Fréttablaðið - 11.01.2005, Side 11

11ÞRIÐJUDAGUR 11. janúar 2005
SKIPULAGSMÁL Skipulagsstofnun
hefur fallist á gerð landfyllinga við
vestan- og norðanvert Gufunes í
Reykjavík. Á landfyllingunum er
samkvæmt gildandi aðalskipulagi
borgarinnar gert ráð fyrir að rísi
þétt og og há blönduð íbúabyggð
með 7.500 til 9.000 íbúum. Á fyrra
skipulagi var gert ráð fyrir hafnar-
og iðnaðarsvæði á landfyllingun-
um, en frá því var horfið þar sem
ekki var talin þörf á uppbyggingu
nýs hafnarsvæðis.
Samtals eru landfyllingarnar
um 46 hektarar að stærð og áætlaði
Reykjavíkurborg að til fram-
kvæmdanna þyrfti um 4,1 milljón
rúmmetra af jarðefni. Slíkt magn
myndi fylla nýju Laugardalslaug-
ina um það bil 5 þúsund sinnum.
Fallist er á gerð landfyllinganna
með því skilyrði að að framkvæmd-
ir við gerð grjótvarnargarðs og
þvergarða innan hans verði utan
göngutíma laxfiska, en hann er frá
1. maí til 30. september. Hægt er að
kæra úrskurð Skipulagsstofnunar
til umhverfisráðherra og er kæru-
frestur til 16. febrúar.
- óká
Varnarmál:
Fundur ekki
ákveðinn
VARNARMÁL Enn er ekki búið að
ákveða hvenær viðræður Íslend-
inga og Bandaríkjamanna um fram-
tíð varnarliðsins á Keflavíkurflug-
velli munu fara fram. Á fundi Dav-
íðs Oddssonar og Colins Powell, þá
utanríkisráðherra Bandaríkjanna, í
nóvember var ákveðið að viðræður
embættismanna myndu hefjast í
janúar á grundvelli þeirra um-
ræðna sem fram fóru á fundinum.
Á fundi embættismanna mun meðal
annars vera rætt um hvernig ís-
lensk stjórnvöld koma að rekstrar-
þætti Keflavíkurflugvallar vegna
aukins umfangs borgaralegrar
starfsemi á flugvellinum. ■
Hreindýr:
Varasöm í
umferðinni
SAMGÖNGUR Töluvert hefur verið
um hópa hreindýra bæði austan
og vestan Hafnar í Hornafirði
að undanförnu.
Að sögn lögreglunnar á Höfn
geta dýrin verið hættuleg
akandi vegfarendum, ekki síst
þegar skyggja tekur.
„Það er mín tilfinning að
meira sé um hreindýr á svæðinu
í ár. Hóparnir eru á flakki bæði í
Nesjum, fyrir vestan Horna-
fjörð, og í Lóni, austan Hafnar,
og þau fara upp á veg ef þeim
sýnist svo,“ sagði lögreglu-
maður á Höfn í Hornafirði í
samtali við blaðið. „ Hreindýr
hafa ekki valdið slysum í vetur
en hafa oft gert það í gegnum
tíðina þó ekki sé það á hverju
ári.“
- kk
SORPHIRÐA Hátt í 1900 íbúar í ein-
býli í Reykjavík hafa pantað græna
sorptunnu að sögn Guðmundar
Friðrikssonar hjá Umhverfis- og
heilbrigðisstofu Reykjavíkur.
Grænar tunnur eru losaðar aðra
hverja viku. Gert er ráð fyrir að
þeir sem hafa þær flokki sorpið. Í
staðinn greiða þeir helmingi lægra
sorphirðugjald heldur en hinir sem
fá losun vikulega.
„Sorphirða borgarinnar hætti
þjónustu við stofnanir og fyrirtæki
um áramót, á sama tíma og grænu
tunnurnar voru teknar upp,“ sagði
Guðmundur. „Það hefur því dregist
svolítið að koma þeim út.“
Guðmundur sagði enn fremur
að sú ákvörðun hefði verið tekin að
vísa ofangreindum á sorphirðu-
fyrirtæki á almennum markaði.
Ástæðan væri meðal annars sú að
borgin væri ekki á samkeppnis-
markaði hvað sorphirðu varðaði.
Þá hefði þótt liggja fyrir að sorp-
hirðugjöld hjá fyrirtækjum og
rekstraraðilum hefðu ekki staðið
undir kostnaði við söfnun sorpsins.
„Samkvæmt reglugerð er sveit-
arfélagi eingöngu skylt að veita
íbúum þessa þjónustu,“ sagði
Guðmundur. „Með þessu erum við
að feta í fótspor nágrannasveitar-
félaganna.“ - jss
Umhverfis – og heilbrigðisstofa Reykjavíkur:
Nær 1900 hafa pant-
að græna tunnu
GRÁTT VERÐUR GRÆNT
Nær 1900 íbúar í Reykjavík ætla að fá
græna sorptunnu í staðinn fyrir gráa og
lækka þar með sorphirðugjaldið um
helming.
Á GUFUNESI SÉÐ YFIR Í SUNDAHÖFN
Skipulagsstofnun telur að ástæða sé til að fram fari áhættumat vegna búsetu á nýjum
landfyllingum við Gufunes vegna gasmyndunar í gömlu öskuhaugunum í Gufunesi.
FR
ÉT
TA
B
LA
Ð
IÐ
/V
IL
H
EL
M
Úrskurður Skipulagsstofnunar:
Fallist á landfyllingar
við Gufunes