Fréttablaðið - 20.02.2005, Side 2

2 20. febrúar 2005 SUNNUDAGUR
Hvatt til friðsamlegrar uppreisnar gegn Sýrlendingum í Líbanon:
Sameinuðu þjóðirnar rannsaka morðið
LÍBANON, AP Kofi Annan, aðalritari
Sameinuðu þjóðanna, ætlar að
senda hóp sérfræðinga til Lí-
banons til að rannsaka morðið á
Rafik Hariri, fyrrum forsætisráð-
herra landsins.
Annan tók ákvörðunina eftir að
öryggisráð Sameinuðu þjóðanna
óskaði eftir upplýsingum um morð-
ið, ástæður þess og hugsanlegar af-
leiðingar. Írinn Peter Fitzgerald
mun leiða hóp sérfræðinganna sem
munu fara til Beirút á næstu dögum.
Sameinuðu þjóðirnar senda hópinn
til Líbanons þrátt fyrir að Suleiman
Franjieh, innanríkisráðherra lands-
ins, hafi hafnað allri utanaðkomandi
aðstoð við rannsóknina.
Menn andsnúnir ítökum Sýr-
lendinga í Líbanon hvöttu í fyrra-
dag til friðsamlegrar uppreisnar
gegn Sýrlendingum en þeir eru
grunaðir um morðið á Hariri.
Franjieh segir að stjórnvöld muni
ekki umbera neins konar ófrið og
hótar að siga hernum á mótmæl-
endur. Leiðtogi Hizbollah samtak-
anna segir hættu á borgarastyrj-
öld komi til uppreisnar gegn Sýr-
lendingum.
Ráðuneytið hvetur til samstarfs bæja við útgerðir og vinnslur:
Sandgerði uppfyllir skilyrði
sjávarútvegsráðuneytisins
BYGGÐAKVÓTI Öll skilyrði sem sjáv-
arútvegsráðuneytið setur um
byggðakvóta eru uppfyllt af bæj-
arstjórn Sandgerðis, að sögn Árna
M. Mathiesen sjávarútvegsráð-
herra. Samningur aðildarfélags
sem úthlutar byggðakvóta bæjar-
ins hafi verið skoðaður af ráðu-
neytinu.
„Síðan er það sveitarfélaganna
að úthluta kvótanum á þeim nót-
um sem samræmast góðri stjórn-
sýslu,“ segir Árni. Það sé ekki
ráðuneytisins að ráða hvort samn-
ingurinn standist lög.
Árni segir ekki standa til að
gera stórkostlegar breytingar á
byggðakvótaúthlutuninni. „Fyrir
rúmu ári voru gerðar miklar
breytingar. Við höfum verið að
þróa okkur áfram meðal annars
með því að hvetja til samstarfs
vinnslu og veiða og samstarfs við
sveitarfélögin. Sums staðar hafa
sveitarfélögin forgöngu með
þetta eins og í Sandgerði. Annars
staðar vilja sveitarfélögin ekki
hafa forgöngu um úthlutunina og
þá er kvótanum úthlutað hlutfalls-
lega.“
- gag
FORSÆTISRÁÐHERRANN
Jose Luis Zapatero, forsætisráðherra Spán-
ar, heldur í miða þar sem áletrað er „já“.
Spánn:
Kosið um
stjórnarskrá
SPÁNN, AP Þjóðaratkvæðagreiðsla
um nýja stjórnarskrá Evrópusam-
bandsins fer fram á Spáni í dag.
Spánverjar verða þar með
fyrsta þjóðin til að kjósa um
stjórnarskrána en tíu aðrar þjóðir
innan sambandsins hafa tilkynnt
að þær ætli að bera hana undir
þjóðaratkvæði. Ef eitt ríki neitar
að staðfesta stjórnarskrána tekur
hún ekki gildi.
Talið er víst að stjórnarskráin
verði samþykkt á Spáni. Hins veg-
ar ríkir óvissa um kosningaþátt-
tökuna en um 35 milljónir Spán-
verja eru á kjörskrá. Leiðtogar
aðildarríkja Evrópusambandsins
undirrituðu stjórnarskrána í Róm
í lok október.
Holtasmára 1 • 201 Kópavogur
Sími: 5 100 300 • Símbréf: 5 100 309
Netfang: langferdir@langferdir.is
Heimasiða: www.langferdir.is
Opnunartímar alla virka daga frá 10:00-17:00
• Flug á sólarströnd með viðkomu í Kaupmannahöfn.
• Kynntu þér einstakt vortilboð Netklúbbs Iceland
Express og á heimasíðu okkar, www.kuoni.is.
• Sætaframboð takmarkað.
- ein stærsta leiguflugs-ferðaskrifstofa á Norðurlöndum.
Apollo hefur numið land!
Innifalið: Flug milli Íslands og Kaupmannahafnar með
Iceland Express, hótel í Kaupmannahöfn, vikupakki
með Apollo með gistingu í tvíbýli, ferðir til og frá
flugvelli á áfangastað, þjónusta danskra fararstjóra og
allir flugvallarskattar.
Verð frá

55.995 kr.
á mann með öllum sköttum
Nýjar víddir í sólarferðum
í samstarfi við Langferðir og Iceland Express.
draCretsaM
udnuM
!aninusívá
aðref
SPURNING DAGSINS
Þórunn, hvers óskarðu helst á
þessum dekurdegi kvenna?
Væri voða mikið til í að fá fallegan
blómvönd frá manninum mínum, enda
er ég mjög róleg yfir þessum degi og vil
helst eyða honum í faðmi fjölskyldunnar.
Þórunn Högnadóttir stílisti sést æ oftar á sjón-
varpsskjánum í þætti Völu Matt á Skjá einum. Þar
hrærist hún í tískustraumum og -stefnum.
KJARAMÁL
TÆP 72 PRÓSENT SAMÞYKKTU
Allir nema tveir starfsmenn Sem-
entsverksmiðjunnar á Akranesi
kusu um nýgerðan kjarasamning.
Tæplega 72 prósent samþykktu
hann samkvæmt tölum Verka-
lýðsfélags Akraness sem segir
heildarkostnaðaráhrif samnings-
ins vera um nítján prósent á
samningstímabilinu.
Formaður féll á
fjórum atkvæðum
Fjögur atkvæði skildu menn að í kosningu um formannsembætti í Félagi
grunnskólakennara. Ólafur Loftsson tekur við af Finnboga Sigurðssyni.
Kosið var um ólíkar áherslur, segir nýkjörinn formaður.
KJARAMÁL Ólafur Loftsson, for-
maður Kennarafélags Reykjavík-
ur, var kosinn formaður Félags
grunnskólakennara á aðalfundi
félagsins sem haldinn var á föstu-
dag og laugardag á Hótel Selfossi.
Ólafur velti formanni félagsins
til þriggja ára, Finnboga Sigurðs-
syni, úr stóli í kosningu á föstu-
daginn. Fjögur atkvæði skildu þá
að, 46 á móti 42. Guðrún Guð-
mundsdóttir bauð sig einnig fram
og hlaut fimmtán atkvæði.
Finnbogi Sigurðsson, fráfar-
andi formaður, segir ekki ósenni-
legt að erfitt verkfall grunnskóla-
kennara í vetur hafi átt sinn þátt í
niðurstöðunni.
„Í Félagi grunnskólakennara
eru rúmlega fjögur þúsund fé-
lagsmenn. Það eru 104 fulltrúar á
þessum aðalfundi sem vinna í um-
boði hinna sem heima sitja. Þetta
er niðurstaðan og heitir lýðræði,“
segir Finnbogi.
Aðspurður hvort flestir fulltrú-
anna séu ekki af höfuðborgar-
svæðinu þar sem staða Ólafs hafi
verið sterk segir Finnbogi: „Nei,
ég vil nú ekki meina það, en höf-
uðborgarsvæðið ræður jú tölu-
vert mörgum atkvæðum, töluvert
mörgum.“
Ólafur segir erfitt kennara-
verkfall ekki hafa haft áhrif á nið-
urstöðuna. Kosið hafi verið um
ólíkar áherslur. Hann segir að efla
þurfi innra starf félagsins. Auk
þess þurfi að huga að drögum að
kjarastefnu þess.
„Kosningar eru kosningar og
svona er vilji fundarins. Það er
ekkert sem bendir til annars en að
við förum sterk út af fundinum og
komum til með að vinna sameigin-
lega að okkar stefnumálum,“ seg-
ir Ólafur.
Aðalfundur grunnskólakenn-
ara er haldinn þriðja hvert ár í
tengslum við þing Kennarasam-
bandsins. Fundinn sitja stjórn,
formenn svæðafélaga og einn
fulltrúi kennara fyrir hverja
fimmtíu félagsmenn.
Finnbogi er með starfssamning
hjá Kennarasambandi Íslands
fram í ágúst. Hann er í leyfi frá
kennslu í Fellaskóla í Breiðholti.
Ólafur starfar sem kennari í
Foldaskóla í Grafarvogi og á eftir
að ganga frá málum þar áður en
hann hefur störf hjá Kennarasam-
bandinu. gag@frettabladid.is
FINNBOGI SIGURÐSSON OG ÓLAFUR LOFTSSON
Bæði Finnbogi og Ólafur stóðu í framlínunni í verkfallinu. Finnbogi sat kjarafundina og
upplýsti gengi þeirra í verkfallsmiðstöðvum. Ólafur rak verkfallsmiðstöðina í Borgartúni.
KOSIN Í STJÓRN FÉLAGS
GRUNNSKÓLAKENNARA:
Ólafur Loftsson, formaður
– Reykjavík
Sesselja G. Sigurðardóttir
– Hafnarfirði – endurkjörin
Þórður Hjaltested
– Mosfellsbæ – endurkjörinn
Valgerður Eiríksdóttir
– Reykjavík
Paloma Ruiz Martinez
– Kópavogi
Banaslys á
Landmannaleið:
Nafn manns-
ins sem lést
ANDLÁT Maðurinn sem lést í
vélsleðaslysi á Landmannaleið í
fyrrinótt hét Bjarni Sveinsson og
var til heimilis
að Þernunesi 7 í
Garðabæ. Hann
lætur eftir sig
eiginkonu, fjög-
ur börn og eitt
barnabarn.
Bjarni var
matreiðslumað-
ur og athafna-
maður. Hann
stofnaði ásamt eiginkonu sinni
samlokufyrirtækið Sóma árið
1978 sem hann rak til ársins 1993
og var hluteigandi í fyrirtækinu
til ársins 2003. Hann var mikill
áhugamaður um vélsleðamennsku
og hafði stundað hana allt frá ár-
inu 1980. – jón
BJARNI
SVEINSSON
Norður-Kórea:
Vilja ekki
viðræður
KÍNA, AP Stjórnvöld í Norður-Kóreu
útiloka nú tvíhliða viðræður við
Bandaríkjastjórn um kjarnorku-
ætlun landsins. Kínverska frétta-
stofan Xinhua hafði þetta eftir
embættismanni norður-kóreska
utanríkisráðuneytisins í gær.
Yfirlýsingin kemur nokkuð á
óvart því stjórnvöld Norður-
Kóreu höfðu í tvö ár reynt að fá
Bandaríkin til að taka þátt í tví-
hliða viðræðum. Skilaboðin frá
embættismanninum voru á þann
veg að norður-kóresk stjórnvöld
hefðu ekki áhuga á að ræða við
ríkisstjórn lands sem hefði það of-
arlega á forgangslista sínum að
koma ríkisstjórn Norður-Kóreu
frá völdum. Norður-Kórea hefur
einnig hætt sex ríkja viðræðunum
um kjarnorkuáætlun landsins.
SYNIR HARIRI
Bahaa Hariri og Saadeddine Hariri skoð-
uðu í gær staðinn þar sem faðir þeirra,
Rafik Hariri fyrrum forsætisráðherra, var
myrtur á mánudaginn.
ÁRNI M. MATHIESEN
Segir aðildarfélag sem Sandgerðisbær,
landvinnslur í bænum og útgerðir sem
eiga þar heimahöfn eru í standast skilyrði
sem sjávarútvegsráðuneytið setur. Það hafi
jafnvel hvatt til slíkrar samvinnu. FR
ÉT
TA
B
LA
Ð
IÐ
/V
IL
H
EL
M