Fréttablaðið - 21.11.2004, Blaðsíða 34

22 21. nóvember 2004 SUNNUDAGUR
Við hvetjum ...
... David Stern, framkvæmdastjóra NBA, til að taka hart á slagsmálum leik-
manna Indiana Pacers í leik liðsins gegn Detroit Pistons um helgina. Stern
þarf að gefa skýr skilaboð með harðri refsingu að slík framkoma er ekki
liðin í deildinni annars er hætt við því að vinsældir atvinnukörfuboltans í
Bandaríkjunum eigi eftir að dvína til muna.sport@frettabladid.is
HVAÐ? HVENÆR? HVAR?
18 19 20 21 22 23 24
Sunnudagur
NÓVEMBER
Vissir þú ...
að Snæfell er búið að vinna sex leiki í röð gegn Njarðvíkingum á
þessu ári, tvo í deildinni, þrjá í úrslitakeppni og einn í úrslitaleik
Hópbílabikarsins. Snæfell vann Njarðvík í annað sinn í þessari viku,
fyrst í deildinni í Njarðvík á þriðjudag og svo aftur í Höllinni í gær.
KÖRFUBOLTI Snæfell bar sigurorð af
Njarðvík í úrslitum Hópbílabik-
arsins í körfuknattleik í gær, 84-
79. Snæfell vann Grindavík í
undanúrslitum en Njarðvíkingar
lögðu nágranna sína, Keflvíkinga,
að velli. Úrslitaleiksins var beðið
með töluverðri spennu enda hafði
Njarðvík ekki unnið Snæfell í síð-
ustu fimm viðureignum liðanna
og mátti því búast við að hinir
grænklæddu myndu mæta dýr-
óðir til leiks.
Njarðvík byrjaði leikinn betur
fyrstu mínúturnar en liðið lék
svæðisvörn sem tók leikmenn
Snæfells nokkurn tíma að átta sig
á. Þegar Snæfell komst loks á
skrið virtust Njarðvíkingar ekki
eiga nein svör í pokahorninu. Það
var einna helst Friðrik Stefánsson
sem sýndi hvers megnugur hann
er, átti margar skemmtilegar
hreyfingar undir körfunni en
dómar leiksins féllu ekki hans
megin og heyrðust smellirnir oft
langar leiðir þegar leikmenn Snæ-
fells brutu á honum. Njarðvíkur-
liðið lét dómara leiksins samt fara
óþarflega mikið í taugarnar á sér
og hefði mátt einbeita sér betur að
leiknum sjálfum. Staðan í leikhléi
var 48-37, Snæfelli í vil.
Leikur Njarðvíkinga bar þess
engan veginn merki að þeir væru
að leika gegn liði sem hafði unnið
þá í fimm leikjum í röð. Ekkert
var hungrið og svoleiðis hugarfar
gengur ekki í upp í leikjum sem
þessum.
Í lokaleikhluta mátti greina
eitthvert teljandi lífsmark yfir
Njarðvík, sem þá náði að minnka
muninn í eitt stig, 70-69, þegar
nokkrar mínútur voru til leiks-
loka. Snæfell svaraði með 13-3
áhlaupi sem hélt Njarðvík í hæfi-
legri fjarlægð. Þriggja stiga nýt-
ing Njarðvíkinga varð þeim að
falli undir lokin en ítrekuð tæki-
færi til að minnka muninn báru
ekki árangur og fyrsti titill Snæ-
fells í vetur í höfn.
Allir leikmenn Snæfellsliðsins
áttu góðan dag en það sama verð-
ur ekki sagt um lykilmenn Njarð-
víkinga og hafa Páll Kristinsson
og Brenton Birmingham oft leikið
betur.
„Þeir voru bara miklu betri en
við og eiga hrós skilið,“ sagði
Friðrik Stefánsson, leikmaður
Njarðvíkinga. „Snæfellsgrýlan
mun samt halda til fjalla eins og
allar grýlur og við munum rífa
okkur upp úr þessu.“
Bárður Eyþórsson, þjálfari
Snæfells, var hæstánægður með
fyrsta titil vetursins og sagði að
stefnan væri tekin á fleiri. „Byrj-
unin hjá þeim kom okkur á óvart,
við reiknuðum ekki með 3-2 svæð-
isvörn,“ sagði Bárður. „Við leyst-
um það mjög fljótt og vel fannst
mér. Við lærðum mikið af úrslita-
keppninni í fyrra og sýndum það
að við getum alveg spilað svona
leiki eins og í dag. Menn eins og
Siggi og Hlynur voru að spila
feikivel og í raun allt liðið.“
smari@frettabladid.is
Grýlan er ekki farin til fjalla
Snæfell og Njarðvík áttust við í úrslitum Hópbílabikarsins í körfuknattleik í gær. Njarðvíkingar
máttu bíta í það súra epli í gær að tapa fyrir Snæfelli í sjötta sinn í röð. ■ ■ LEIKIR

15.00 Lokadagur Bikarkeppni SSÍ
fer fram í Sundhöllinni í dag.

14.00 ÍA og Ármann/Þróttur
mætast á Akranesi í 1. deild karla
í körfubolta.

19.15 Þór Þ. og Drangur mætast í
Þorlákshöfn í 1. deild karla í
körfubolta.
■ ■ SJÓNVARP

10.00 Ronald Wright - Shane
Mosley á Sýn.

16.00 Blackburn - Birmingham á
Skjá einum.

16.30 Ryder-bikarinn í golfi á Sýn.

17.45 Heimsbikarinn í handbolta
á Sýn. Bein útsending frá
úrslitaleik heimsbikarsins.

19.50 Spænski boltinn á Sýn.
Beint frá leik Real Sociedad og
Athletic Bilbao.

21.55 Ameríski fótbotinn á Sýn.
Beint frá leik New York Giants og
Atlanta Falcons.

23.00 Helgarsportið á RÚV.
GANGUR LEIKSINS
1. leikhluti Snæfell 27–22
2. leikhluti Snæfell 21–15 (48–37)
3. leikhluti Njarðvík 21–18 (66–58)
4. leikhluti Njarðvík 21–18 (84–79)
BESTUR Á VELLINUM
Hlynur Bæringsson Snæfelli
TÖLFRÆÐIN
Fráköst (í sókn) 41–40 (8–8)
Tapaðir boltar 16–12
Stoðsendingar 19–19
Víti fengin (%) 17 (77%)–27 (78%)
Villur 22–15
3ja stiga körfur (%) 9 (36%)–2 (14%)
Hraðaupphlaupsstig 14–16
Stig eftir sóknafráköst 5–6
84-79
SNÆFELL NJARÐVÍK
Nicorette nikótínlyf eru fáanleg án
lyfseðils og eru notuð þegar reyk-
ingum er hætt eða þegar dregið er úr
reykingum.
Í fylgiseðlinum eru
upplýsingar um: Verkun og notkun,
varúðarreglur, mikilvægar upplýsing-
ar sem nauðsynlegt er að lesa áður en
lyfin eru notuð, hugsanlegar auka-
verkanir og aðrar upplýsingar.
Til að ná sem bestum
árangri skal ávallt fylgja leiðbeining-
um í fylgiseðli.
Örsmá
tafla
meðstórt
hlutverk
KÖRFUBOLTI Keflavík og ÍS tryggðu
sér sæti í úrslitaleik Hópbíla-
bikars kvenna í gær þegar báðir
undanúrslitaleikirnir fóru fram í
Laugardalshöllinni. Liðin mætast
í úrslitaleiknum í DHL-Höllinni
um næstu helgi.
ÍS vann Hauka 77–70 í
hörkuleik þar sem lengi vel leit út
fyrir að hið unga lið Hauka væri á
leið í úrslitaleikinn. Haukar náðu
mest 13 stiga forskoti í upphafi
seinni hálfleiks en leiddu með 11
stigum í hálfleik, 36–47. Hauka-
stelpurnar náðu ekki að halda út
leikinn og töpuðu seinni hálf-
leiknum með 18 stigum.
Stúdínur mættu með gjör-
breytt hugarfar til leiks í seinni
hálfleikinn og munaði þar miklu
um dýrmæt framlög Stellu Rúnar
Kristjánsdóttur sem skoraði 16 af
21 stigi sínu í seinni hálfleik.
Stella Rún var stigahæst, Signý
Hermannsdóttir var með 18 stig,
19 fráköst og 5 varin skot, Þórunn
Bjarnadóttir skoraði 16 stig og
fyrirliðinn Alda Leif Jónsdóttir
var með 15 stig, 10 fráköst og 7
stoðsendingar.
Pálína Gunnlaugsdóttir átti
frábæran fyrri hálfleik þar sem
hún skoraði 18 af 20 stigum sínum
en stigahæst var Helena Sverris-
dóttir með 32 stig auk þess sem
hún tók 12 fráköst og gaf 7 stoð-
sendingar. Ragnheiður Theódórs-
dóttir skoraði síðan 10 stig og tók
7 fráköst.
Auðvelt hjá Keflavík
Keflavíkurkonur áttu í litlum
vandræðum með Grindavík í
hinum úrslitaleiknum og unnu að
lokum með 42 stiga mun, 83–41.
Keflavík náði mest 50 stiga mun í
leiknum en hafði 24 stiga forskot í
hálfleik, 38–14.
Birna Valgarðsdóttir átti
frábæran leik fyrir Keflavík, hitti
úr 11 af 15 skotum sínum og
endaði með 32 stig á 32 mínútum.
Hin 16 ára Bryndís Guðmunds-
dóttir lék einnig mjög vel, skoraði
19 stig, tók 9 fráköst og stal 6
boltum og þá var Reshea Bristol
með 12 stig, 7 stolna bolta og 5
stoðsendingar á aðeins 22
mínútum. Keflavíkurliðið lék við
hvern sinn fingur og virðist vera í
sérflokki eins og staðan er í
kvennakörfunni í dag.
Hjá Grindavíkurliðinu var Erla
Þorsteinsdóttir stigahæst með 13
stig og Ólöf Helga Pálsdóttir
skoraði 9 stig.
Undanúrslit Hópbílabikars kvenna í Höllinni í gær:
Keflavík og ÍS í úrslit
BIKARINN Á LOFT Hlynur Bæringsson, fyrirliði
Snæfells, lyftir hér hópbílabikarnum eftir að
Snæfellingar tryggðu sér hann eftir úrslitaleik við
Njarðvíkinga í gær.
STIG-FRÁKÖST–STOÐSENDINGAR
(FRAMLAG INNAN SVIGA)
SNÆFELL
Desmond Peoples 22–9–0 (26)
Pierre Green 20–3–6 (16)
Hlynur Bæringsson 14–14–7 (28)
Sigurður Þorvaldsson 13–3–4 (12)
Pálmi Freyr Sigurgeirsson 8–5–1 (9)
Magni Hafsteinsson 7–6–1 (6)
Bjarne Ómar Nielsen 0–1–0 (0)
NJARÐVÍK
Friðrik Stefánsson 24–10–2 (25)
Anthony Lackey 20–5–0 (17)
Matt Sayman 12–5–5 (16)
Brenton Birmingham 11–9–7 (17)
Páll Kristinsson 6–4–0 (1)
Jóhann Árni Ólafsson 4–5–2 (9)
Halldór Rúnar Karlsson 2–2–2 (7)
Guðmundur Jónsson 0–0–1 (0)
Kristinn Óskarsson, Björgvin Rúnarsson
og Eggert Þór Aðalsteinsson dæmdu.
LÉTTUR Í LEIKSLOK Desmond Peoples var stigahæstur hjá Snæfelli í úrslitaleiknum
gegn Njarðvík og fagnaði vel í leikslok. Fréttablaðið/Stefán
Bikarkeppnin í sundi:
Ægir með
góða forustu
SUND Ægismenn eru efstir að
stigum í bikarkeppni Sundsam-
bands Íslands fyrir lokadaginn
sem fer fram í Sundhöllinni í
dag.
Ægir er með 16.081 stig, ÍRB
eru í öðru sæti með 14.414 stig og
SH í þriðja sæti með 13.926 stig.
Þar á eftir koma svo KR í fjórða
sæti með 13.786 stig, ÍA í fimmta
sæti með 13.026 og Breiðablik í
sjötta sæti með 10.741 stig.
Lokadagurinn fer fram í dag og
keppni hefst klukkan 15.00.
34-35 (22-23) SPORT 20.11.2004 21:28 Page 2