Fréttablaðið - 21.11.2004, Blaðsíða 31
SUNNUDAGUR 21. nóvember 2004 19
Vín með jólamatnum
2004
Vínsýning á Nordica Hotel
20.-21. nóvember
Vínsýning verður haldin á Nordica Hotel 20.-21. nóvember,
kl. 14-18 báða dagana, á vegum Vínþjónasamtaka Íslands og
Vínbúða. Aðgangseyrir er 1000 kr. og Spiegelau-glas fylgir
með á meðan birgðir endast. Aldurstakmark er 20 ár.
Söngnemar
syngja í kirkjum
Þeir sem bregða sér í messur í
kirkjum á höfuðborgarsvæðinu í
dag mega líklega eiga von á því að
heyra nemendur úr Söngskólanum í
Reykjavík syngja einsöng.
„Við höfum gert þetta í nokkur
ár, haft samband við kirkjurnar á
höfuðborgarsvæðinu, og þessu hef-
ur verið geysilega vel tekið,“ segir
Elísabet F. Eiríksdóttir söngkenn-
ari, sem hefur haft umsjón með
kirkjusöng nemendanna undanfarin
ár.
„Krakkarnir syngja ýmis kirkju-
leg verk, ýmist einsöng eða tvísöng.
Þau eru öll komin í framhaldsnám í
söng og sum á háskólastigið, en
kennarar velja að sjálfsögðu úr
hópnum og bera ábyrgð á því að
þetta sé frambærilegt.“
Alls eru nítján nemendur gerðir
út af örkinni í dag til þess að syngja
í samtals sautján kirkjum, það er í
Áskirkju, Breiðholtskirkju, Bú-
staðakirkju, Dómkirkjunni, Grafar-
vogskirkju, Grensáskirkju, Hall-
grímskirkju, Háteigskirkju, Krists-
kirkju í Landakoti, Langholtskirkju,
Neskirkju, Digraneskirkju, Hjalla-
kirkju, Kópavogskirkju, Vídalíns-
kirkju, Víðistaðakirkju og Seltjarn-
arneskirkju.
Í desember munu þrír nemendur
að auki syngja í guðsþjónustu í Ár-
bæjarkirkju, Fella- og Hólakirkju
og Fríkirkjunni í Reykjavík. ■
Hin lifandi goðsögn Elizabeth
Taylor hefur sagt við fjölmiðla að
hún óttist ekki dauðann. Hún sagð-
ist enn fremur hafa upplifað sig
heimska og veigalitla þegar bág-
legt heilsufar hennar hamlaði frek-
ari hlutverkum í kvikmyndum.
Elizabet, sem er 72 ára og fædd-
ist í Bretlandi, þjáist af hjartabilun
sem veldur henni öndunarörðug-
leikum og sársaukafullum bein-
sjúkdómi. Hún segist reyna að
halda kímnigáfunni þrátt fyrir
veikindin.
„Fólk hlýtur að hugsa: 'Guð
minn góður, tórir hún virkilega
enn?“ En það er seigt í mér svo ég
verð sennilega allra kerlinga elst.
Og ég hræðist ekki dauðann. Ráð-
færi mig jafnan við Drottin, skap-
ara minn.“
Elizabeth Taylor varð stjarna
aðeins tólf ára en frægust varð hún
í hlutverki Kleópötru þar sem hún
lék á móti manninum sem hún gift-
ist tvisvar, leikaranum Richard
Burton. Hún hefur tvisvar fengið
Óskarsverðlaunin fyrir leik sinn í
Butterfield 8 og Who's Afraid of
Virginia Woolf? ■
ELIZABETH TAYLOR Lýsti því yfir við fjöl-
miðla að hún væri ekki hrædd við dauð-
ann.
Elizabeth Taylor
óhrædd við dauðann
18-31 (18-19) Helgarefni 20.11.2004 19:37 Page 3