Fréttablaðið - 11.01.2005, Blaðsíða 2

SPURNING DAGSINS
Ég frelsa engan. Er Alfreð ekki ágætlega
trúaður maður fyrir?
Geir Jón Þórisson, yfirlögregluþjónn er meðlimur í
Hvítasunnusöfnuðinum. Alfreð Þorsteinsson sagði
í gær að Gestur Gestsson, formaður Framsóknarfé-
lagsins í Reykjavík norður væri angi af Hvítasunnu-
söfnuðinum og að söfnuðurinn ætti ekki að
stjórna Framsóknarflokknum í Reykjavík. Gestur
hafði lýst þeirri skoðun sinni að nýtt fólk þyrfti að
veljast í forystu hjá flokknum í borgarstjórn.
Geir Jón, gengur ekkert að
frelsa Alfreð?
2 11. janúar 2005 ÞRIÐJUDAGUR
VERÐSAMRÁÐ Málflutningur olíufé-
laganna fyrir áfrýjunarnefnd
samkeppnismála vegna úrskurðar
samkeppnisráðs um verðsamráðs-
sektir stóð frá klukkan níu í gær-
morgun til níu í gærkvöldi.
Olíufélögin áfrýjuðu úrskurði
ráðsins frá því í lok október um
verðsamráð þeirra frá árinu 1993
þar til Samkeppnisstofnun gerði
húsleit hjá félögunum í desember
árið 2001. Samkvæmt úrskurðin-
um voru félögin sektuð um sam-
tals tvo milljarða króna.
Olíufélögin vildu ekki una úr-
skurðinum og fara fram á sýknu.
Stefán Már Stefánsson, for-
maður áfrýjunarnefndarinnar,
segir að málið verði nú tekið til
úrskurðar og stefnt sé að því að
ljúka því í þessum mánuði. Stutt
er í að sex vikna frestur sem
nefndin hafði til að ljúka málinu
renni út. Stefán segir mikinn
ágreining hafa verið milli olíufé-
laganna og Samkeppnisstofnunar
við málflutninginn. Ágreinings-
atriðin séu mörg hundruð.
Málflutningurinn fór þannig
fram að lögfræðingar olíufélag-
anna töluðu í tvo tíma hver og
fulltrúar Samkeppnisstofnunar
hafi síðan flutt andsvör í tvo og
hálfan tíma. Síðan fór fram önnur
styttri umferð þar sem allir tóku
til máls að nýju. – ghg
KLÓRGAS Verkfræðistofan Línu-
hönnun gerði alvarlegar athuga-
semdir við drög að starfsleyfi og
áhættumati fyrir klórverksmiðju
Mjallar-Friggjar í Kópavogi í
haust.
Kópavogsbær fékk Línuhönn-
un til að skoða og gera athuga-
semdir við meðal annars drög að
starfsleyfi Mjallar-Friggjar fyrir
klórvinnslu og áhættumati. Í
skýrslum verkfræðistofunnar
segir meðal annars að klórverk-
smiðjan noti „klórgas í því magni
til framleiðslunnar sem er mjög
hættulegt heilsu manna og getur
ef það sleppur út í umhverfið ver-
ið lífshættulegt í næsta nágrenni
við ákveðnar aðstæður.“
Gerð er athugasemd við það að
fyrirtækið hafi hafið starfsemi á
Kársnesi án allra þeirra leyfa sem
til þarf og án áhættumats og
grenndarkynningar, en mikilvægt
sé að nágrannar viti af starfsemi
sem þessari. Þá var enginn sjálf-
virkur búnaður fyrir hendi til að
nema og gera vart við gasleka og
núverandi framleiðsluferli og
stýring þess er sagt „varla geta
talist besta fáanlega tækni.“
Í skýrslunum segir að ekkert
brunaviðvörunarkerfi eða slök-
kvikerfi væri í húsi Mjallar-
Friggjar og brunahólf ekki í lagi.
Gerð er athugasemd við að í
skjali um hættumat sé sagt að
engir skólar séu í nágrenninu, en
skóli mun vera í rúmlega kíló-
metra fjarlægð frá verksmiðj-
unni. Lokaniðurstaða Línu-
hönnunar um áhættumat verk-
smiðjunnar var að ýmsu væri
ábótavant þar.
Á fimmtudaginn næstkomandi
tekur bæjarráð Kópavogsbæjar
fyrir tillögu Flosa Eiríkssonar
bæjarfulltrúa um að Heilbrigðis-
eftirlit Hafnarfjarðar og Kópa-
vogssvæðis noti lagaheimildir
sínar til að stöðva starfsemi klór-
verksmiðju Mjallar-Friggjar, sem
fari fram án tilskyldra starfs-
leyfa. Áður munu forsvarsmenn
Mjallar-Friggjar mæta á fund
bæjarráðs og gera grein fyrir
sínu máli.
Hinrik Morthens, eigandi eign-
arhaldsfélags Filtertækni og
Mjallar-Friggjar, vildi ekki ræða
málið við Fréttablaðið á þeim for-
sendum að blaðið hafði kallað
klórverksmiðjuna klórgasverk-
smiðju. Á þessu er reginmunur og
hann segir það gilda einu þó klór-
gas sé notað við klórframleiðsl-
una.
bergsteinn@frettabladid.is
REYKT UTANDYRA
Reykingamenn eru margir ósáttir við bann-
ið. Þeir kveikja nú í tóbaki sínu á götum úti.
Reykingabann:
180 þúsund
króna sektir
ÍTALÍA, AP Eitthvert víðtækasta
reykingabann Evrópu tók gildi á
Ítalíu í gær. Hér eftir er bannað
að reykja í öllum opinberum
byggingum, svo sem krám og
veitingahúsum, nema þar hafi
verið komið upp aflokuðum reyk-
ingaherbergjum með loftræst-
ingu.
Bannið tók gildi á miðnætti
í fyrrinótt. Nokkrum mínútum
eftir miðnætti náðu myndatöku-
menn sjónvarpsstöðva því á
myndband þegar ungur maður
var sektaður fyrir að reykja á bar.
Lægstu sektir nema frá 23 þús-
und til 184 þúsund krónum. ■
Loðnuveiðar:
Útlit fyrir
aukinn kvóta
SJÁVARÚTVEGUR Mikið magn loðnu
hefur fundist á 100 sjómílna löng-
um kafla fyrir norðan land og
ljóst að loðnukvótinn verði aukinn
verulega, að mati Hafrannsóknar-
stofnunar. Ekki hefur þó verið
ákveðið hversu mikið kvótinn
verður aukinn.
Hafrannsóknaskipið Árni Frið-
riksson hefur frá 4. janúar verið
við loðnuleit og mælingar, ásamt
níu loðnuskipum og mun þeim
leiðangri ljúka í vikunni. Að hon-
um loknum mun Hafrannsókna-
stofnunin leggja til endanlegt
aflamark á yfirstandandi loðnu-
vertíð. - kk
HJÁLPUÐU FÓLKI Í ÓFÆRÐ
Óvenjumikið snjóaði í Vest-
mannaeyjum í fyrrinótt og að
sögn lögreglunnar hefur ekki
verið meiri snjór í Heimaey í
nokkur ár. Lögreglan þurfti að
aðstoða fólk við að komast til
vinnu á milli klukkan sjö og átta í
gærmorgun en allt gekk áfalla-
laust fyrir sig.
Umferðarslys:
Bíl ekið á
varnargarð
LÖGREGLA Hálfþrítugur maður
slasaðist alvarlega þegar hann
missti stjórn á bifreið sinni og
hafnaði á sjóvarnargarði við
Faxagötu í Reykjavík skömmu
fyrir klukkan átta í gærmorgun.
Að sögn lögreglunnar í Reykjavík
var maðurinn meðvitundarlaus
þegar að var komið, en talið var
hann hefði slasast á mjöðm, auk
þess sem hann bar mikla áverka
í andliti. Maðurinn var ekki í
öryggisbelti.
Að sögn lögreglu vildi slysið
þannig til að tveimur bílum var
ekið samsíða austur Kalkofnsveg,
frá miðbæ í átt að Seðlabanka.
Neðst í götunni þar sem kemur
beygja missti maðurinn, sem var
á vinstri akrein, stjórn á bíl sínum
fór yfir Faxagötu og endaði á
varnargarðinum.
- óká
Landbúnðarráðherra:
Breytingar
á lánasjóði
LANDBÚNAÐUR Það er mikilvægt
að kanna framtíð Lánasjóðs land-
búnaðarins að mati Guðna Ágústs-
sonar, landbúnaðarráðherra nú
þegar miklar breytingar eiga sér
stað á pen-
ingamarkaði.
Hann hefur
skipað verk-
efnisstjórn til
þess sem á að
skila tillögu
fyrir lok febr-
úar.
G u ð n i
sagði í sam-
tali við
Bændablaðið
að sjóðurinn
væri sterkur
en þar með
væri ekki sagt að reka bæri hann
alltaf á sömu forsendum. Til
greina kæmi að selja sjóðinn og
hagnaðurinn notaður til að styrkja
Lífeyrissjóð bænda. - ghg
■ LÖGREGLUFRÉTTIR
Athugasemdir gerðar
við framleiðsluna
Verkfræðistofa gerði alvarlegar athugasemdir við starfsemi klórverksmiðju
Mjallar-Friggjar í haust. Í skýrslum hennar kemur meðal annars fram að búnaði
verksmiðjunnar hafi verið ábótavant sem og áhættumati.
Fréttastofa Stöðvar 2:
Sigríði sagt upp störfum
FJÖLMIÐLAR Sigríði Árnadóttur,
fréttastjóra Stöðvar 2 og Bylgj-
unnar, var sagt upp störfum í gær
eftir tæplega eitt ár í starfi.
Sigríður segist hafa verið
kölluð á fund Páls Magnússonar
sjónvarpsstjóra síðdegis í gær
þar sem henni var sagt upp án
nokkurs formála. Hún segist
ekki hafa fengið veigamiklar
ástæður fyrir uppsögninni og
hún hafi ekki orðið vör við óá-
nægju Páls með hennar störf
fyrir nokkru þegar hann vakti
athygli hennar á að áhorf á
fréttir stöðvarinnar hefði aukist
úr sautján prósentum í október
árið 2003 í 36 prósent í október í
fyrra. „Ég vona að samstarfs-
fólk mitt á fréttastofunni njóti
góðs af því og ég óska því kraft-
mikla fólki alls hins besta.“
Sigríður segir það hafa verið
fyrirséð að breytingar yrðu á
rekstri fyrirtækisins eftir að
Sigurði G. Guðjónssyni var sagt
upp störfum en hann réð Sigríði
til starfa í febrúar á liðnu ári. „Þá
gat ég látið mér detta í hug að
breytingar yrðu á mínum högum
en ég var samt fullvissuð um að
það stæði ekki til.“
Gunnar Smári Egilsson, fram-
kvæmdastjóri Íslenska útvarpsfé-
lagsins, vísaði á Pál Magnússon,
sjónvarpsstjóra Stöðvar 2 vegna
málsins. Ekki náðist í Pál í gær.
– ghg
SIGRÍÐUR ÁRNADÓTTIR
Segist ekki hafa fengið veigamiklar ástæð-
ur fyrir uppsögninni.
MJÖLL-FRIGG VIÐ VESTURVÖR
Á fundi bæjarráðs Kópavogs á fimmtudaginn verður tekin fyrir tillaga um að Heilbrigðiseftirlit Hafnarfjarðar og Kópavogssvæðis
noti lagaheimildir til að stöðva starfsemi verksmiðju Mjallar-Friggjar á Kársnesi í Kópavogi, en verksmiðjan hefur ekki heimild til að
vinna með klórgas á svæðinu.
FYRIR ÁFRÝJUNARNEFND
SAMKEPPNISMÁLA
Málflutningur olíufélaganna í verðsamráðs-
málinu fór fram á Hótel Sögu í gær. Fund-
urinn stóð í tólf tíma.
Áfrýjunarnefnd Samkeppnismála:
Styttist í niðurstöðu
vegna verðsamráðs
Vestfirðir:
Snjóflóð
lokuðu vegi
SAMGÖNGUR Þrjú snjóflóð féllu með
stuttu millibili á veginn í Kirkju-
botnshlíð á Ísafirði síðdegis í gær.
Vegurinn, sem er milli Ísafjarð-
ar og Súðavíkur, lokaðist í
nokkurn tíma en starfsmenn
Vegagerðarinnar unnu við það í
gærkvöldi að ryðja hann. Til stóð
að hleypa umferð á veginn í
skamman tíma, en loka honum svo
aftur í gærkvöldi. Samkvæmt
upplýsingum frá Vegagerðinni var
ástandið talið ótryggt á veginum á
þessum slóðum vegna snjóflóða-
hættu, en í dag verður ákveðið
hvenær umferð verður aftur
hleypt um veginn. - ghg
Flugóhapp:
Þyrlur fylgdu
flugvél
BJÖRGUN Flugvél Flugmálastjórn-
ar og þyrlur Landhelgisgæsl-
unnar og Varnarliðsins á Kefla-
víkurflugvelli flugu til móts við
eins hreyfils flugvél vestur af
landinu í gær. Flugmaður vélar-
innar, sem var einn um borð,
sendi út neyðarkall klukkan tíu
mínútur í níu í gærkvöld þegar
hann var staddur um 105 sjómílur
vestur af Keflavík.
Þyrla um borð í danska eftir-
litsskipinu Triton var sett í við-
bragðsstöðu auk þess sem kallað
var til báta á svæðinu. Flugmað-
urinn lenti vélinni óhappalaust á
Keflavíkurflugvelli skömmu fyrir
klukkan tíu. ■
GUÐNI ÁGÚSTSSON
Landbúnaðarráðherra
vill endurskoða Lána-
sjóð landbúnaðarins.
SEKT FYRIR SÓÐASKAP Fjöl-
brautaskóli Suðurlands á Selfossi
áskilur sér rétt til að sekta nem-
endur um 5.000 krónur verði þeir
uppvísir að sóðaskap í skólanum.
Sunnlenska vikublaðið Glugginn
greindi frá í fyrsta tölublaði árs-
ins. Eftir síðustu önn voru átta
nemendur krafðir um gjaldið og
17 áminntir fyrir sóðaskap.
■ SKÓLAMÁL