Fréttablaðið - 11.01.2005, Síða 8
8 11. janúar 2005 ÞRIÐJUDAGUR
Varaþingmaður Framsóknar:
Segir feril Alfreðs senn á enda
BORGARMÁL „Það þarf hins vegar
engan sérfræðing til að átta sig á
því að eftir 35 ára starf að borgar-
málum hlýtur að vera farið að
styttast eitthvað í annan endann á
stjórnmálaferli Alfreðs Þorsteins-
sonar,“ segir Guðjón Ólafur
Jónsson, varaþingmaður Fram-
sóknarflokksins, á vef framsókn-
armanna, hrifla.is.
Í greininni leggur Guðjón út af
grein Gests Gestssonar, formanns
Framsóknarfélags Reykjavíkur
norður, sem segir að Alfreð
Þorsteinsson borgarfulltrúi sé
dragbítur á flokkinn og verði að
draga sig í hlé. Guðjón segist hafa
orðið fyrir vonbrigðum með
þróun borgarmálanna, meðal ann-
ars vegna vaxandi tilhneigingar
borgarfulltrúa til að safna að sér
störfum í ráðum og nefndum.
Hann segir langan starfsferil
Alfreðs vera til vitnis um pólitísk-
an styrk hans en vinsældir hans
séu ekki eftir því og margir hafi
strikað hann af lista í síðustu
kosningum. Í framhaldinu spáir
Guðjón því að pólitískur vitjunar-
tími Alfreðs sé skammt undan.
„Ég hef ekki lesið þetta og hef
nákvæmlega ekkert um þetta að
segja,“ segir Alfreð Þorsteinsson.
„Ef ég ætti að elta ólar við allt það
sem menn eru að skrifa út og
suður gerði ég ekki annað.“ - bs
Ráðuneytið þarf tíma
fyrir greinargerðina
ASÍ bíður eftir viðbrögðum félagsmálaráðuneytisins við greinargerð um
gagnrýnina á Impregilo. Vonast er eftir viðbrögðum eða fundi í dag. Fjallað
verður um málið á miðstjórnarfundi á morgun.
ATVINNUMÁL Búist er við að félags-
málaráðuneytið svari greinar-
gerð Alþýðusambandsins um
gagnrýni verkalýðshreyfingar-
innar á Impregilo í dag eða á
morgun en greinargerðin var
send ráðuneytinu á sunnudaginn
var. Greinargerðin verður lögð
fyrir miðstjórnarfund ASÍ á
morgun og kynnt fjölmiðlum.
„Mér skilst að ráðuneytis-
menn séu að lesa greinargerðina.
Þetta er myndarleg greinargerð
upp á 20 síður eða svo. Við höfum
ekki verið í miklum samskiptum
við ráðuneytið í dag en mér
skilst að þeir þurfi tíma til að
fara í gegnum þetta,“ segir Gylfi
Arnbjörnsson, framkvæmda-
stjóri ASÍ.
Útgáfa atvinnuleyfa til Kín-
verjanna 54, sem Impregilo
hefur sótt um undanþágu fyrir,
er í biðstöðu meðan verið er að
fara yfir lög og reglur varðandi
útgáfu atvinnuleyfa og skuld-
bindingar Íslendinga á Evrópska
efnahagssvæðinu.
„Við höfum líka vakið máls á
því að í þessu máli eru líka atriði
sem snúa almennt að vinnumark-
aðnum, framboði og eftirspurn
og hvernig þau mál þróast. Við
erum ekki sátt við að fyrirtæki
geti mótað sér þá stefnu að halda
sig við lágmarkslaun. Auðvitað
bera stjórnvöld ábyrgð á því að
halda eðlilegu vægi milli fram-
boðs og eftirspurnar. Það gefur
auga leið að ef stuðlað er að of-
framboði á einhverju þá hefur
það áhrif á verðið,“ segir Gylfi.
Vinnumálastofnun var búin að
gefa vilyrði fyrir undanþágu fyr-
ir 54 manna hópinn og segir
Gylfi að gerð hafi verið athuga-
semd við það hvaða heimild sé til
þess að gefa vilyrði eða fyrirheit
fyrir flýtimeðferð. „Það verður
náttúrlega að fara að reglunum.
Ég ætla ekki að tjá mig um það
hvort starfsmenn geti verið með
einhverjar aðrar reglur,“ segir
hann.
ghs@frettabladid.is
Sýslumaðurinn á
Egilsstöðum:
Rannsókn
í gangi
ATVINNUMÁL Sýslumannsembættið
á Seyðisfirði rannsakar nú iðn-
réttindi nokkurra erlendra starfs-
manna Impregilo á Kárahnjúkum,
m.a. rafiðnaðarmanna og smiða.
Helgi Jensson, fulltrúi sýslu-
manns á Egilsstöðum, segir að
málið sé í höndum rannsóknar-
deildar og ekki sé ljóst hvenær
von sé á niðurstöðu.
„Þetta eru útlendingar, oft þarf
túlka og þeir eru á fjöllum. Svona
mál taka ákveðinn tíma í rann-
sókn,“ segir Helgi.
- ghs
1Hvaða fyrirtæki vill fá að framleiðaklór með klórgasi í Kópavogi?
2Hvað heitir nýr forseti Palestínu?
3Hver hefur tekið við starfrækslusjúkrahótels af Rauða krossinum?
SVÖRIN ERU Á BLS. 34
VEISTU SVARIÐ?
– hefur þú séð DV í dag?
VARÐ EINSTÆÐINGUR
EFTIR DNA-PRÓF
Vill lögsækja
konuna sem
laug upp á
hann þremur
dætrum
SNJÓFLÓÐ Veðurstofu Íslands hafa
borist upplýsingar um sjötíu
snjóflóð frá jólum til sjötta jan-
úar. Langflest flóðanna féllu á
Vestfjörðum, nokkur flóð féllu í
Ólafsfjarðarmúla en lítið annars
staðar. „Önnur eins snjóflóða-
hrina hefur ekki komið síðan árið
1995,“ segir Leifur Örn Svavars-
son, á snjóflóðavakt Veðurstof-
unnar.
Veðurstofan heldur skrá yfir
öll fallin snjóflóð sem tilkynnt er
um. Það eru snjóflóð sem fallið
hafa nálægt þéttbýli eða hafa
fallið á vegakerfið. Ekki hafa
borist fregnir af snjóflóði síðan
sjötta janúar. Enginn heldur tölu
yfir flóð sem falla í dreifbýli og á
fjalllendinu. „Snjóflóðið sem féll
úr Hraunsgili í Hnífsdal hefur
mörg hundruð ára endurkomu-
tíma. Þó mælingum þar sé ekki
lokið er ljóst að mörg hundruð ef
ekki þúsund ár geta liðið á milli
svo stórra snjóflóða úr því gili,“
segir Leifur Örn.
- hrs
GUÐJÓN ÓLAFUR JÓNSSON
„Laun heimsins eru oft vanþakklæti,“ segir
hann meðal annars um stöðu Alfreðs.
Sjötíu snjóflóð hafa fallið frá jólum:
Mesta hrina snjó-
flóða í níu ár
KÁRAHNJÚKAR
Greinargerð ASÍ um Impregilo og ágreininginn við verkalýðshreyfinguna er til vinnslu í
félagsmálaráðuneytinu. Vonast er eftir viðbrögðum í dag.
SNJÓFLÓÐAVARNIR Á MILLI ÍSA-
FJARÐAR OG BOLUNGARVÍKUR
Ekki hefur fallið annað eins snjóflóð eins
og féll nýverið úr Hraunsgili í Hnífsdal svo
vitað sé.
M
YN
D
/B
RY
N
JA
R
G
AU
TI