Fréttablaðið - 06.06.2005, Qupperneq 21

5MÁNUDAGUR 6. júní 2005
Á sumrin ráðast margir í það verk að
höggva niður stór tré í garðinum sem eru að
bera húsið ofurliði. Við slíkt verk er tréð bút-
að niður og í stað þess að losa sig við trjábol-
ina er tilvalið að nýta þá sem garðhúsgögn.
Hægt er að saga stykkin til þannig að þau
geta nýst sem borð eða kollar.
Auðvelt er að pússa létt yfir hrjúfa hluta
trésins og lakka yfir þannig að það standist
veður og vinda. Trjábolirnir geta nýst sem
litlir kollar, smáborð eða sem fætur undir
borðplötur og jafnframt hægt að smíða úr
þeim bekki og hillur. Trjágreinarnar má nýta
til að festa inn á skjólveggi og hengja í þær
blóm og luktir.
Garðurinn fær á sig persónulegan blæ
þegar húsgögnin eru smíðuð úr trjánum sem
uxu þar og döfnuðu í mörg ár og veita yl í
stað skugga.
Persónuleg og heillandi garðhúsgögn
Efniviðurinn úr garðinum nýttur til hins ýtrasta.
Viðarplata er fest ofan á fallegan trjábol. Fallegur bekkur úr trjábolum sem sómir sér vel í
garðinum.
Til skrauts
og nytja
Kryddjurtir lífga upp á eldhús-
gluggann og fallegt er að hafa
þær í heimilislegum taupokum.
Þessir fást í Blómavali og þeir
eru fóðraðir með plasti.
Basilíka er einær kryddjurt. Hún
þrífst ekki utandyra hér á landi
en getur þroskast vel í glugga. Þá
þarf að gæta þess að klípa af
henni blómin. Basilíkan er upp-
runnin í Indlandi fyrir þúsundum
ára þar sem hún var talin helg
jurt en lítið notuð í matargerð.
Hún er hinsvegar undirstöðu-
krydd í Miðjarðarhafselda-
mennsku. Basilíka er til í
nokkrum afbrigðum og sum
þeirra bera fjólublá blöð. Þau eru
sérlega falleg til skreytinga.
Oreganojurtin þolir að vera í
gluggakistunni ef henni er haldið
rakri en verður enn bragðmeiri sé
hún ræktuð úti. Oregano eða
bergmynta eins og jurtin heitir á
íslensku á heimkynni sín við Mið-
jarðarhaf. Hún þykir ómissandi í
ítalskri matargerð og þurrkuð er
hún uppistaðan í pitsukryddi sem
mikið er notað. Bragðið er milt og
hefur sætan keim enda fer orega-
no ljómandi vel með tómatsósum,
hvítlauk og ólífum og ýmsum
kjötréttum.
Kóríanderjurtin á sínar upphaf-
legu rætur í Austurlöndum nær
en er fyrir löngu orðin þekkt víða
um heim. Hún er afar vinsæl í
Indlandi. Af blöðunum er eilítið
beiskur anískeimur og þau eru oft
notuð fersk, til dæmis í kaldar
sósur og ídýfur. Þau eru líka not-
uð í heitan mat og er þá gjarnan
bætt út í við lok matreiðslunnar
til að bragðið nái að halda sér.
Heil lauf eru ákjósanleg til
skreytingar, líkt og steinselju-
laufin.
Timjan eða garðablóðberg, eins
og það er stundum nefnt, er af
ættkvísl plantna af varablóma-
ætt. Hér á landi vex ein tegund
blóðbergs og er algeng á melum
og í mólendi. Blóðbergið er með-
al elstu jurta í heiminum og vitað
er að Grikkir til forna kunnu
með jurtina að fara en orðið timí-
an er einmitt komið af gríska
orðinu thymon. Talið er að timían
eigi uppruna sinn í sunnanverðri
Evrópu og hafið vaxið villt í
löndunum við Miðjarðarhaf öld-
um saman.