Fréttablaðið - 29.11.2004, Page 8

29. nóvember 2004 MÁNUDAGUR
Samstarfsverkefni:
Rannsaka
líðan lækna
HEILBRIGÐISMÁL Hleypt hefur verið
af stokkunum rannsókn á heilsu,
lífsstíl og starfsskilyrðum lækna
á Íslandi.
Allir læknar á Íslandi með gilt
lækningaleyfi þann 30. júní á
þessu ári og búsettir eru hér á
landi, alls 1.185 læknar, hafa feng-
ið sent boð um þátttöku.
Rannsókninni er stýrt af fag-
fólki, meðal annars á sviði félags-
vísinda og vinnuverndar. Hún tek-
ur mið af fyrri rannsóknum í sam-
ráði við hóp íslenskra lækna frá
mismunandi sérgreinum og
vinnustöðum. Hún er hluti af er-
lendu samstarfsverkefni í Noregi,
Svíþjóð og á Ítalíu. Íslenskir og
norskir læknar ríða nú á vaðið að
leggja fyrir spurningalista en Sví-
ar og Ítalir munu fylgja fast á eft-
ir.
Gefst með þessari rannsókn
mikilvægt tækifæri til að afla
þekkingar á stöðu og starfsum-
hverfi íslensku læknastéttarinnar
í samanburði við erlenda starfs-
félaga. - jss
„Kvalinn eins
og ég væri
að fæða
barn.”
– hefur þú séð DV í dag?
GUÐNI ÁGÚSTSSON
FLUTTUR Í
SNARHASTI Á
BRÁÐAMÓTTÖKU
LANDSPÍTALANS
Ragnar Arnalds:
MARÍU
MESSA
,,Karlar höggvist
og konur drekkist”
Þannig var boðskapur Stóradóms.
Mál hennar vakti furðu.
Hún bætti gráu ofan á svart.
Og brátt var lífi hennar ógnað.
Var það kraftaverk eða guðlast?
Var hún saklaus eða dauðasek?
Skáldsaga um einstætt lífshlaup ungrar konu.
Lesið upphaf sögunnar: www.krabbinn.is
krabbinn.is
NÁTTÚRUFAR Óttast er að skaðvald-
ur af sniglastofni sé að nema hér
land, en hann hefur farið mikinn í
Evrópu. „Hann heitir Spánarsnig-
ill og er ættaður frá Íberíuskaga.
Síðustu áratugi hefur hann verið
að dreifast norðvestur á bóginn í
Evrópu,“ segir Erling Ólafsson,
skordýrafræðingur á Náttúru-
fræðistofnun Íslands. Hann segir
vita til þess að snigillinn hafi
numið land í Svíþjóð, Dan-
mörku, Noregi og Færeyjum.
„Það er algjör sprenging í
fjölgun hans.“
Erling segir snigilinn eng-
an aufúsugest. „Þetta er mik-
il skepna og stór. Flestir
þekkja svartsnigilinn okkar.
Þessi er svona helmingi
stærri, rauður á lit og mikið
átvagl því hann étur allt sem
fyrir verður. Hann fer í
blómabeðin og étur þau. Svo fer
hann í matjurtagarðinn, en er þó
ekki mjög hrifinn af kryddjurtum
og lyktarsterkum plöntum.“ Á
ensku er snigillinn kallaður Killer
slug, enda lætur hann ekki nægja
að leggjast á gróður heldur drep-
ur hann líka smærri snigla og
skordýr og étur. Þá segir Erling
ekkert gagn hafandi af sniglinum
því hann sé með öllu óætur. „Rott-
urnar vilja hann ekki einu sinni,
hann er svo slímugur,“ segir hann,
en snigillinn ver sig
með mikilli slímfram-
leiðslu.
Hingað til segir Erling snigil-
inn bara hafa fundist tvisvar, í
sumar og í fyrrasumar, bæði
skiptin í Reykjavík. Einnig hafa
þó borist óstaðfestar fregnir af
því að snigillinn hafi fundist í
Hveragerði. „Ég hef ekki heyrt af
því, en það er ekki ólíklegt því þar
myndi hann lifa góðu lífi á háhita-
svæðunum.“ Erling segir snigil-
inn þola illa mjög mikil frost, en
þó ætti hann að lifa af veturinn
hér, að minnsta kosti á höfuðborg-
arsvæðinu og víða á Suðurlandi.
„Snigillinn er mjög illa þokkaður
hér í nágrannalöndunum og menn
hafa engin ráð með að losna við
hann því hann fjölgar sér alveg
hreint eins og kanína,“ segir Er-
ling og bætir við að hann hafi ekki
trú á að það náist að hemja vöxt
snigilsins hér, nái hann sér á ann-
að borð á strik. „Það er kannski
fullmikið sagt að hann hafi numið
hér land, en fyrst búið er að finna
hann tvisvar er að minnsta kosti
hægt að tala um að hann banki á
dyrnar.“
- óká
Rotturnar fúlsa
við sniglinum
Óttast er að risasnigill frá Spáni sé við það að nema hér land. Snigillinn
er átvagl sem leggst á gróður, er óætur með öllu og fjölgar sér hratt.
Stofninn hefur fært sig í norðvestur í Evrópu síðustu ár og stækkar ört.
ERLING
ÓLAFSSON
SKAÐVALDUR Á FERÐ
Vitað er um tvö staðfest tilvik þar sem Spánarsnigillinn hefur fundist í
Reykjavík: síðasta sumar og sumarið þar áður. Hann er talinn mikill skað-
valdur, enda leggst hann á gróður og fjölgar sér eins og kanína.
FJÁRLÖG Virkjunar- og stóriðju-
framkvæmdir á Austurlandi
segja til sín í aukinni heilsugæslu-
þjónustu. Í aukafjárlögum fær
Heilbrigðisstofnun Austurlands
25 milljóna króna fjárveitingu og
er það annars vegar 15 milljónir
króna vegna aukinnar heilsu-
gæsluþjónustu í kjölfar stóriðju-
framkvæmda á Austurlandi.
Í greinargerð segir að vegna
framkvæmda við álver, jarðgöng
og virkjun hafi álag á heilsugæsl-
una aukist verulega þegar á fyrri
hluta ársins 2004. Nú sé aðeins
einn læknir starfandi á þessu
svæði og nauðsynlegt sé að bæta
við þjónustu læknis og hjúkrunar-
fræðings þegar á þessu ári. Hins
vegar eiga 10 milljónir króna til
viðbótar að renna til aukinnar
heilsugæsluþjónustu á Egilsstöð-
um. Nefnt er að komum á heilsu-
gæslustöðina á Egilsstöðum hafi
fjölgað um 11 prósent á árinu
2003. Auk þess séu samskipti við
þá fjölmörgu útlendinga sem
koma þangað tímafrekari sökum
tungumálaerfiðleika og tilfellin
að jafnaði erfiðari og flóknari en
hjá öðrum skjólstæðingum stofn-
unarinnar. - eg
Álag á heilsugæslustöðvar á Austurlandi eykst:
Ríkið veitir aukið
fé til heilsugæslu
FJÓRÐUNGSSJÚKRAHÚSIÐ
Í NESKAUPSTAÐ
Heilbrigðisstofnun Austurlands fær 25
milljóna króna fjárveitingu í aukafjárlögum.