Fréttablaðið - 27.07.2005, Qupperneq 2

2 27. júlí 2005 MIÐVIKUDAGUR
Rannsóknin á hryðjuverkunum í Sharm-el-Sheik:
Kennsl borin á
einn árásarmanna
EGYPTALAND, AP Rannsóknarlög-
regla í Egyptalandi hefur borið
kennsl á einn sjálfsmorðs-
sprengjumannanna sem frömdu
hryðjuverkaárásina í ferða-
mannabænum Sharm-el-Sheik við
Rauðahaf í lok síðustu viku sem
kostaði hátt í níutíu manns lífið,
flestir voru Egyptar. Ku hann
vera Egypti að nafni Youssef Ba-
dran sem hafi verið í slagtogi við
íslamskan öfgahóp. Egypska lög-
reglan smalaði í gær inn tugum
manna til viðbótar til yfirheyrslu
í tengslum við rannsókn málsins.
Badran stýrði vörubíl fylltum
sprengiefni sem var sprengdur
við innganginn að hóteli í Sharm-
el-Sheik aðfaranótt laugardags.
Borin voru kennsl á hann á grund-
velli niðurstaðna DNA-prófs.
Lögregla færði alls um sjötíu
manns til yfirheyrslu í gær, þar á
meðal ættingja Badrans, en þar
með er heildarfjöldi þeirra sem
handteknir hafa verið í tengslum
við rannsóknina kominn í um 140
manns.
Reynsla að komast á nýja leiðarkerfið:
Enginn strætó í Fossvogsspítala
SAMGÖNGUR „Nú er búið að slípa þá
fáu hnökra sem komu upp í gær,“
segir Ásgeir Eiríksson, fram-
kvæmdastjóri Strætó, nú þegar
nokkur reynsla er komin á nýja
leiðarkerfi strætó.
Fjölmargir hafa haft samband
við Fréttablaðið og lýst skoðunum
sínum á því og sýnist sitt
hverjum.
Þar á meðal bárust óánægju-
raddir frá starfsmönnum á Land-
spítala háskólasjúkrahúsi í Foss-
vogi sem biðu í gær eftir strætis-
vagninum við torgið fyrir utan
anddyri spítalans en þangað
kemur enginn vagn lengur. Þótti
þeim það mikill galli á nýja leiðar-
kerfinu þar sem eldra fólk og
margir sem ekki eru fráir á fæti
eigi erindi á spítalann og fannst
þeim spölurinn alllangur í næstu
biðskýli sem eru við Bústaðaveg
og Háaleitisbraut.
Ásgeir segir að ferðir vagn-
anna inn á torg spítalans hafi
oftar en ekki tafist þar sem heilt
bílastæði umlykur torgið. Hann
segir að næsta biðskýli sé í um
það bil 150 metra fjarlægð sem
geti ekki talist löng vegalengd.
Hann segir að spítalinn við
Hringbraut búi við sama kost og
hafi hann ekki heyrt kvartanir
þaðan.
-jse
Meirihlutinn tapar
fylgi en heldur velli
Sjálfstæ›isflokkurinn og Framsóknarflokkurinn á Akureyri tapa umtalsver›u fylgi sam-
kvæmt könnun IMG Gallup en halda fló meirihlutanum í bæjarstjórn. Listi fólksins á Ak-
ureyri missir bá›a bæjarfulltrúa sína en Samfylkingin og Vinstri grænir sækja verulega á.
KÖNNUN Sjálfstæðisflokkur og
Framsóknarflokkur fá samanlagt
tæplega 47 prósenta fylgi sam-
kvæmt könnun sem IMG Gallup
framkvæmdi í mars síðastliðnum
en fylgi flokkanna var tæp 60 pró-
sent í síðustu sveitarstjórnar-
kosningum. Framsóknarflokkur-
inn tapar einum manni, fær tvo,
en Sjálfstæðisflokkurinn fær
áfram fjóra bæjarfulltrúa þrátt
fyrir að fylgi flokksins minnki
verulega frá síðustu kosningum. Í
bæjarstjórn Akureyrar eru ellefu
fulltrúar og því heldur núverandi
meirihluti Sjálfstæðisflokks og
Framsóknarflokks samkvæmt
könnun Gallup. Listi fólksins á
Akureyri fær engan mann kjörinn
í bæjarstjórn en listinn fékk tvo
menn kjörna í kosningunum fyrir
þremur árum. Samfylkingin bæt-
ir verulega við sig fylgi og fær
þrjá bæjarfulltrúa í stað eins og
sömuleiðis vex fylgi Vinstri
grænna umtalsvert og fá þeir tvo
bæjarfulltrúa en hafa nú einn.
Samkvæmt könnuninni er 11.
bæjarfulltrúinn Sjálfstæðismaður
en næstur á eftir honum er fjórði
bæjarfulltrúi Samfylkingarinnar.
Þar á eftir kemur fyrsti maður af
Lista fólksins.
Þetta kemur fram í lífskjara-
könnun sem IMG Gallup fram-
kvæmdi fyrir Akureyrarbæ í
mars síðastliðnum. Alls voru 383
einstaklingar spurðir hvaða flokk
eða lista þeir myndu kjósa ef
gengið hefði verið til kosninga í
mars og gáfu 205 eða rúm 53 pró-
sent upp afstöðu sína.
Sigríður Ólafsdóttir, hjá IMG
Gallup á Akureyri, segir tilgang-
inn með spurningunni um afstöðu
fólks til stjórnmálaaflanna á Ak-
ureyri ekki hafa verið að mæla
fylgi flokkanna í bænum. „Spurn-
ingin var fyrst og fremst bak-
grunnsbreyta í lífskjararannsókn-
inni og á þeirri forsendu fór hún
inn,“ segir Sigríður.
Oddur Helgi Halldórsson, odd-
viti Lista fólksins, segist hafa
mikla trú á skoðanakönnunum.
„Það er hins vegar ekkert nýtt að
minn listi kemur illa út í svona
könnunum enda er lítið fjallað um
Lista fólksins í fjölmiðlum á milli
kosninga. Í upphafi baráttunnar
fyrir síðustu kosningar þá mæld-
umst við með 3,2 prósent fylgi en
fengum 17,8 prósent. Í þessari
könnun fengum við 6,3 prósent og
það er einhver besta útkoma sem
við höfum fengið í skoðanakönn-
un. Því sef ég alveg rólegur,“ seg-
ir Oddur Helgi. kk@frettabladid.is
Olís, Skeljungur og Esso:
Hafa öll greitt
sektir sínar
NEYTENDUR Stóru olíufélögin þrjú,
Esso, Skeljungur og Olís hafa öll
greitt að fullu sektir þær er fyrir-
tækin voru dæmd til af hálfu Sam-
keppnisstofnunar vegna ólög-
mæts samráðs þeirra.
Þetta staðfesti Gunnar H. Hall,
fjársýslustjóri hjá Fjársýslu rík-
isins í viðtali við Fréttablaðið en
sektir fyrirtækjanna þriggja
námu rúmlega 1.5 milljarði króna
þegar uppi var staðið. Höfðu þau
þá fengið umtalsverða lækkun
eftir áfrýjun til áfrýjunarnefndar
Samkeppnisstofnunar en upphaf-
lega var fyrirtækjunum gert að
greiða alls 2.5 milljarða króna.
-aöe
Sjúkraflug Gæslunnar:
Skorinn á háls
um bor› í skipi
LANDHELGISGÆSLAN TF-LIF þyrla
Landhelgisgæslunnar var í
fyrrinótt kölluð að skemmti-
ferðaskipinu Sea Rose sem var á
siglingu norður af landinu.
Þyrlan var kölluð út til að sækja
mann sem misst hafði mikið
blóð eftir að hafa verið skorinn á
háls í ryskingum um borð.
Nokkuð snúnar aðstæður
voru í þokunni norður af landinu
og því var þyrlan komin með
manninn á Landspítalann í Foss-
vogi rúmum fjórum tímum eftir
að hún var kölluð út. Maðurinn
var í gær útskrifaður af spítal-
anum og líðan hans eftir atvik-
um góð.
- oá
SPURNING DAGSINS
Össur, gastu nota› gamlar
ræ›ur?
„Ekki mínar eigin, en til að halda friðinn
segi ég ekki í ræður hvaða þingmanns ég
fór.“
Össur Skarphéðinsson alþingismaður tók að sér
gestahlutverk í sjónvarpsþættinum Stelpurnar og
leikur þingmann sem talar samhengislaust bull.
LÖGREGLUFRÉTTIR
BRUTUST INN Í HEIMAHÚS
Brotist var inn í heimahús í
austurbæ og stolið þaðan
tveimur tölvum, fartölvu og
leikjatölvu. Tilkynnt var um
innbrotið um klukkan sex í
gærdag að sögn lögreglu og
var innbrotsþjófsins leitað í
gærmorgun.
BJARGAÐ ÚR ÁRABÁT Björgun-
arsveitir voru kallaðar út að
Ólafsfjarðarvatni í fyrradag
eftir að fjórar ungar konur um
borð í árabát komust ekki í
land. Konurnar voru ekki með
björgunarvesti og voru þær
dregnar á þurrt land.
HANDTEKNIR EFTIR HÚSLEIT
Tveir voru handteknir eftir
húsleit lögreglu í íbúðarhús í
Rangárþingi ytra síðdegis í
fyrradag. Við húsleitina fannst
lítil kannabisrækt, lítilræði af
fíkniefnum, tæki og tól til
fíkniefnaneyslu auk ummerkja
um heimalögun áfengis. Málið
er enn í rannsókn lögreglu á
Hvolsvelli.
Herstöðin í Keflavík:
Rætt a› flug-
herinn taki vi›
HERSTÖÐIN Sendinefnd frá banda-
ríska flughernum kemur til
landsins næstu helgi til að ræða
um framtíð reksturs herstöðv-
arinnar á Keflavíkurflugvelli.
Ekki er enn ljóst hvort flugher-
inn taki við rekstri stöðvarinnar
af sjóhernum en ef svo verður
gerist það á næstu tveimur
árum.
Sendinefndin dvelur í her-
stöðinni í viku og kynnir sér að-
stæður þar. Flutningur her-
stöðvarinnar á Keflavíkurflug-
velli til flughersins er einn
margra möguleika sem ræddir
eru um framtíð herstöðvarinnar.
- oá
STRÆTÓ Margir gagnrýna einhverja þætti nýja leiðarkerfisins en aðrir segja það mjög gott
í alla staði en vandinn sé sá að fólk eigi miserfitt með að taka breytingum.
SPRENGJULEIT Lögregla skoðar undir bíl við innaksturinn í gamla bæinn í Sharm-el-Sheik
í gær.
FR
ÉT
TA
B
LA
Ð
IÐ
/A
P
ODDUR HELGI HALLDÓRSSON Oddviti Lista
fólksins á Akureyri segist ekki hafa tekið
ákvörðun hvort listinn verði boðinn fram
við sveitarstjórnarkosningarnar að ári en
hann telur þó meiri líkur á því en minni.
LÖGREGLUFRÉTTIR
HRAÐAKSTUR Lögreglan í Kefla-
vík stöðvaði fimm ökumenn fyrir
of hraðan akstur á Reykjanes-
brautinni í gær. Tveir ökumann-
ana mældust á 124 kílómetra
hraða og mega þeir búast við sekt
upp á 30 þúsund krónur hvor.
FYLGI MEIRIHLUTANS MINNKAR Könnun Gallup sýnir að fylgi meirihluta Framsóknarflokks
og Sjálfstæðisflokks dregst saman um ríflega tíu prósent.