Fréttablaðið - 23.04.2005, Blaðsíða 2

2 23. apríl 2005 LAUGARDAGUR
Nýtt dagblað á höfuðborgarsvæðinu:
Blaðið í öll hús
FJÖLMIÐLAR „Fréttablaðið hefur
gengið afar vel og við teljum að
rúm sé á markaðnum fyrir annað
blað af svipuðum toga,“ segir Karl
Garðarsson, einn eigenda og for-
svarsmanna Blaðsins, sem er nýtt
dagblað sem dreift verður í öll
hús á höfuðborgarsvæðinu frá og
með miðjum maí.
Karl segir að Fréttablaðið sé að
hluta til fyrirmynd þessa nýja
blaðs en efnistök verði þó með
öðrum hætti. „Öll skrif í blaðið
verða með knappari hætti en til að
mynda hjá Fréttablaðinu. Við von-
umst til að fólk geti rennt fljótt
yfir allt sem máli skiptir án þess
að eyða til þess of miklum tíma.“
Þegar hefur stærsti hluti
starfsfólksins verið ráðinn og
auglýsingasala hófst fyrr í
vikunni. Karl segir hana fara vel
af stað. „Auglýsendur taka okkur
mjög vel og í raun betur en við
áttum von á. Blaðið verður gefið
út til að byrja með í 80 þúsund ein-
tökum og svo sjáum við hvað
setur með framhaldið.“
- aöe
Aukin þjónusta Fréttablaðsins:
Nýr morgunþáttur á Talstöðinni
FJÖLMIÐLAR „Ætlunin er að taka
forystu í fréttaþáttum í útvarpi
strax á fyrsta degi,“ segir Sigur-
jón M. Egilsson, fréttaritstjóri
Fréttablaðsins, um nýjan morg-
unþátt sem verður á Talstöðinni
alla virka daga. Nýi þátturinn
hefur göngu sína klukkan sjö á
mánudagsmorgun. Sigurjón
mun hafa umsjón með þættinum
ásamt Gunnhildi Örnu Gunnars-
dóttur, blaðamanni á Frétta-
blaðinu.
Fréttablaðið hefur séð um há-
degisútvarpið á Talstöðinni frá
upphafi og nú bætast þessir
þættir við. „Við Gunnhildur
höfum komið talsvert að frétta-
þættinum í hádeginu og það má
segja að morgunþátturinn sé
eðlilegt framhald þess þáttar.
Fréttablaðið verður eftir sem
áður með hádegisþáttinn og því
má segja að við séum að auka
fréttaþjónustuna enn frekar,“
sagði Sigurjón, sem mun áfram
gegna starfi fréttaritstjóra á
Fréttablaðinu ásamt Sigmundi
Erni Rúnarssyni.
Frekari breytingar verða
gerðar á dagskrá Talstöðvarinn-
ar. Klukkan níu þegar morgun-
útvarpinu lýkur tekur Ragn-
heiður Gyða Jónsdóttir við og
verður með þátt í klukkustund.
Þegar hún lýkur sér af tekur
Sigurður G. Tómasson við og
verður með þátt milli klukkan
tíu og tólf. ■
Niðurstaða sem lengi
hefur verið beðið
Yfirskattanefnd hefur komist að þeirri niðurstöðu að portúgalskir verkamenn
Impregilo skuli greiða skatta hér en ekki í heimalandi sínu. Impregilo fær
ekki endurgreiddar 200 milljónir króna vegna þessa úrskurðar.
SKATTAMÁL „Þarna er um mikinn
áfangasigur að ræða sem við inn-
an verkalýðshreyfingarinnar
höfum lengi beðið eftir,“ segir
Þorbjörn Guðmundsson, formað-
ur samráðsnefndar iðn- og verka-
lýðsfélaganna sem starfa við
Kárahnjúka. Yfirskattanefnd úr-
skurðaði í gær að þeir portú-
gölsku starfsmenn sem starfa hér
á landi við byggingu Kárahnjúka-
stíflu séu starfsmenn Impregilo á
Íslandi og falli þar með undir ís-
lensk skattalög.
Sá úrskurður hefur þær afleið-
ingar að ítalski verktakarisinn
Impregilo fær ekki endurgreidd-
ar þær 200 milljónir króna sem
Ríkisskattstjóri áætlaði á erlenda
starfsmenn þess en deilur hafa
lengi staðið milli
Ítalanna og
Skattstjóra um
hvar viðkom-
andi starfsmenn
greiði skatta
sína og skyldur.
Impregilo telst
þannig vera
launagreiðandi
verkamannanna
hér á landi og
rök Impregilo að
t v í s k ö t t u n a r -
samningur milli
Portúgal og Ís-
lands geri þeim
kleift að greiða
skatta í Portúgal
gilda ekki um
s t a ð g r e i ð s l u
skatta.
Þorbjörn segir að þar sem
Impregilo hafi litið svo á að ekki
yrði farið eftir íslenskum skatta-
lögum gagnvart þeim erlendu
starfsmönnum sem fengnir voru
gegnum áhafnarleigur frá Ítalíu,
Portúgal og víðar marki niður-
staða yfirskattanefndar tímamót.
„Yfirskattanefnd er þarna sam-
mála okkar mati og þetta breytir
mjög miklu. Til að mynda hlýtur
þessi niðurstaða að kalla á algera
uppstokkun á launamálum þeirra
erlendu starfsmanna sem vinna
fyrir Ítalina vegna þess að heild-
arlaun þeirra voru lægri þar sem
þeim var greitt samkvæmt
skattalögum síns heimalands.“
Þorbjörn telur víst að Impreg-
ilo áfrýi málinu lengra enda
miklir peningar í húfi en segir úr-
skurðinn engu að síður sigur þar
sem verkalýðshreyfingin hafi
lengi bent á að þarna væri pottur
brotinn. „Aðalatriðið er að niður-
staðan er loks komin eftir langa
bið og þetta hefur mögulega for-
dæmisáhrif gagnvart öðrum fyr-
irtækjum en Impregilo enda fer
þeim fjölgandi sem hingað ráða
erlenda starfsmenn frá áhafnar-
leigum.“ albert@frettabladid.is
BREYTT Í EUROPRIS
Europris hefur verið lokuð vegna breytinga
en verður opnuð aftur á morgun.
Europris:
Hættir með
ferskvörur
VERSLUN „Þarna erum við að sníða
verslanir okkar hér á landi eftir
verslunum Europris á erlendri
grund,“ segir Matthías Eiríksson,
framkvæmdastjóri Europris á Ís-
landi. Miklar breytingar eiga sér
stað í verslunum þeirra þessa
dagana og verður hætt að bjóða
upp á ferskvörur eins og mjólk,
brauð og kjöt að þeim loknum.
Matthías segist ekki óttast að
neytendur snúi sér annað heldur
vonast hann þvert á móti til að
þeim fjölgi. „Það sem á sér stað er
að við erum að auka sérvöruúrval
okkar á kostnað ferskvörunnar.
Þetta hefur gefist afar vel erlend-
is og við erum bjartsýnir á að fólk
taki þessu vel hér líka.“ - aöe
Viðskiptaháskólinn á Bifröst mun frá og með næsta
hausti bjóða þeim nemendum sem það kjósa að ljúka
námi til BS eða BA gráðu á tveimur árum í stað þriggja
með því að leggja stund á nám allt árið.
SPURNING DAGSINS
Brynjar, ætlið þið að taka þá á
sálfræðinni?
„Já, þeir verða sálgreindir.“
Sálfræðingar hjá ríkinu felldu sameiginlegan
stofnanasamning BHM og ætla að semja sjálfir.
Brynjar Emilsson er formaður Stéttarfélags sál-
fræðinga.
GUNNHILDUR OG SIGURJÓN
Þau munu annast fréttaþátt í
morgunútvarpi Talstöðvarinnar frá
og með mánudeginum.
Lyfjaverð:
Munar 75
prósentum
KÖNNUN Sjúklingar geta sparað sér
allt að 75 prósent í lyfjakostnað með
því að kanna verðið frá einu apóteki
til annars. Þetta má lesa út úr verð-
könnun verðlagseftirlits Alþýðu-
sambands Íslands.
Könnun á tveimur tilbúnum
dæmum sýndi 31 prósents mun
væru mígrenilyfið Imigran og
bólgueyðandi verkjalyfið Voltaren
Rapid keypt saman. Kostuðu þau
6.329 krónur í Laugarnesapóteki en
4.815 krónur í Rimaapóteki. Blóð-
þrýstingslyfið Cozaar Comp og
sýklalyfið Zitromax kostuðu 3.700
krónur í Garðsapóteki en 2.115
krónur í Rimaapóteki. - bþg
ERLENDIR VERKAMENN VIÐ KÁRAHNJÚKA
Yfirskattanefnd hefur úrskurðað að erlendir verkamenn skuli greiða skatta hér á landi en
ekki í heimalandi sínu eins og Impregilo hefur túlkað það og greitt samkvæmt því frá
upphafi framkvæmdanna fyrir austan.
ÞORBJÖRN
GUÐMUNDSSON
Verkalýðshreyfingin
hefur lengi beðið
niðurstöðu þeirrar
sem nú liggur fyrir
og segir Þorbjörn
hana hafa víðtæk
áhrif.
FR
ÉT
TA
B
LA
Ð
IÐ
/G
VA
VÉLSLEÐAMAÐUR Á BATAVEGI
Rússneskur vélsleðamaður sem
slasaðist illa við byltu sem hann
hlaut þegar hann var við
vélsleðaæfingar á Fjarðarheiði í
gærdag er á batavegi en hann
þurfti að gangast undir aðgerð á
Fjórðungssjúkrahúsinu í Nes-
kaupstað í kjölfar slyssins.
Héraðsdómur Reykjavíkur:
Skilorð fyrir
smáþjófnað
DÓMSMÁL 24 ára gamall maður var
dæmdur í tveggja mánaða fang-
elsi í Héraðsdómi Reykjavíkur.
Dóminn, sem er skilorðsbundinn í
þrjú ár, hlaut maðurinn fyrir að
stela Dewalt-borvél, rafhlöðu og
hleðslutæki, samtals að verðmæti
50 þúsund krónur, á hjúkrunar-
heimilinu Hrafnistu í Reykjavík.
Hann játaði brot sitt greiðlega.
Maðurinn hefur áður fengið
fjóra refsidóma, árin 1997 og
1998, fyrir nytjastuld, eigna-
spjöll, líkamsárás, rán, þjófnað og
gripdeild. -óká
KARL GARÐARSSON
Auglýsingasala í hið nýja
dagblað fer vel af stað.
HANDTEKIN VEGNA FINGURS Kona
sem hugðist lögsækja skyndibita-
stað eftir að hún fann vel snyrtan
fingur af manni í mat sínum var
handtekin í gær og leikur grunur á
að hún hafi sjálf komið fingrinum
fyrir í von um gróða við lögsókn.
Hefur konan ítrekað áður lögsótt
matsölustaði með litlum árangri.
■ BANDARÍKIN
■ LÖGREGLUFRÉTTIR
DÆLT Á BÍL
Íbúar á Ólafsfirði áttu erfitt með að taka
bensín í vikunni.
Ólafsfjörður:
Bensínlausir
bæjarbúar
ELDSNEYTI Margir íbúar í Ólafsfirði
máttu búa við eldsneytisskort á
miðvikudaginn og fimmtudaginn
þar sem sjálfsafgreiðslustöð Olís,
sem er eina bensínstöðin í bæn-
um, hafnaði debetkortum.
Fyrr í vikunni tók Olís við
rekstri stöðvarinnar af Skeljungi.
Olís setti upp nýjar dælur sem
virkuðu ekki sem skyldi fyrr en í
gær. Var eingöngu hægt að borga
eldsneyti með vildarkorti olíu-
félagsins en jafnvel það virkaði
ekki í öllum tilvikum.
Samkvæmt upplýsingum frá
Olís virkaði hugbúnaður ekki sem
skyldi en úr því hefur verið bætt
og geta íbúar í Ólafsfirði nú tekið
bensín með eðlilegum hætti. - eþa