Fréttablaðið - 21.11.2004, Blaðsíða 12
12 21. nóvember 2004 SUNNUDAGUR
vidskipti@frettabladid.is nánar á visir.is
Við erum búin að setja upp mjög öflugt lið. Hér er mikið af ungu og vel mennt-
uðu fólki sem kemur inn með nýja og ferska þekkingu og gengur hér inn í agaða
vinnuferla. Þannig að við sameinum annars vegar ögun í gömlu jálkunum og
hins vegar þekkinguna frá þeim sem koma nýir inn úr skólunum.
GUNNLAUGUR SIGMUNDSSON, FORSTJÓRI KÖGUNAR „Til þess að ná árangri þarf
að lifa í samkeppnisumhverfi þar sem þú þarft að vera á tánum. Um leið og menn kom-
ast í þá stöðu að vera ekki með samkeppni í kringum sig er stutt í að þú farir að dala
sjálfur því þá geturðu farið að sofa lengur á morgnana.“
Gamaldags
agi í nútíma-
legum rekstri
Kögun hefur með stuðningi fjárfesta keypt fjölda hugbún-
aðarfyrirtækja á síðustu misserum. Forstjórinn segir að sam-
bland af aga og góðri menntun séu lykill af starfseminni og
að félagið hyggist ekki kaupa fleiri innlend fyrirtæki en
muni stækka utan landsteinanna.
Þegar tæknibólan þandist hvað
mest um aldamótin voru þeir ekki
margir sem hefðu spáð því að
fjórum árum síðar yrði hugbúnað-
arfyrirtækið Kögun stærst ís-
lenskra hugbúnaðarfyrirtækja.
Þá veðjuðu metnaðarfullir starfs-
menn og framsýnir fjárfestar á
fyrirtæki sem þrátt fyrir mikinn
taprekstur lofuðu eigendum sín-
um ævintýralegri ávöxtun þegar
frá liði. Sú ávöxtun hefur víðast
hvar látið á sér standa en „gamal-
dags“ hugmyndafræði í rekstri
hefur reynst Kögun betur en nýj-
ar hugmyndir reyndust öðrum
hugbúnaðarfyrirtækjum.
Voru ekki „sexí“
Á meðan starfsmenn í mörgum
hugbúnaðarfyrirtækjum unnu í
umhverfi þar sem ætlast var til
þess að starfsmenn væru fyrst og
fremst frjóir og hugmyndaríkir
þurftu starfsmenn Kögunar að
sætta sig við þau óþægindi að
skapa seljanleg verðmæti á hverj-
um degi. Í hugbúnaðargeiranum
hefur Kögun orð á sér fyrir að
reka starfsemina af miklum aga.
„Á uppgangstímum eins og
árin 1999 til 2000 þótti það ekki
vera mjög sexí að vinna fyrir
svona fyrirtæki. En þeir sem
koma og endast með okkur læra
að meta það,“ segir Gunnlaugur
Sigmundsson, forstjóri Kögunar.
Agi í fyrirrúmi
Gunnlaugur segir þetta að
hluta til vera vegna þess að fyrir-
tækið hafi þurft að venja sig við
mjög öguð vinnubrögð þegar
helsti kúnni þess var Bandaríkja-
her. Einnig skiptir það máli að
Gunnlaugur og helstu stjórnendur
eru af annarri kynslóð en flestir
aðrir sem stofnað hafa og stjórnað
hugbúnaðarfyrirtækjum á síðustu
árum.
„Við erum búin að setja upp
mjög öflugt lið. Hér er mikið af
ungu og vel menntuðu fólki sem
kemur inn með nýja og ferska
þekkingu og gengur hér inn í ag-
aða vinnuferla. Þannig að við sam-
einum annars vegar ögun í gömlu
jálkunum og hins vegar þekking-
una frá þeim sem koma nýir inn
úr skólunum,“ segir Gunnlaugur.
Það er hinn strangi agi í rekstri
sem hefur öðru fremur gert Kög-
un kleift að vinna sér sess sem
miðdepill íslenskrar hugbúnaðar-
12-13 Viðskipti sun 20.11.2004 20:57 Page 2