Fréttablaðið - 07.11.2004, Blaðsíða 20
Áður en þú byrjar í nýrri vinnu er gott að leggjast í smá
heimavinnu. Reyndu að komast að öllu um fyrirtækið sem þú
munt vinna fyrir. Farðu á heimasíðuna, lestu um vörur og
þjónustu sem fyrirtækið veitir og hvaða starfsmannastefnu það
hefur. Prófaðu að hringja í vini þína og athuga hvort þeir þekk-
ja einhvern sem þú munt vinna með. Þetta skilar sér.
Ýmsar annir og umsvif fylgja jólahaldi landsmanna
og því fjölgar vinnustundum og þar af leiðandi
starfsfólki hjá mörgum vinnustöðum, ekki síst í
verslun og þjónustu. Fjölgun starfsfólks blasir við en
hvaða starfsfólk er það? Er minna atvinnuleysi í des-
ember en aðra mánuði ársins eða kemur þetta nýja
vinnuafl beint út úr menntastofnunum landsins?
Elías Magnússon, forstöðumaður kjarasviðs VR, tel-
ur svo vera. „Skólafólkið tínist reyndar seinna inn á
vinnumarkaðinn núna en oft áður því skólarnir eru
lengur fyrir jól en áður var. Stór hópur námsmanna
vinnur með skólanum, kannski eina vakt í viku og
kemur svo inn í fullt starf fyrir jól. „Æ sjaldgæfara
verður að nýtt og reynslulítið fólk sé ráðið í jólatörn-
ina enda hún kannski ekki rétti tíminn til að þjálfa
upp nýtt starfsfólk. Aðspurður um aldursdreifingu í
þessi „jóla“störf telur Elías að þó að 14-15 ára krakk-
ar megi vinna létt störf sé ekki mikið um svo unga
starfsmenn heldur sé mest um framhaldsskólanem-
endur að ræða.
Andrés Magnússon, starfsmannastjóri Íslands-
pósts, segir að þar á bæ sé álagið slíkt að mikið sé
ráðið af fólki fyrir jólin, eða á þriðja hundrað manns.
Jólabréfberar séu meira og minna skólafólk. „Jóla-
starfsmenn eru að jafnaði framhaldsskólanemar en
háskólastúdentar koma líka hingað í vinnu fyrir jól-
in. Enda mikið af pósti sem fer í gegnum Íslandspóst
á þessum tíma sem þarf að skila til viðtakenda. Í
mörgum tilfellum eru þetta starfsmenn sem hafa
unnið að sumri til, kunna vel til verka og koma svo
inn og vinna viku tíu daga fyrir jól.“ Í sama streng
tekur Anna Margrét Jónsdóttir, starfsmannastjóri
Hagkaupa. „Við byrjum á því að bjóða þeim sem hafa
unnið í hlutastarfi hjá okkur um kvöld og helgar að
koma inn í fulla vinnu á þessum álagstíma. Það er
mikið um það að skólakrakkar séu að drýgja tekjurn-
ar og vinna um kvöld og helgar með skólanum og
þegar fríin koma eru þau yfirleitt tilbúin að koma í
fullt starf. Við erum með svo frábært starfsfólk á
þessum vöktum að ég er ekki viss um að við þurfum
að ráða marga aukalega fyrir þessi jól.“ Þetta auka-
starfsfólk Hagkaupa er mest framhaldsskólanemar
og ekki er ráðið yngra fólk en sextán ára. Aukafólk-
ið starfar yfirleitt á afgreiðslukössunum og svo við
afgreiðslu inni í versluninni, til dæmis í bókadeild-
unum sem stækka mjög fyrir jólin. Anna Margrét
býst við því að ráða einhverja tugi af nýju fólki inn í
Hagkaupsverslanirnar til að mæta jólaösinni með
bros á vör. ■
Atvinnumöguleikar blikksmiða eru
góðir. Þeir smíða meðal annars loft-
ræstikerfi og sjá um uppsetningu þeir-
ra og viðhald og einnig setja þeir
klæðningar á hús og mannvirki. Bíla-
iðnaðurinn hefur líka þörf fyrir þeirra
starfskrafta.
NÁMIÐ: Nám í blikksmíði tekur fjögur
ár, þar af eru sex annir í skóla og 15
mánuðir í starfsþjálfun hjá fyrirtæki í
faginu. Það er alls um 120 einingar og
lýkur með sveinsprófi. Fyrri hlutinn er
kenndur við Iðnskólana og ýmsa
framhaldsskóla á landinu en Borgar-
holtsskóli er sá eini sem býður upp á
nám á 5. og 6. önn, samkvæmt nýrri
námskrá.
HELSTU NÁMSGREINAR: Grunnteikn-
ing, efnisfræði, handavinna, renni-
smíði, plötuvinna, aflvélafræði, iðn-
teikning, tölvuteikning, umhverfis-
fræði, stýritækni, tölvustýrðar vélar og
loftræstingar. Auk sérgreina eru al-
mennar bóklegar greinar eins og ís-
lenska, enska, danska og stærðfræði.
Verkleg þjálfun og tilsögn fer fram hjá
fyrirtæki í faginu.
NÁMSTÍMI: 4 ár.
FRAMHALDSNÁM: Margir möguleikar
eru á framhaldsnámi að loknu sveins-
prófi, t.d. meistaranámi, sem veitir
réttindi til að reka eigið fyrirtæki og
að taka nema á námssamning. Einnig
er hægt að læra iðnfræði eða taka
tæknistúdentspróf og hefja nám í
tækni- eða verkfræði við háskóla hér-
lendis eða erlendis að uppfylltum inn-
tökuskilyrðum viðkomandi skóla.
Einkunnir nemenda á háskóla-
stigi segja ekki hálfa söguna um
hvernig þeir muni standa sig í
vinnu. Þetta kemur fram í nýrri
skýrslu sem prófessor Robert
Burgess, aðstoðarrektor við Leic-
ester-háskóla, vann fyrir stuttu.
Samkvæmt Burgess er eink-
unnakerfið í breskum skólum úr-
elt og veitir vinnuveitendum ekki
nægilegar upplýsingar um við-
komandi nemanda. Burgess legg-
ur til að nákvæmnar skýrslur séu
unnar fyrir hvern nemenda til að
gagnast vinnuveitendum. Enn
fremur segir Burgess að nauð-
synlegt sé að koma upp matskerfi
sem endurspeglar kosti og galla
nemenda og hjálpar vinnuveit-
endum að ráða réttu manneskj-
una í starfið sem er laust hverju
sinni. ■
Múlalundarmöppur sem reyndar
heita Eglu bréfabindi eru áreið-
anlega til í velflestum fyrirtækj-
um landsins og gott ef ekki heim-
ilum líka. Þær eru framleiddar í
stærstu og elstu öryrkjavinnu-
stofu landsins, Múlalundi, þar
sem fólk með skerta starfsorku á
þess kost að vinna. „Hér eru al-
veg feikinóg verkefni enda selj-
ast möppur grimmt upp úr ára-
mótum þegar uppgjör fyrirtækja
og stofnana eiga sér stað. Við
byrjum að framleiða þær af
kappi strax á haustin,“ segir
Helga Karlsdóttir, launafulltrúi
Múlalundar. Möppurnar eru þó
bara ein af mörgum framleiðslu-
vörum fyrirtækisins þó að þær
séu kannski þekktastar. Þar eru
líka búnar til lausblaðabækur og
plastmöppur, einnig dagatöl og
hulstur og meira að segja pennar,
skrúfblýantar, heftarar og gatar-
ar. Sem sagt alls konar hlutir á
skrifstofuna. Eftirspurn eftir
vörunum er mikil að sögn Helgu.
„Hér er unnið mjög gott starf og
við gætum haft miklu fleiri í
vinnu ef við fengjum meiri styr-
ki frá ríki og borg,“ segir hún og
bætir við að reksturinn hafi
reyndar staðið undir sér á síð-
ustu árum. Í Múlalundi vinna
rúmlega 50 manns í hlutastörf-
um. Helga segir áfyllingu blek-
hylkja fyrir prentara nýjung í
starfseminni sem sé að fara í
gang. „Þá endurnýtum við gömlu
hylkin og það hlýtur að teljast
umhverfisvænt,“ segir hún glað-
lega. ■
Einkunnir á háskólastigi:
Hjálpa ekki vinnuveitendum
Háar einkunnir í háskóla endurspegla ekki endilega vinnugetu nemanda.
FR
ÉT
TA
B
LA
Ð
IÐ
/V
IL
H
EL
M
Þannig verður maður:
Blikksmiður
Loftræstikerfin eru stór og flókin fyrir-
bæri. Þau eru búin til af blikksmiðum.
Vinnustofa Múlalundar:
Framleiðir
möppur af kappi
FR
ÉT
TA
B
LA
Ð
IÐ
/V
AL
LI
Starfsfólk Múlalundar býr til marga
nytsama og fallega hluti sem henta
hvort tveggja á skrifstofu og heimili.
Íslandspóstur ræður næstum þrjúhunduð aukastarfsmenn fyrir jólin enda liggur á að bera út kort og gjafir.
Hverjir vinna fyrir jól?
Skólafólk helst ráðið á álagstímum
Þegar nær dregur jólum verður stöðugt meira að gera í versl-
unum og verslanamiðstöðvum.
20-21 (02-03) Atvinna 6.11.2004 21:39 Page 2