Fréttablaðið - 07.11.2004, Blaðsíða 2

2 7. nóvember 2004 SUNNUDAGUR
Fulltrúar ákveði
framtíð Þórólfs
Forsætisráðherra segir það borgarfulltrúa R-listans að ákveða hvort
Þórólfur Árnason verði áfram borgarstjóri. Hann segir Þórólf hafa
staðið sig óaðfinnanlega í starfi borgarstjóra. Verðsamráð óafsakanlegt.
VERÐSAMRÁÐ Þórólfur Árnason
borgarstjóri hefur hæfileika og
burði til að gegna áfram starfi
borgarstjóra að mati Halldórs Ás-
grímssonar forsætisráðherra.
Hann segir stöðu borgarstjórans
vera erfiða vegna þátttöku hans í
verðsamráði olíufélaganna og að-
spurður hvort hann beri traust til
Þórólfs sagði Halldór að hann
sitji ekki í borgarstjórn og að
hann treysti borgarfulltrúum
flokksins fullkomlega til að kom-
ast að niðurstöðu um framtíð Þór-
ólfs. „Þegar svona mál koma upp
þá verður hver og einn að eiga
það við sjálfan sig og sitt nánasta
bakland. Það er enginn sem getur
komið til hjálpar í þeirri ákvörð-
un og ég tel að borgarfulltrúarnir
verði að taka ákvörðun um það
sem fyrst.“
Halldór segist óska Þórólfi alls
góðs ef hann sitji áfram sem
borgarstjóri en fram til þessa
hafi hann staðið sig mjög vel í
sínu starfi og framkoma hans
sem borgarstjóra hafi verið óað-
finnanleg.
Niðurstaða samkeppnisráðs
um samráð olíufélaganna er mjög
alvarleg að mati forsætisráð-
herra og samráðið óafsakanlegt.
Þessi skýrsla sé þó dómur yfir
fyrirtækjum en ekki fólki. Hins
vegar sé ljóst að fólk hafi stýrt
fyrirtækjunum og þeir sem voru
þar æðstir beri að sjálfsögðu
mesta ábyrgð á samráðinu.
Aðspurður um rannsókn Ríkis-
lögreglustjóra á þætti einstak-
linga í samráðinu segir Halldór
að hann hafi ekki talað við
nokkurn mann hjá ríkislögreglu-
stjóra um þetta mál. Embættið
hafi fengið sérstaka fjárveitingu
fyrr á þessu ári til þess að hraða
málum sem þar eru til rannsókn-
ar. Það sé þó ekki í hans verka-
hring að skipta sér að slíkum
rannsóknum.
Halldór segir að niðurstaða
samkeppnisráðs sanni að það sé
virkt eftirlit með viðskiptalífinu
og hann segist aðspurður ekki
þykja það óþægilegt að framsókn-
armaður hafi gegnt stöðu við-
skiptaráðherra þann tíma sem
verðsamráð olíufélaganna fór
fram. Hann segir að niðurstaðan
nú sýni að ríkisstjórninni hafi tek-
ist að breyta samkeppnisum-
hverfi á Íslandi. Það sem þarna
hafi átt sér stað sé hluti af fortíð-
inni.
ghg@frettabladid.is
Nei, ég spila aldrei dauðarokk
heldur techno-tónlist.
Frímann Andrésson er útfararstjóri að deginum,
en um helgar er hann plötusnúður á ölstofum
miðborgarinnar.
SPURNING DAGSINS
Frímann, spilarðu dauðarokk?
Bann við línuveiðum á sunnanverðum Breiðafirði:
200 manna vinnustað lokað
LÍNUVEIÐAR Allar línuveiðar á
sunnanverðum Breiðafirði hafa
verið bannaðar ótímabundið frá
miðnætti. Stjórn smábátafélags-
ins Snæfells á Snæfellsnesi seg-
ir að með lokuninni séu mögu-
leikar smábáta til sjósóknar
stórlega skertir og atvinnuör-
yggi hundraða sjómanna, beit-
ingafólks og fiskverkafólks
stefnt í voða.
Símon M. Sturluson, formað-
ur Snæfells, segir ótímabundna
lokun hafa komið smábátaeig-
endum í opna skjöldu. Þeir missi
sjötíu til áttatíu prósent veiði-
svæðisins. Um tvö hundruð
manna vinnustað hafi verið lok-
að með tveggja daga fyrirvara:
„Þetta lokar á alla trilluút-
gerð. Það er það langt að sækja
á ný mið. Áhrifin verða mest í
Grundarfirði og hér innfrá,“
segir Símon sem gerir út frá
Stykkishólmi. Slægingarþjón-
usta, beitingarþjónusta og fisk-
markaðir verði fyrir barðinu á
lokuninni. Margfeldisáhrifin
séu mikil.
Í ályktun félagsins sem lögð
var fram eftir neyðarfund í gær
er frekari rannsókna krafist
áður en jafn róttæk og íþyngj-
andi ákvörðun sé tekin. – gag
RAUÐU SVÆÐIN LOKUÐ
FYRIR LÍNUVEIÐUM
Svæðunum hafði verið lokað reglulega
frá september. Þeim hefur nú verið lokað
ótímabundið.
SÍMON M. STURLUSON
Segir trillusjómenn missa sjötíu til átta-
tíu prósent veiðisvæðisins vegna lokun-
arinnar.
Hogriders-meðlimirnir:
Farnir úr
landi
LÖGREGLA Allir meðlimir dönsku
bifhjólasamtakanna Hogriders,
sem komu til Keflavíkur á föstu-
dag, eru farnir úr landi. Aðgerðir
gengu mjög vel fyrir sig, að sögn
varðstjóra á Keflavíkurflugfelli,
en menn frá Ríkislögreglustjóra
aðstoðuðu við flutninginn. Ekki er
búist við neinum eftirmálum
vegna þessa. - ej
STÓRIÐJA Farið er fram á það í
skýrslu nefndar Framsóknar-
flokksins um atvinnu- og byggða-
mál í Norðvesturkjördæmi að rík-
isstjórnin ákveði formlega að
næsta uppbygging stóriðju verði
á norðanverðu Norðvesturlandi
og orka þess svæðis verði nýtt til
uppbyggingarinnar.
Valgerður Sverrisdóttir, iðnað-
ar- og viðskiptaráðherra, segir að
þetta séu ekki nýjar hugmyndir
og nokkrir staðir á Norðurlandi
komi til greina undir stóriðju.
Skagafjörður sé einn af þeim,
meðal annars vegna virkjana-
möguleika þar. Hins vegar sé
stóriðju líka krafist á Norðaustur-
landi, bæði í Eyjafirði og á svæð-
inu í kringum Húsavík.
Hún segir ekki ganga upp að
vera með stóriðju á tveimur stöð-
um á Norðurlandi og leggur þess
vegna áherslu á að menn vinni
saman í stóriðjumálum á Norður-
landi. „Við vitum ekki núna hvaða
kostur verður fyrir valinu. Það er
ekki útilokað að það verði stór-
iðjuuppbygging á Norðurlandi en
staðsetning er algjörlega óljós.“
- ghg
VALGERÐUR SVERRISDÓTTIR
Sat fund framsóknarmanna í Norðvesturkjördæmi í gær þar sem lögð var fram skýrsla um
að stóriðja verði reist í kjördæminu.
Framsóknarmenn:
Vilja stóriðju í kjördæmið
HALLDÓR ÁSGRÍMSSON
Á fundi kjördæmisþings í Norðvesturkjördæmi í Borgarnesi í gær.
FR
ÉT
TA
B
LA
Ð
IÐ
/E
IR
ÍK
U
R
KR
IS
TÓ
FE
R
SS
O
N
England:
Mannskætt
lestarslys
ENGLAND Alvarlegt lestarlsys varð
milli Reading og Newport í gær-
kvöld. Ekki er vitað hversu margir
létust en samkvæmt fréttum BBC
í gærkvöld var staðfest að nokkrir
hefðu látist og 130 slasast.
Lestin klessti á bíl sem var á
lestarteinunum með þeim afleið-
ingum að níu lestarvagnar fóru út
af sporinu og bíllinn gjöreyðilagð-
ist. Björgunarmenn komu fljót-
lega á vettvang en björgunarstarf
var mjög erfitt þar sem fjöldi
fólks var fast inni í vögnunum.
Björgunarstarf var enn í gangi
þegar Fréttablaðið fór í prentun í
gær. - th
AHMED QUREIA
Fundaði með Hamas og Jihad.
Arafat við dauðans dyr:
Óttast óeirðir
PALESTÍNA, AP Jasser Arafat, forseti
Palestínu, liggur enn lífshættulega
veikur á Percy sjúkrahúsinu nærri
París. Heimildir herma að hann sé
við dauðans dyr og batahorfur séu
litlar sem engar.
Óttast er að uppþot verði þegar
Arafat deyi. Ahmed Qureia, for-
sætisráðherra Palstínu, hefur
hvatt fólk til að sína stillingu. Hann
fundaði í fyrsta skiptið á sínum
pólitíska ferli með leiðtogum Ham-
as og Jihad í gær. Eftir fundinn
sagði hann að leiðtogarnir hefðu
samþykkt að reyna að halda frið-
inn. ■
KRISTINN H. GUNNARSSON
Sagði á fundi framsóknarmanna í eigin
kjördæmi að hann yrði hvorki barinn til
bókarinnar né hrakinn úr flokknum.
Kristinn H. Gunnarsson:
Verður ekki
hrakinn burt
STJÓRNMÁL „Ég verð ekki barinn til
bókarinnar.“ Þetta sagði Kristinn
Gunnarsson, þingmaður Fram-
sóknarflokksins, á kjördæmaþingi
flokksins sem fram fór í Borgarn-
esi í gær. Í ræðu sinni kom hann
inn á deilu sína við forystu Fram-
sóknarflokksins sem leiddi til þess
að hann var ekki valinn til nefndar-
setu á alþingi fyrir hönd flokksins.
Kristinn sagðist tilbúinn til að
ræða við menn um málefni og um
sjálfan sig en hann yrði hvorki bar-
inn til bókarinnar né hrakinn úr
flokknum. Hann sagði sjónarmið
sín eiga mikinn hljómgrunn meðal
kjósenda flokksins og þess vegna
ætti hann samleið með flokknum.
- ghg
02-03 6.11.2004 22:38 Page 2