Fréttablaðið - 11.02.2005, Side 43

FÖSTUDAGUR 11. febrúar 2005 27
MÍ í frjálsum íþróttum:
Í eldlínunni í
Egilshöll
FRJÁLSAR ÍÞRÓTTIR Um helgina fer
Meistaramót Íslands í frjálsum
íþróttum fram í Egilshöll en að
þessu sinni eru 108 keppendur
skráðir til leiks frá 16 félögum og
héraðssamböndum. Flestir kepp-
endur koma frá FH(16), ÍR(15),
Breiðablik(13) og UMSS(12) en
besta frjálsíþróttafólk landsins
verður í eldlínunni í Egilshöllinni,
fyrir utan þá sem dvelja erlendis
við nám og æfingar taka þátt í
mótinu um helgina og má búast
við spennandi keppni í mörgum
greinum.
Keppni hefst á laugardaginn
kl. 10.00 og á sunnudag kl. 11.00,
en síðustu greinar hefjast kl.
13.30 báða keppnisdaga. Mótið er í
umsjón frjálsíþróttadeildar Ár-
manns að þessu sinni en þetta
verður væntanlega síðasta meist-
aramótið í Egilshöllinni því næsta
vetur ætti ný og glæsileg frjáls-
íþróttahöll í Laugardalnum að
vera komin í gagnið. ■
ÍSÍ stofnar samtök:
Ólympíufarar
sameinast
ÓYMPÍULEIKAR Íþróttasamband Ís-
lands er nú langt komið með að
setja á stofn sérstök samtök ís-
lenskra Ólympíufara, það er sam-
tök þeirra íslenskra íþróttamanna
sem hafa komið fram fyrir Ís-
lands hönd á sumar- eða vetrar-
ólympíuleikum.
Á vef ÍSÍ kemur fram að fram-
kvæmdastjórn ÍSÍ hafi falið Bene-
dikt Geirssyni, formanni afreks-
sviðs, að hafa frumkvæði í málinu
frá og með síðasta hausti og fékk
Benedikt fjóra fyrrverandi þátt-
takendur ólympíuleika í lið með
sér til að undirbúa stofnun slíkra
samtaka. Undirbúningshópurinn
hefur nú hist á nokkrum fundum
og m.a. unnið að gerð laga fyrir
samtökin ásamt því að undirbúa
stofnfundinn sem fyrirhugaður er
10. mars næstkomandi. Stjórn
þessara nýju samtaka mun jafn-
framt gegna hlutverki íþrótta-
mannanefndar ÍSÍ. Benedikt leit-
aði til fjögurra fyrrverandi
afreksíþróttamanna þjóðarinnar
en í undirbúningshópnum eru
ásamt Benedikt, Kristján Arason,
Íris Grönfeldt, Guðmundur Gísla-
son og Steinunn Sæmundsdóttir
sem er sú eina í hópnum sem er
tengd vetrarleikunum. ■
UNDIRBÚNINGSHÓPURINN:
Benedikt Geirsson form. afrekssviðs ÍSÍ
Kristján Arason fv. handknattleiksmaður
Íris Grönfeldt fv. frjálsíþróttakona
Guðmundur Gíslason fv. sundmaður
Steinunn Sæmundsdóttir fv. skíðakona
Á ÓLYMPÍULEIKUNUM Kristján Arason
sést hér ásamt eiginkonu sinni Þorgerði
Katrínu Gunnarsdóttur í Aþenu.
Enn einn leikmaðurinn á leið frá liði KA í DHL-deild karla í handboltanum:
Jónatan skoðar aðstæður hjá Ossweil
HANDBOLTI KA-maðurinn Jónatan
Magnússon heldur til Þýskalands
um páskana þar sem hann mun
skoða aðstæður hjá þýska 2. deild-
arfélaginu TSG Ossweil. KA lék
æfingaleik gegn þessu liði fyrir
tímabilið og frammistaða Jón-
atans í þeim leik vakti áhuga Þjóð-
verjanna að því er fram kemur á
heimasíðu KA.
Ossweil komst í umspil um
sæti í 1. deildinni á síðasta tíma-
bili en tapaði þeirri rimmu. Verr
hefur gengið hjá liðinu í vetur en
það er sem stendur í tólfta sæti af
átján liðum þegar fimmtán um-
ferðir eru búnar. Skal því engan
undra að félagið sé að leita að liðs-
styrk.
Jónatan hefur stefnt að því
leynt og ljóst síðustu misseri að
komast í atvinnumennsku og litlu
munaði að hann semdi við sænskt
félag síðasta sumar en það datt
upp fyrir á elleftu stundu.
-hbg
Á LEIÐ TIL ÞÝSKALANDS KA-maðurinn Jónatan Magnússon mun eyða páskunum hjá
þýska félaginu TSG Ossweil. Fréttablaðið/Vilhelm