Fréttablaðið - 21.11.2004, Blaðsíða 4

4 21. nóvember 2004 SUNNUDAGUR
Vinstri grænir:
Vilja hætta miðstýrðum
samræmdum prófum
STJÓRNMÁL Menntakerfið er allt of
miðstýrt og því verður að draga
úr vægi aðalnámskrár og hætta að
leggja samræmd próf fyrir nem-
endur grunnskólans. Þetta er nið-
urstaða hóps sem fjallaði um
menntamál á Flokksráðsfundi
Vinstrihreyfingarinnar – græns
framboðs í gær.
Katrín Jakobsdóttir, varafor-
maður flokksins, stýrði hópnum.
Hún segir að núverandi grunn-
skólastefna sé ekki nægilega ár-
angursrík. Læra verði af öðrum
löndum sem betur hafi gengið.
„Finnar hafa komið vel út í alþjóð-
legum samanburði og könnunum
en þar eru ekki samræmd próf,“
segir Katrín. „Þeir hafa hins veg-
ar stöðluð próf sem kennarar geta
lagt fyrir nemendur þegar þeim
hentar. Þetta er sú leið sem við
leggjum til að verði farin. Það er
tómt mál að tala um fjölbreytni í
skólastarfi þegar það er aðeins
metið út frá fjórum bóklegum
greinum eins og nú er gert.“
Katrín segir að veita verði
skólunum aukið frelsi til að skipu-
leggja sjálfir sitt starf. Nú fari
mikið fé og mannafli í að skil-
greina nákvæmlega allt skóla-
starfið í gegnum aðalnámskrá,
sem væri betur varið í skólunum
sjálfum.
- ghg
Kindur brunnu
inni í Hrútafirði
Eldsvoði kom upp í hlöðu á bænum Hrútatungu í Hrútafirði. Gunnar
Sæmundsson, bóndi í Hrútatungu, fékk snert af reykeitrun þegar hann
bjargaði sauðfé úr fjárhúsunum, en 41 kind brann inni.
BRUNI Fjörutíu og ein sauðkind
brann inni í eldsvoða í úthúsi á
bænum Hrútatungu í botni Hrúta-
fjarðar í fyrrakvöld. Eldurinn
kom upp í hlöðu sem er sambyggð
fjárhúsunum. Gunnar Sæmunds-
son, bóndi í Hrútatungu, náði að
hleypa fénu út úr fjárhúsunum en
kindunum sem voru í hlöðunni
varð ekki bjargað. Gunnar fékk
snert af reykeitrun og var fluttur
á heilbrigðisstofnunina á
Hvammstanga, þar sem hann
dvaldi yfir nóttina.
Gunnar er viss um að eldurinn
hafi komið upp í dráttarvél sem
hann hafði lagt inni í hlöðunni.
„Fyrr um daginn hafði verið erfitt
að koma dráttarvélinni í gang út
af miklu frosti. Þegar ég var bú-
inn að sækja heyrúllur, til að gefa
tvo næstu daga, skildi ég dráttar-
vélina eftir inni í hlöðunni svo það
yrði auðveldara að koma henni í
gang daginn eftir,“ segir Gunnar.
Hann fór úr fjárhúsunum um
klukkan hálf sex. Upp úr klukkan
hálf átta fór rafmagn af íbúðar-
húsinu og þegar Gunnar fór að
leita að vasaljósi varð hann var
við eldinn í hlöðunni. Hann hljóp
út að fjárhúsunum og hleypti fénu
út. Kindurnar sem hýstar voru í
hlöðunni brunnu inni en búið var
að breyta hluta hlöðunnar í fjár-
hús. Tvær til þrjár kindur eru sár-
ar og ekki víst hvort þær muni
lifa. Gunnar var alls með 430
kindur.
Mikill eldsmatur var í dráttar-
vélinni að sögn Gunnars. Í henni
voru hátt í 150 lítrar af hráolíu og
tugir lítra af smurolíu auk dekkj-
anna. Dráttarvélin er gjörónýt og
hlaðan er mikið skemmd en það
tókst að forða því að eldurinn færi
í fjárhúsin. Þó urðu nokkrar
skemmdir á þaki fjárhússins.
Slökkvilið frá Hvammstanga,
Borðeyri og Búðardal kom á stað-
inn auk þess sem nágrannar
Gunnars komu til aðstoðar við að
slökkva eldinn. Tankbíll frá Búð-
ardal kom með vatn til slökkvi-
starfsins en annars þurfti að
sækja vatn í Hrútafjarðará.
Slökkvistarfi lauk klukkan þrjú
um nóttina. hrs@frettabladid.is
■ ASÍA
Er gott að búa á Íslandi?
Spurning dagsins í dag:
Verður þú var/vör við mengun?
Niðurstöður gærdagsins
á visir.is
19%Nei
Já
KJÖRKASSINN
Farðu inn á fréttahluta visir.is
og segðu þína skoðun
edda.is
Ný bók eftir
Kristínu Helgu
Gunnarsdóttur.
1. sæti
Börn og unglingar
Penninn Eymundsson
og Bókabú›ir MM
10. – 16. nóv.
„ ... upplagt að fjölskyldan lesi
bókina saman. Fullorðnir og
eldri systkini munu nefnilega
ekki síður hafa gaman af uppá-
tækjum Fíusólar en þau litlu.“
– Hrund Ólafsdóttir, MBL.
BUSH OG LAGOS
Bush Bandaríkjaforseti heilsar þarna Ric-
ardo Lagos, forseta Chile, við upphaf leið-
togafundar Asíu- og Kyrrahafsríkja.
Bush í Chile:
Þrýstir á
Norður-Kóreu
SANTIAGO, AP George W. Bush Banda-
ríkjaforseti beindi spjótum sínum að
Norður-Kóreu í gær þegar tveggja
daga leiðtogafundur Asíu- og Kyrra-
hafsríkja hófst í Chile í gær.
Bush hyggst fá leiðtogana til
þess að standa með sér gegn kjarn-
orkuógn, sem hann segir stafa af
bæði Norður-Kóreu og Íran.
„Leiðtogar Norður-Kóreu fá að
heyra okkur tala einum rómi,“ sagði
Bush eftir að hafa rætt við Jun-
ichiro Koizumi, forsætisráðherra
Japans.
Bandarísk stjórnvöld vonast til
þess takast megi að fá Norður-
Kóreumenn aftur til samninga um
að falla frá öllum kjarnorkuáætlun-
um. ■
DÓMARI SKOTINN Hæstaréttar-
dómari á Sri Lanka, sem var þekkt-
ur fyrir að taka af hörku á upp-
reisnarmönnum Tamíltígra, var
skotinn til bana fyrir utan heimili
sitt í Colombo, höfuðborg Sri
Lanka. Lífvörður hans lést líka í
árás óþekktra vígamanna sem
hurfu þegar á brott.
INDVERJAR REIÐAST Indverskir
ráðamenn kunna Bandaríkjastjórn
litlar þakkir fyrir að samþykkja
umfangsmikinn vopnasölusamning
til Pakistan, nágrannans sem Ind-
verjar hafa löngum deilt við.
Pakistanar kaupa herþotur og ann-
an búnað að andvirði 67 milljarða
íslenskra króna.
JOSE MANUEL DURAO BARROSO
Einn æðsti valdamaður Evrópusambands-
ins er ekki lengur maóisti.
Barroso var maóisti:
Stoltur af
fortíð sinni
PARÍS, AFP Hinn nýi yfirmaður
framkvæmdastjórnar Evrópu-
sambandsins, Jose Manuel Durao
Barroso, viðurkennir að hafa ver-
ið maóisti á yngri árum, og segist
vera stoltur af því.
Barroso er fyrrverandi forsæt-
isráðherra Portúgals. Hann barð-
ist fyrir lýðræði með stúdenta-
hreyfingu á síðustu árum einræð-
isstjórnar Antonios Salazar í
Portúgal snemma á áttunda ára-
tug síðustu aldar.
„Ég er stoltur af þeim tíma í
lífi mínu,“ sagði Barroso, en bætti
því við að hann væri fyrir löngu
orðinn fráhverfur kommúnisma, í
hvaða mynd sem væri. ■
LÉST Í SPRENGINGU Einn lést og
tveir særðust þegar sprenging
varð um borð í rússneskum kaf-
báti. Kafbáturinn K-223 lá við
bryggju í Vilyuchinsk á Kam-
sjatkaskaga, austasta hluta Rúss-
lands, þegar sprengingin átti sér
stað.
FLOKKSRÁÐSFUNDUR VINSTRI GRÆNNA
Sérstaklega var fjallað um mennta- og heilbrigðismál á fundinum í gær.
81%
HLAÐAN Í HRÚTATUNGU
Bóndinn telur að eldurinn hafi komið upp í dráttarvél sem lagt hafði verið innI í hlöðunni.
FR
ÉT
TA
B
LA
Ð
IÐ
/S
JO
N
N
I
■ ASÍA
04-05 fréttir 20.11.2004 21:23 Page 2