Fréttablaðið - 11.02.2005, Síða 10

10 11. febrúar 2005 FÖSTUDAGUR
Pressuball á morgun
Blaðamannaverðlaunin
2004 verða afhent á
Pressuballi Blaðamanna-
félags Íslands á Hótel
Borg á morgun. Verð-
laununum var komið á
fót á síðasta ári og um
leið var lífi blásið í
Pressuböllin sem þóttu
með fínustu böllum bæj-
arins í eina tíð.
Blaðamenn og makar þeirra hafa
verið tíðir gestir í fatahreinsunum
bæjarins í vikunni enda áhersla
lögð á snyrtilegan klæðnað á
Pressuballinu. Menn vilja vita-
skuld vera sjálfum sér og miðli sín-
um til sóma og gamall sósublettur
getur auðveldlega spillt fyrir. Með-
al blaðamanna er Pressuballið aug-
lýst sem „ball ársins“ og segir það
sitt um væntingarnar.
Þó að fátt sé til sparað í veislu-
höldunum nú er annar blær yfir
Pressuballinu en var á sjöunda ára-
tugnum. Þá voru forsetar og ráð-
herrar meðal gesta og ræðumenn
kvöldsins komu jafnan úr hópi
stjórnmálamanna eða skálda.
Nú er öldin önnur og blaðamenn
sækja ekki vatnið yfir lækinn.
Ræðumaður kvöldsins verður Karl
Blöndal, aðstoðarritstjóri Morgun-
blaðsins, sem þykir ræðumaður
góður.
Matseðillinn er glæsilegur,
parmaskinka með gæsalifur og
olíuediki verður í forrétt, heilsteikt
nautalund með sveppum, kartöfl-
um og sósu verður í aðalrétt og að
lokum sporðrenna gestir ísþrennu
með volgum jarðaberjum og steikt-
um ananas.
Þó að ekki sé gert lítið úr ræðu-
manni kvöldsins, matseðlinum eða
dansleiknum á eftir er afhending
blaðamannaverðlaunanna hápunkt-
ur kvöldsins. Veitt verða verðlaun í
þremur flokkum, fyrir rannsóknar-
blaðamennsku ársins, bestu um-
fjöllun ársins og loks blaðamanna-
verðlaun ársins.
Í fyrra hlutu Agnes Bragadóttir,
Brynhildur Ólafsdóttir og Reynir
Traustason verðlaunin.
Að borðhaldi loknu fá gestir
sér snúning. Hljómsveitin Vax
leikur fyrir dansi en hún hefur
gert það gott á dansiböllum að
undanförnu. „Dómsmálagiggið
gekk vel og Bjössi Bjarna var
ánægður,“ stendur á heimasíðu
sveitarinnar.
bjorn@frettabladid.is
ÍSLENSKA VÍSITÖLUHEIMILIÐ
VER ÁRLEGA 32.258 KRÓNUM
TIL SKÓKAUPA.
Höfuðborgarbúar eru örlátari á fé til
skókaupa en íbúar landsbyggðarinnar.
Heimild: Hagstofa Íslands.
SVONA ERUM VIÐ
Verslun Nóatúns í JL-húsinu við
Hringbraut brann til kaldra kola 13.
desember síðastliðinn. Verslunin var
mannlaus þegar eldurinn kom upp
og urðu engin slys á fólki. Allt inn-
viði búðarinnar varð þó eldinum að
bráð en talið var að eldurinn hefði
kviknað við kjötborð verslunarinnar.
Verslun Nóatúns var eina svæði
byggingarinnar sem skemmdist í
eldinum.
Hundruð milljóna tjón
Að sögn Kristins Skúlasonar, mark-
aðsstjóra Nóatúns, var tjónið í elds-
voðanum heilmikið og nemur nokk-
ur hundruð milljónum króna.
Hann segir að allt gólfið hafi
skemmst sem og loftið og hafi þurft
að hreinsa allt út úr versluninni. Því
starfi verði hins vegar ekki lokið fyrr
en eftir nokkra daga eða vikur og þá
verði húsnæðið afhent til uppbygg-
ingar. Til allrar lukku hefur starfs-
fólkið ekki þurft að vera án atvinnu
á meðan, því hægt er að færa það á
milli verslana.
Ný og betri verslun
Kristinn segir að enn sé ekki komin
tímasetning á hvenær verslun Nóa-
túns í JL-húsinu opnar; gerð verði
áætlun um það þegar Kaupás, sem
á verslanir Nóatúns, fær húsnæðið
afhent. „Við ætlum bara að gera
betur og opnum nýja og enn þá
betri verslun einhvern tímann á
næstu vikum,“ segir Kristinn.
Reisa nýja og betri verslun
EFTIRMÁL: NÓATÚN BRENNUR
2 fyrir 1 í Bláa Lónið - heilsulind.
Gildir einungis gegn framvísun miðans.
Gildir dagana 12. – 14. febrúar 2005.
www.bluelagoon.is • bluelagoon@bluelagoon.is • 420 8800
Valentínusarhelgi
Ly
kil
l 1
56
1
Dekur fyrir
Valentínusardaginn
Dekuraskja sem inniheldur body lotion,
sturtugel, kornagel, baðsalt, baðtöflu og ilmkerti.
Einstakt dekur fyrir elskuna þína.
Verð 3.490 kr.
Dekuraskjan er fáanleg
í verslunum Bláa Lónsins í heilsulind,
að Aðalstræti 2 í Reykjavík, í netverslun
og í Lyf og heilsu Kringlunni.
Eldaskálinn við Mjölnisholt lokaður vegna veikinda:
Egill, Erlingur og Eyjólfur í rúminu
„Þetta er helvítis pest,“ segir Er-
lingur Friðriksson í innréttinga-
fyrirtækinu Eldaskálanum, sem
lagðist veikur í rúmið í fyrradag.
„Þessu fylgja beinverkir, kvef og
hiti og almenn vanlíðan.“
Samstarfsmenn Erlings, sölu-
maðurinn Egill og smiðurinn
Eyjólfur, lágu báðir veikir heima
þegar hann sjálfur fór að kenna
sér meins. Hann harkaði af sér í
fyrstu en síðdegis á miðvikudag
þoldi hann ekki meir. Var þá ekki
annað að gera en að skella í lás og
auglýsa: Lokað vegna veikinda.
„Það þýddi ekkert að standa í
þessu með fljótandi augu,
hóstandi og snörlandi,“ segir Er-
lingur, sem veit sem er að sumir
hafa legið veikir í þrjár vikur. „Ég
vona að við lendum ekki í því og
getum opnað aftur á mánudaginn.
Maður má ekkert vera að því að
vera veikur.“ Erlingur hefur rekið
Eldaskálann í 24 ár og aldrei þurft
að loka fyrr. „Það er náttúrlega
ekki gott að þurfa að loka en ég
vona að okkur verði fyrirgefið,“
segir hann og sýgur upp í nefið.
Er honum, Agli og Eyjólfi hér með
óskað góðs bata. Einnig öðrum
sem liggja veikir heima. - bþs
LOKAÐ VEGNA VEIKINDA
„Það þýddi ekkert að standa í þessu með fljótandi augu, hóstandi og snörlandi.“
Rannsóknarblaðamennska ársins 2004
Kristinn Hrafnsson, DV. Fyrir upplýsandi
fréttir af örlögum íslensks drengs, Arons
Pálma Ágústssonar, í fangelsi í Texas.
Ómar Þ. Ragnarsson, RÚV – Fréttastofu
Sjónvarps. Fyrir að draga fram ný og
óvænt sjónarhorn um umhverfisáhrif
stórvirkjunar við Kárahnjúka.
Páll Benediktsson, RÚV – Í brennidepli.
Fyrir umfjöllun um samfélag dósasafn-
ara í Reykjavík.
Besta umfjöllun ársins 2004
Bergljót Baldursdóttir, RÚV – Frétta-
stofu útvarpsins, Morgunvaktinni. Fyrir ít-
arlega og fróðlega úttekt á stöðu og vel-
ferð aldraðra.
Davíð Logi Sigurðsson, Morgunblaðinu.
Fyrir skrif sín af vettvangi stríðsátaka í
Írak og innsýn í daglegt líf fólksins þar.
Þórhallur Jósepsson, RÚV – Fréttastofu
útvarpsins. Fyrir umfjöllun um Impregilo
og starfsmannamál þess við Kárahnjúka.
Blaðamannaverðlaun ársins 2004
Árni Þórarinsson, Morgunblaðinu. Fyrir
ítarlega og greinargóða fréttaskýringu um
forsetatíð Ólafs Ragnars Grímssonar í að-
draganda forsetakosninganna sl. sumar.
Gunnar Hersveinn, Morgunblaðinu/19.
júní. Fyrir athyglisverð skrif um mannlíf á
sviði jafnréttis-, uppeldis- og menntamála.
Sigríður D. Auðunsdóttir, Fréttablaðinu.
Fyrir vandaðar og ítarlegar úttektir sem sett-
ar eru fram á myndrænan og skýran hátt.
VERÐLAUNAHAFAR 2003
Reynir Traustason, Brynhildur Ólafsdóttir og börn Agnesar Bragadóttur,
þau Sunna og Sindri Viðarsbörn.
FR
ÉT
TA
B
LA
Ð
IÐ
/R
Ó
B
ER
T
TILNEFNINGAR TIL BLAÐAMANNAVERÐLAUNANNA 2004
FR
ÉT
TA
B
LA
Ð
IÐ
/V
AL
G
AR
Ð
U
R