
en þeir hafi hlotið meira áhorf en
vænst hafði verið.
- gag
Íslenskt barnaefni á þremur erlendum sjónvarpsstöðvum:
Þýsk sjónvarpsstöð
sýnir Latabæ
GLANNI GLÆPUR HEITIR Á ENSKU ROBBIE ROTTEN
Stefán Karl Stefánsson leikur Glanna glæp í Latabæ. Undirritaður hefur verið samningur
um sýningar á þættinum í fjórum löndum.
JÚLÍA TÍMÓSJENKO ÁVARPAR FJÖLDANN
Tímósjenko, einn helsti stuðningsmaður Júsjenko, sagði að ef Kútsjma verði ekki við kröf-
um stjórnarandstöðunnar verði hann sóttur til saka fyrir glæpi gegn eigin þjóð.