Fréttablaðið - 23.04.2005, Blaðsíða 54

38 23. apríl 2005 LAUGARDAGUR
Árangurinn í vetur undir væntingum
> Við gleðjumst yfir því ...
... að Viggó Sigurðsson, landsliðsþjálfari
í handbolta, skuli finna tíma
í þéttri dagskrá sinni til að
fara í frí. Hann lætur ekki
úrslitakeppnina í
handbolta stoppa sig í
að sleikja sólina á
portúgölskum
ströndum þessa
dagana.
> Við hrósum ...
... Óskari Bjarna Óskarssyni, þjálfara
handboltaliðs Vals, fyrir að líta raunsætt
á árangur liðsins í vetur. Margir
þjálfarar kjósa yfirleitt að
stinga höfðinu í sandinn
þegar illa gengur en Óskar
Bjarni stendur keikur og
viðurkennir að hann sé
hundfúll með árangur
liðsins sem hafi verið
undir væntingum.
Heyrst hefur...
... að Heimir Ríkarðsson, fyrrum
þjálfari Fram, hafi rennt norður til
Akureyrar í gær þar sem hann hyggst
eyða helginni. Spurning hvort KA-
menn nýti tækifærið og ræði við
Heimi um að taka við karlaliði sínu
en þeir hafa þegar lýst yfir áhuga á
að ræða við Heimi og veit Heimir vel
af áhuga liðsins.
Svo gæti farið að Ólafur Ingi Skúlason, knatt-
spyrnumaður hjá Arsenal, komi heim til Íslands í
sumar og spili með liði í Landsbankadeildinni.
Ólafur verður laus allra mála hjá Arsenal um leið
og keppnistímabilinu lýkur í Englandi í maí og seg-
ist Ólafur ætla að reyna eftir fremsta megni að
komast að hjá öðru liði erlendis. Nokkur lið séu
inn í myndinni en ef allt fari á versta veg þá sé
alltaf inni í myndinni að koma heim.
„Fyrir utan deildirnar í Skandinavíu og 1. deildina í
Englandi, þá er ég spenntur fyrir Hollandi. Þótt mér
líði mjög vel í Englandi þá er ég alveg opinn fyrir
því að breyta til,“ sagði Ólafur Ingi í samtali við
Fréttablaðið í gær, en vitað er að Groningen í
Hollandi hefur í nokkurn tíma haft auga á honum.
Ólafur kveðst ekkert vera að flýta sér að finna nýtt
lið.
„Tímabilið er ekki búið ennþá og framundan eru
mikilvægir leikir fyrir mig. Landsleikirnir í byrjun
júní á Íslandi eru sérstaklega mikilvægir og á þeim
verða örugglega einhverjir útsendarar.“
Ólafur hefur þegar hafnað tilboði frá einu liði í
Skandinavíu og einu neðrideildar liði á
Englandi en hann vill ekki nafngreina þau þar
sem líklegt er að þau hafi ekki enn gefið upp
á bátinn að fá Ólaf í sínar raðir.
Vitað er að lið Fylkis mun beita sér fyrir því að
fá Ólaf í sínar raðir kjósi hann að snúa heim í
sumar, en hann er uppalinn í Árbænum og hefur
aldrei spilað fyrir annað lið á Íslandi en Fylki.
Þorlákur Árnason, þjálfari liðsins, staðfesti við
Fréttablaðið að félagið hefði verið í sambandi við
Ólaf Inga en leikmaðurinn segir það alls ekki sjálf-
gefið að hann fari til Fylkis ef hann á annað borð
ákveður að koma heim. „Það eru nokkur lið heima
sem líta vel út og ég mun einfaldlega leita eftir því
að fá sem bestan samning.“
Óskar Bjarni Óskarsson, þjálfari Vals, á eitt ár eftir af samningi sínum við félagið og segist halda áfram
janfvel þótt hann sé hundfúll með afrakstur vetrarins.
ÓLAFUR INGI SKÚLASON MUN FARA FRÁ ARSENAL EFTIR TÍMABILIÐ: LEITAR AÐ LIÐI TIL AÐ SPILA MEÐ
Ekki sjálfgefið að ég fari í Fylki
HANDBOLTI Óskar Bjarni Óskars-
son, þjálfari Valsmanna, var með
stóryrtar yfirlýsingar fyrir leik-
ina gegn Haukum í undanúrslitum
DHL-deildar karla og spáði sínu
liði Íslandsmeistaratitli. Haukar
unnu hins vegar einvígið, 2-0, og
hafa Valsmenn því lokið keppni
þennan veturinn. Óskar Bjarni
sagði í samtali við Fréttablaðið í
gær að hann þyrfti að éta þessi
ummæli ofan í sig en sæi þó ekki
eftir því að hafa látið þau falla.
„Ég hafði alltaf trú á mínum
mönnum og stóð og féll með þeirri
trú.“
Óskar Bjarni á eitt ár eftir af
þriggja ára samningi sínum við
félagið og sagðist búast við því að
halda áfram. „Samningurinn er
uppsegjanlegur af beggja hálfu
núna en ég tel að ég hafi fullan
stuðning stjórnarinnar. Því er þó
ekki að leyna að ég er óánægður
með árangurinn í vetur. Við stóð-
um ekki undir væntingum, féllum
út úr 16 liða úrslitum í bikarnum,
duttum út í 1. umferð Evrópu-
keppninnar og enduðum í fjórða
sæti í deildinni eftir að hafa verið
efstir þegar hún hófst í febrúar.
Þetta er nú ekki glæsilegt, því ég
tel að við hefðum átt að ná betri
árangri með þetta lið,“ sagði Ósk-
ar Bjarni.
Hann sagðist þó ekki vera ör-
uggur um starf sitt því það hefði
sýnt sig á undanförnum dögum að
það gæti allt gerst í handboltan-
um. „Fyrst Heimir Ríkharðsson
var látinn fara frá Fram þá er
ekki einu Chelsea-stjórinn örugg-
ur með starfið. Það að Heimir
skyldi vera rekinn er einn mesti
skandall íþróttasögunnar. Hann
var ekki með neitt lið í höndunum
og náði frábærum árangri. Þetta
er ótrúlegt,“ sagði Óskar Bjarni
og bætti við að hann vildi nota
tækifærið og lýsa yfir fullum
stuðningi við kollega sinn Heimi
Ríkharðsson. oskar@frettabladid.is



 



 

     


   
 


   
   

   

    
! 
"  
    

 #  
$  $

$   % & '( 

 

 ) * 




   


    








  
 


 
 
!
"

#
$ 
% 
 
&&&


 


  

 
 
ÓSKAR BJARNI ÓSKARSSON, ÞJÁLFARI VALS Fer ekki í launkofa með ónægju sína
yfir árangri Valsmanna í vetur. FRÉTTABLAÐIÐ/PJETUR
HEIMIR ÖRN ÁRNASON Einn þeirra
sem er með lausan samning hjá Val.
Handboltinn í Val:
Margir með
lausan
samning
HANDBOLTI Óskar Bjarni Ósk-
arsson, þjálfari Valsmanna, sagði
að undirbúningurinn fyrir næsta
vetur færi á fullt á næstu dögum.
„Við þurfum tvo daga til að
jafna okkur en síðan ætlum við að
semja við okkar menn sem eru
með lausan samning – það er for-
gangsverkefni hjá okkur,“ sagði
Óskar Bjarni en meðal þeirra sem
eru með lausan samning eru
Heimir Örn Árnason, fyrirliði
liðsins, markvörðurinn Hlynur
Jóhannsson og Sigurður Eggerts-
son.
Óskar Bjarni staðfesti að Vals-
menn væru að reyna að fá stór-
skyttuna Árna Þór Sigtryggsson í
sínar raðir. „Okkur vantar skyttu
og það væri frábært að fá Árna
Þór. Það eru hins vegar öll lið á
eftir honum þessa dagana þannig
að við verðum að hafa aðra leik-
menn í bakhöndinni.“ ■
Fyrir fólk með liðkvilla
vegna slitgigtar eða
yfirálags
Fæst í apótekum
sport@frettabladid.is