Fréttablaðið - 14.07.2005, Síða 27

3LAUGARDAGUR 8. janúar 2005
Íslensk sumarblóm í vasa
Fíflar og sóleyjar njóta sín jafnvel betur í blómavasa en úti í
garði.
Matarstell sjónvarpskokksins
Jamie Oliver lætur ekki nægja að elda matinn heldur hannar
hann skálar og fleira í eldhúsið.
Í nokkur ár hafa verið framleidd
matarstell úr hágæða postulíni í
nafni Jamie Oliver, kokksins
fræga. Nýjasta stellið hans
heitir Vintage chic og þar er
gamaldags útlit allsráðandi
með nýtískulegu sniði. Litirnir
eru hvítir og bláir og ekki
klikkar Jamie á hagnýtu hlutun-
um eins og að hafa mælieiningar
innan á skálunum. Bollarnir eru
skrautlegir með blómum, doppum
eða litlum flugvélum og líta bæði út
fyrir að vera eitthvað sem amma átti í
sínu eldhúsi og eitthvað sem lítill strákur
hefur hannað.
Hægt er að skoða allt stellið á vefsíðunni
www.smallislandtrader.com.
Stellið hans Jamie er bæði
rómantískt og strákalegt.
Baldursbrár eru fallegar einar og sér.
Sumarið er tíminn til að ganga í
barndóm og fara út að tína blóm.
Hægt að búa til mjög fallegan
blómvönd úr villtum íslenskum
sumarblómum og fá þannig af-
skorin blóm í vasa án þess að
greiða fyrir þau eina einustu
krónu. Eina sem þarf að gera er
að fara út í næstu órækt með opn-
um huga og leyfa sköpunargáf-
unni að blómstra.
Náttúran býður upp á allskon-
ar liti og gaman að leika sér með
samsetningar. Fíflar og sóleyjar
fara vel með fjólum, baldursbrár
eru fallegar einar og sér og hægt
að setja nokkur strá í vönd til að
gefa skemmtilegan gráan lit.
Ágætt er að hafa í huga að velja
eins hávaxin blóm og mögulegt
er. Íslensk villiblóm eru flest
smágerð og af einhverjum ástæð-
um virðast þau alltaf vera stærri
í sínu náttúrulega umhverfi en
þegar á að koma þeim fyrir í vasa.
Ef fólki finnst garðurinn sinn
eða garðurinn hjá nágrönnunum
ekki vera nógu villtur er auðveld-
lega hægt að fara á stúfana. Til
dæmis er blómahaf í Öskjuhlíð-
inni og í Elliðaárdalnum þar sem
hægt er að fá innblástur með því
að kanna hvernig móðir náttúra
raðar sínum blómum saman.
Fíflar geta verið skemmtilegir í stórum
vöndum með sóleyjum og fjólu.
Lifum - Njótum - Brosum
www.bergis.is
550 5000
AUGLÝSINGASÍMI