Fréttablaðið - 26.05.2005, Blaðsíða 50

Algeng mistök í garðrækt
Þegar menn gera mistök í
garðrækt er oft auðvelt að
bæta úr þeim, en í sumum
tilfellum geta mistök kost-
að mikla vinnu.
Það hafa ekki allir svokallaða
græna fingur og algengt er að gerð
séu mistök í garðræktinni. En mis-
tök í garðrækt er oft hægt að leið-
rétta, jafnvel með lítilli fyrirhöfn.
Algeng mistök í garðrækt skipta þó
tugum. Algengt er að fólk velji
rangar plöntur í garðinn hjá sér eða
komi þeim fyrir á röngum stöðum.
Sumar eru veikari gegn hvers kyns
sjúkdómum, aðrar veðurþolnar,
sumar þrífast best í mikilli birtu eða
góðu skjóli. Í þessum tilfellum er
hentugt að ráðfæra sig við sérfræð-
inga, garðyrkjufræðinga eða fólk
með reynslu af garðrækt.
Margir garðræktendur verða að
gjalda þess að planta á röngum
tíma, of snemma eða of seint á
árinu. Þegar slík mistök eru gerð
verður það oft til þess að plönturn-
ar eiga í erfiðleikum með að ná sér
á strik. Einnig er algengt að plant-
að sé of þétt. Þegar plöntur vaxa
verður oft þröngt á þingi.
Gæta verður þess að bæta garðflat-
ir reglubundið með áburði, 3-4
sinnum á ári hverju, og vert að geta
þess að lífrænn áburður er bestur til
þess. Flestir garðræktendur láta sér
nægja að setja áburð í garðinn sinn
einu sinni á ári. Til samanburðar
má geta þess að flatir eins og þær
sem eru á golfvöllum fá áburð í
hverjum mánuði.
Skordýr af mörgum tegundum er að
finna í görðum og ræktendur eru
oft fullfljótir á sér að eitra ef þeir
verða varir við skordýr í garðinum
hjá sér. Sum skordýr eru skaðleg, en
önnur geta verið til góðs fyrir garð-
inn. Það kann ekki góðri lukku að
stýra að fjarlægja nytsöm skordýr
úr garðinum.
Garðræktendur ættu einnig að vera
vakandi fyrir því að nýta sér líf-
rænan úrgang úr garði sínum í rot-
kassa til að gera safnhaug og búa
til næringarríka mold. Vel gerð
garðmold getur skipt sköpum fyrir
ræktun í garðinum. Garðmold er
fullstaðin eða rotnuð þegar hráefn-
ið er orðið óþekkjanlegt og hún á
að vera dökk á lit og laus í sér.
■■■■■■■■■■■■■■■■■■■■■■■■■■■■■■■■■■■■■■■■■■■■■ { HÚS & GARÐAR } ■■■ 11
Ál grátt
Hvítt
Svart granít
Hvítur marmari
Álklæðningar frá ALPOLIC
er góð lausn á klæðningum,
úti sem inni.
Ýmsir litir og steinalíki.
Stórhöfða 33
Sími: 577 4100
Kynnið ykkur
verð og liti
lakkhú›un
0,5 mm álhú›
steinefna kjarni
0,5 mm álhú›
undirlag
Umhverfisvænt
Álklæðning er
augnayndi
Sumar plöntur þurfa
mikla vökvun.
Alhliða
viðgerðaþjónusta
fyrir
iðnaðarmanninn
Súðarvogi 20 • 104 Reykjavík
Sími: 577 3050 • Gsm: 897 4417
tv@btnet.is
GARÐYRKJA Á
ÍSLANDI
Fyrstu áreiðanlegu sög-
ur af garðyrkju á Ís-
landi eru frá því um
miðja 17. öld þegar
Gísli Magnússon, sýslu-
maður í Fljótshlíð, hóf
tilraunir með ræktun á
korni, kúmeni og
grænmeti.
Upphaf garðyrkju miða margir við
fyrstu skipulögðu jarðeplatilraunir
Björns Halldórssonar á Sauðlauksdal
á ofanverðri 18. öld. Snemma á 19.
öld fóru bændur við Eyjafjörð að
planta trjám við bæi sína og á árun-
um 1820-30 voru gróðursett birkitré
og reynivíðir á Skriðu, Lóni og Forn-
haga í Hörgárdal. Upp úr 19. öld
fóru ýmsir áhugamenn um trjárækt
að rækta innfluttar tegundir í görð-
um við heimili sín, jafnan sunnan
undir húsvegg þar sem sólar naut í
ríkasta mæli. Elsti skrúðgarður sem
varðveist hefur hér á landi, er Land-
fógetagarðurinn í Reykjavík. Á fyrstu
áratugum 20. aldar fór þeim fjölg-
andi sem lögðu stund á trjárækt og
garðyrkju og sömuleiðis fjölgaði
þeim sem lögðu stund á nám í þeim
fræðum. Í dag skipta þeir þúsundum
garðræktendurnir á Íslandi, áhuga-
menn jafnt sem atvinnumenn.