Fréttablaðið - 21.11.2004, Blaðsíða 6
6 21. nóvember 2004 SUNNUDAGUR
Fræðsluráð Reykjavíkur:
Úttekt á aðdraganda
kennaraverkfalls
SKÓLAMÁL Gerð verður úttekt á
viðræðum kennara og sveitar-
félaga sem leiddu til verkfalls
kennara í rúmar sjö vikur. Þetta
var ákveðið á aukafundi fræðslu-
ráðs Reykjavíkur á föstudag.
Skipaður verður hópur sér-
fræðinga sem á að greina form
kjaraviðræðna, kosti og galla;
fjalla sérstaklega um framsal
valds sveitarstjórna til launan-
efndar og greina störf nefndar-
innar. Hópurinn á að skila áliti
um vænleg vinnubrögð í framtíð-
inni.
Þá var einnig ákveðið að skipa
starfshóp með fulltrúum for-
eldra, kennara, skólastjóra og
fræðsluráðs um hvernig komið
verði til móts við nemendur
vegna vinnutaps í verkfallinu.
Stefán Jón Hafstein, formað-
ur fræðsluráðs Reykjavíkur, seg-
ir nauðsynlegt að gera úttekt í
líkingu við þær sem gerðar eru
eftir náttúruhamfarir, þar sem
farið er yfir hvað betur mætti
fara í björgunarstörfum og for-
vörnum. „Eftir þessar sam-
félagshamfarir þurfum við að
skoða hvers vegna okkur tókst
ekki betur til,“ segir Stefán. „Það
verður að tryggja að þetta komi
ekki fyrir aftur.“ - ghg
Umdeildur meðal
starfsfólksins
Mikil óánægja starfsmanna Sameinuðu þjóðanna með yfirstjórn
samtakanna hefur hvað eftir annað beinst að framkvæmdastjóranum
Kofi Annan, þótt hann hafi sloppið með skrekkinn á föstudaginn.
SAMEINUÐU ÞJÓÐIRNAR, AFP Þrátt
fyrir að Kofi Annan hafi að mörgu
leyti átt farsælan feril sem fram-
kvæmdastjóri Sameinuðu þjóð-
anna undanfarin átta ár hafa hvað
eftir annað skotið upp kollinum
óþægileg mál í tengslum við yfir-
stjórn Sameinuðu þjóðanna, sem
vakið hafa hneykslun og reiði í
garð framkvæmdastjórans.
Nú á föstudaginn munaði litlu
að stéttarfélag starfsfólks Sam-
einuðu þjóðanna samþykkti van-
traustsyfirlýsingu á Annan, sem
engin fordæmi eru fyrir í sögu
Sameinuðu þjóðanna.
Hann slapp þó með skrekkinn,
því starfsfólkið lét sér nægja að
gagnrýna yfirstjórn Sameinuðu
þjóðanna án þess að beina spjót-
unum sérstaklega að fram-
kvæmdastjóranum.
Í ályktun stéttarfélagsins, sem
hefur innan sinna vébanda um það
bil 5.000 starfsmenn Sameinuðu
þjóðanna, segir að yfirstjórnend-
ur hafi „glatað trausti starfs-
manna“ með því að hafa hvað eftir
annað sýknað ýmsa yfirmenn
samtakanna af alvarlegum ásök-
unum.
Gagnrýni starfsmanna hefur
hvað eftir annað beinst að Annan
sjálfum, þrátt fyrir að ályktuninni
sé ekki beint gegn honum.
Engin dæmi eru tilgreind í
ályktuninni, en hún var sam-
þykkt aðeins fáeinum dögum eft-
ir að Annan sagðist bera fullt
traust til Dileeps Nair, yfirmanns
endurskoðunardeildar Samein-
uðu þjóðanna, sem hafði verið
ásakaður fyrir að áreita starfs-
fólk sitt og hygla vinum sínum.
Starfsmenn Sameinuðu þjóð-
anna hafa einnig gagnrýnt Annan
fyrir að taka ekki á ásökunum á
hendur Ruud Lubbers, yfirmanni
flóttamannahjálpar Sameinuðu
þjóðanna, um að hafa áreitt konu í
starfsliði sínu.
Sömuleiðis hefur Annan verið
gagnrýndur fyrir að hafa neitað
að fallast á uppsögn Louise
Frechette aðstoðarframkvæmda-
stjóra, vegna árásar á höfuð-
stöðvar Sameinuðu þjóðanna í
Bagdad, þar sem 22 manns fórust.
Ásakanir um svik og spillingu í
tengslum við eftirlit Sameinuðu
þjóðanna með olíusölu til stjórnar
Saddams Hussein í Írak, sem og
gagnrýni á friðargæslu Samein-
uðu þjóðanna í Rúanda, sem gerði
lítið til að koma í veg fyrir
fjöldamorðin þar, hefur einnig
orðið til þess að draga úr trausti
margra á Annan.
„Það er hugsanlegt að hann viti
ekki beinlínis hvað hefur verið að
gerast,“ sagði einn starfsmanna
Sameinuðu þjóðanna. „En það er
engin afsökun.“ ■
VEIÐIHUNDAR
Veiðar með hundum hafa verið bannaðar.
Refaveiðar:
Bannið fer
fyrir rétt
BRETLAND, AP Þrátt fyrir að breska
þingið hafi samþykkt að banna
refaveiðar með hundum er barátt-
unni ekki lokið. Andstæðingar
bannsins höfðuðu mál og vonast
til að dómstólar komist að þeirri
niðurstöðu að bannið fái ekki stað-
ist.
Þegar þingmenn settu bann við
því að hundar yrðu notaðir við
refaveiðar gerðu þeir það á
grundvelli þingheimildar sem
hafði aðeins verið nýtt þrisvar á
55 árum. Andstæðingar bannsins
sögðu í kæru sinni að þingheim-
ildin ætti ekki við í þessu tilfelli
og því ætti að fella bannið úr gildi.
Dugi það ekki ætla þeir að höfða
mál á þeim grundvelli að verið sé
að brjóta mannréttindi. ■
UMFERÐARÓHÖPP Í HÁLKU Fyrri
part gærdags urðu fimm aftaná-
keyrslur í Hafnarfirði. Enginn
slasaðist og tjón á bifreiðum ekki
mikið. Lögreglan segir bílstjóra
ekki aka miðað við aðstæður. Of
stutt bil sé á milli bílanna. Keyrt
sé aftan á þá sem vilji réttilega
stöðva á rauðu ljósi. Fimm um-
ferðaróhöpp hafa orðið í hálkunni
á Sauðárkróki síðustu tvo daga.
Eignatjón er talsvert, að sögn
lögreglu.
■ BANDARÍKIN
■ LÖGREGLUFRÉTTIR
VEISTU SVARIÐ?
1Hvaða forsætisráðherra hótaði afsögnvegna skattadeilna?
2Hvað eiga ráðstöfunartekjur heimilaað hækka mikið með skattalækkun-
um?
3Hverjir voru sigurvegarar EvrópskuMTV-verðlaunanna?
Svörin eru á bls. 34
Héraðsdómur Reykjavíkur:
Ár fyrir að
stela bát
DÓMSMÁL Maður á þrítugsaldri var
í Héraðsdómi Reykjavíkur dæmd-
ur í tólf mánaða fangelsi fyrir að
hafa í apríl stolið 18 feta Sea
Rover rörabáti og Suzuki-utan-
borðsmótor að verðmæti samtals
um 3.770.000 krónur. Ákærði neit-
aði sök, þrátt fyrir að hafa játað
við skýrslutöku að hafa stolið um-
ræddum bát. Sakborningur sagð-
ist hafa játað hjá lögreglu vegna
þess að hann hefði óttast að þurfa
að hefja afplánun á refsidómi frá
því í mars, þegar hann var dæmd-
ur í átta mánaða fangelsi.
Vátryggingafélag Íslands
krafðist skaðabóta vegna málsins,
en dómurinn telur kröfuna óljósa
og vandreifaða með öllu og var
henni því vísað frá. ■
edda.is
„Besta bók Auðar“
Auður Jónsdóttir hefur vakið mikla
athygli fyrir bækur sínar og tvær
þeirra, Stjórnlaus lukka og Skrýtnastur
er maður sjálfur, voru tilnefndar til
Íslensku bókmenntaverðlaunanna
Auður
Jónsdóttir
„Höfundur kann sannarlega
að segja sögu.“
- Soffía Bjarnadóttir, RÚV
„Besta bók Auðar.“
- Jón Yngvi Jóhannsson,
Kastljósið
ERLENDA FORSETA Breyta á
bandarísku stjórnarskránni
þannig að einstaklingar af er-
lendum uppruna sem fá ríkis-
borgararétt eigi kost á að verða
forseti. Stuðningsmenn Arnolds
Schwarzenegger hafa beitt sér
fyrir slíkri breytingu, hann er
fæddur í Austurríki en fékk
bandarískan ríkisborgararétt.
HENTI LÍKUNUM Maður sem
starfrækti líkbrennslu viður-
kenndi að hafa hent 334 líkum sem
hann tók að sér að brenna. Í stað
ösku hins látna fengu aðstandend-
ur sementsryk. Upp komst um
svikin þegar lík fundust á víð og
dreif um landareign hans.
BANNA NETSKATTA Bandaríkja-
þing framlengdi lög sem banna
ríkjum og sveitarstjórnum að
skattleggja nettengingar næstu
þrjú árin. Slíkt bann var upphaf-
lega sett 1998. Bannið kemur
einnig í veg fyrir að tvö ríki skatt-
leggi sömu söluna, svo sem þegar
vara eða þjónusta er seld milli
landshluta.
Ríkjaráðstefna:
Ályktað gegn hryðjuverkum
KOSTA RÍKA, AP Á ráðstefnu ríkja
Mið- og Suður-Ameríku, auk Spán-
ar og Portúgal, náðist sátt um að
styðja ályktun gegn hryðjuverk-
um, sem lögð var fram af
Kúbverjum. Í henni eru stjórn-
völd í Panama ámæld fyrir að
veita fjórum Kúbverjum sakar-
uppgjöf fyrir tilraun til að ráða
Fidel Castro, forseta Kúbu, af
dögum árið 2000. Þá var Castro
staddur á ráðstefnu þessara ríkja
í Panama. Einnig eru Bandaríkin
gagnrýnd í ályktuninni fyrir að
hleypa þremur mannanna inn í
landið. Í ályktuninni kemur fram
að sakaruppgjöfin samræmist
ekki baráttunni gegn hryðjuverk-
um.
Forsprakki fjórmenninganna,
fyrrum CIA-liðsmaðurinn Luis
Posada, er eftirlýstur í Venesúela
fyrir að sprengja flugvél 1976, en
73 létust í sprengingunni. ■
STEFÁN JÓN HAFSTEIN
Formaður fræðsluráðs Reykjavíkur segir að geri þurfi úttekt á samfélagshamförum eins og
kennaraverkfalli líkt og gert er eftir náttúruhamfarir.
UTANRÍKISRÁÐHERRAR KOMA SAMAN
Utanríkisráðherrar frá ríkjum Mið- og Suður-Ameríku, auk Spánar og Portúgals, komu
saman á ráðstefnu í San Jose, höfuðborg Kosta Ríka.
KOFI ANNAN VEIFAR TIL STARFSMANNA
Mörgum þykir hann ekki hafa tekið nógu hart á spillingar- og hneykslismálum æðstu
yfirmanna Sameinuðu þjóðanna.
06-07 fréttir 20.11.2004 21:30 Page 2