Fréttablaðið - 17.11.2004, Blaðsíða 38

30 17. nóvember 2004 MIÐVIKUDAGUR
ÞEMADAGSKRÁ –
RÖDD ÍSLANDS Í AL-
ÞJÓÐLEGU SAMHENGI:
Heimsins tregafyllsta tónlist
(The Saddest Music in the World)
Heimsins tregafyllsta tónlist á sér stað í eilítið ann-
arlegri útgáfu af borginni Winnipeg árið 1933.
Kreppan er í algleymingi og ákveður bjórverk-
smiðjueigandinn Lady Port-Huntly (Isabella Rosse-
llini) að efna til alþjóðlegrar samkeppni um
heimsins tregafyllstu tónlist.
Jargo
Jargo fjallar um vináttu tveggja unglingsstráka í
Berlín. Jargo er Þjóðverji alinn upp í Sádi-Arabíu,
sem flyst til Berlínar eftir að faðir hans fyrirfer sér,
en Kamil er Tyrki alinn upp í Berlín.
Rithöfundur með myndavél – Óformleg ævisaga
Ný heimildarmynd og „óformleg ævisaga“ rithöf-
undarins Guðbergs Bergssonar. Myndin byggir á
super-8 kvikmyndum sem Guðbergur tók á ferð-
um sínum og þegar hann dvaldi lengi á Spáni og í
Portúgal. Þessar myndir Guðbergs hafa ekki verið
sýndar opinberlega áður.
Undir stjörnuhimni
(Under stjärnorna / Beneath the Stars)
Undir stjörnuhimni segir frá Friedu Darvel, ungri
suður-afrískri stúlku sem býr á götunni eins og
mörg önnur börn í Höfðaborg. Dag einn slær hún í
gegn í sjónvarpsþættinum Popstars og verður fræg
yfir nótt.
Múrinn
(Schräge Zeit)
Austur-Berlín um miðjan níunda áratuginn meðan
múrinn stóð enn og pönkið, sem haldið hafði inn-
reið sína í Þýska Alþýðulýðveldið nokkrum árum
áður, var lamið niður af hörku að ósk miðstjórnar
kommúnistaflokksins.
Baunir kl. hálf sex
(Erbsen auf Halb 6)
Hilmir Snær Guðnason leikur aðalhutverkið í þess-
ari heillandi ástarsögu þýska leikstjórans Lars
Büchel. Jakob Magnusson (Hilmir Snær) er virtur
leikstjóri sem missir sjónina í bílslysi. Í fyrstu bregst
hann við með afneitun en eftir að hin blinda Lilly
(Fritzi Haberlandt) kemur inn í líf hans tekur hann
að skynja tilveruna í nýju ljósi.
Gerrie og Louise
Í þessari heimildarmynd er varpað ljósi á barátt-
una gegn kynþáttaaðskilnaðarstefnunni í Suður-
Afríku, í gegnum persónulegar frásagnir fyrrum
gerenda og fórnarlamba.
Ferðin langa
(Such a Long Journey)
Verðlaunamynd eftir Vestur-Íslenska leikstjórann
Sturlu Gunnarsson sem byggð er á samnefndri
skáldsögu Rohinton Mistry. Sagan á sér stað í
Bombay árið 1971, árið sem Indland fór í stríð við
Pakistan.
Furðufuglar
(Rare Birds)
Dave er ástríðufullur kokkur sem rekur veitinga-
stað í afskekktri vík á Nýfundnalandi. Það vantar
viðskiptavini og ákveður hann í samráði við hug-
myndaríkan mág sinn að bera út sögur þess efnis
að sést hafi til sjaldgæfrar andategundar víkinni,
andategundar sem almennt er talin útdauð.
Alþjóðlegir íslenskir
kvikmyndagerðarmenn
Alþjóðleg kvikmyndahátíð í
Reykjavík hefst formlega á föstu-
daginn með sýningu myndarinnar
The Saddest Music in the World
eftir Vestur-Íslendinginn Guy
Maddin. Dagskrá hátíðarinnar fer
þó af stað í dag klukkan 19.30 með
sýningu á heimildarmyndinni
Control Room í Listasafni Reykja-
víkur, Hafnarhúsi.
„Það hefur ekki verið haldin
vegleg, alþjóðleg hátíð í Reykja-
vík frá árinu 2001,“ segir Hrönn
Marinósdóttir, framkvæmdastjóri
hátíðarinnar. „Ætlunin er að gera
alþjóðlega kvikmyndahátíð í
Reykjavík að árvissum viðburði
og þessari hátíð er ætlað að vera
upptaktur fyrir fyrstu stóru hátíð-
ina haustið 2005.“
Hátíðin í ár er helguð rödd Ís-
lendinga í alþjóðlegri kvikmynda-
gerð en Hrönn segir að það muni
sjálfsagt koma mörgum á óvart
hversu margir Íslendingar starfa
á þessum vettvangi erlendis. „Við
munum sýna 12 myndir eftir Ís-
lendinga eða fólk af íslensku
bergi brotið sem starfar erlendis.
Allar myndirnar eru leikstjórnar-
verkefni Íslendinga nema þýska
myndin Baunir kl. hálf sex en þar
fer Hilmir Snær Guðnason með
aðalhlutverkið og talar eins og
innfæddur Þjóðverji.“
Stúdentar fá bíómiðann á 600
krónur auk þess sem boðið verður
upp a afsláttarkort þar sem hægt
er að sjá sex myndir fyrir 3000
krónur.
Alls verða 16 myndir sýndar á
hátíðinni auk þess sem staðið
verður fyrir fyrirlestrum, um-
ræðum og málþinginu Kvikmynd-
ir og samfélag sem fer fram á
laugardaginn. „Þingið kallast á
við þema dagskrárinnar en auk
þess verður fjallað sérstaklega
um hlutverk og gildi kvikmynda-
hátíða. Við eigum von á Jannike
Ahlund, stjórnanda Kvikmynda-
hátíðarinnar í Gautaborg og Vest-
ur-Íslendingnum Helgu Stephen-
son, einum stofnenda og stjórn-
enda Kvikmyndahátíðarinnar í
Toronto. Hátíðin í Toronto er af
mörgum talin til stærstu kvik-
myndahátíða í heimi en Helga var
framkvæmdastjóri hátíðarinnar á
þeim árum sem umfang hennar
jókst sem mest og hún varð að
þeirri stórhátíð sem hún er í dag.
Þetta verður fyrsta Íslandsheim-
sókn hennar og á örugglega eftir
að fjalla svolítið um það hvernig
hún fór að því að gera Torontohá-
tíðina svona stóra.“
Hrönn bætir því svo við að á
málþinginu verði ekki aðeins
hugað að menningarlegum
tilgangi kvikmyndahátíða, heldur
einnig fjárhagslegum ávinningi
sem getur verið margvíslegur
fyrir þau ríki og þær borgir sem
fóstra þessar hátíðir.
Alþjóðlega kvikmyndahátíðin í
Reykjavík nýtur stuðnings ríkis-
ins, Reykjavíkurborgar og fleiri
styrktaraðila en Hrönn telur góð-
an grundvöll fyrir stóra, árlega
hátíð í Reykjavík. „Kvikmyndahá-
tíðir hafa verið vinsælar hérna og
menningar- og samfélagslegur
ávinningur af þeim er augljós.
Þessum hátíðum er líka ætlað að
bæta við kvikmyndaúrvalið hér
og stuðla að bættri kvikmynda-
menningu með því að sporna gegn
einsleitni í íslenskir bíómenn-
ingu.“
Vefsíða Alþjóðlegrar kvik-
myndahátíðar í Reykjavík er
filmfest.is.■
HRÖNN MARINÓSDÓTTIR Framkvæmdastjóri Alþjóðlegrar kvikmyndahátíðar í Reykjavík hefur fulla trú á að hægt sé að festa hátíðina
í sessi. Alþjólega hátíðin sem hefst í dag er sú fyrsta í þrjú ár og á að vera upptaktur fyrir enn stæri veislu næsta haust.
38-39 auka fólk (30-31) 16.11.2004 19:00 Page 2